Yêremya 12:3 - Kurmanji Încîl

³ Lê ya Xudan! Tu min dizanî. Tu min dibînî û diceribînî, Dilê min li ba te ye. Wan wekî pezê serjêkirinê kifş bike Û ji bo roja kuştinê veqetîne.

Yêremya 12:3 ပူးပေါင်းရင်းမြစ်များ

Padîşah II, 20:3

“Ax, ya Xudan, lava dikim bîne bîra xwe ku çawa bi te re bi dilsozî û bi tevahiya dil xwe meşiyam û tiştên di çavê te de qenc in kirin.” Piştre Hîzqiya bi dilekî şewat giriya.

Dîrok I, 29:17

Ya Xwedayê min, ez baş dizanim ku tu dilan diceribînî û ji rastiyê hez dikî. Min tevahiya van tiştan, bi rastiya dilê xwe û ji dil da te. Min dît ku gelê te, li vir bi şahî û dilxwazî pêşkêşî te kir.

Eyûb 23:10

Lê ew riya ku ez çûm ser dizane, Dema min biceribîne, ezê wekî zêr derkevim.

Zebûr 11:5

Yê rast diceribîne Xudan, Ji yê xerab, ji yê zordar aciz e, ji can.

Zebûr 139:23

Ey Xwedê, min sihêtî bike, dilê min binase, Min bitoklîne, bi fikrên min bizane.

Zebûr 17:3

Te ceriband dilê min, Bi şev ez sehitandim, Bi îmtihankirina min, Te xerabiyek nedît; Min niyet kir, ya xerab dernakeve ji devê min.

Zebûr 26:1

Min mafdar derîne ya Xudan, Çimkî ez di riya rast de meşiyam; Bê çivçivandin min baweriya xwe anî bi Xudan.

Zebûr 7:9

Ey Xwedayê rast! Bila dawiya xerabiya xeraban bê, Belê rastan ava ke. Tu ku, dil û aqilan diceribînî.

Yêremya 15:15

Ya Xudan, tu vê dizanî! Min bi bîr bîne, li min xweyî derkeve. Heyfa min ji zordarên min bistîne. Di sebra te de min ji mirinê re nehêle, Bizanibe ez ji bo xatirê te hatim riswakirin.

Yêremya 17:16

Lê ez ji şivantiya te nereviyam, Ne jî min ji bo wan roja belayê xwest. Tu her gotina li ser lêvên min zanî, Ew li ber çavê te bûye.

Yêremya 17:18

Bila kesên li pey min şerm bikin, lê min nede şermê, Bila ew bişikên, lê ez neşikêm. Roja belayê bi ser wan de bîne, Wan bi şikandina du qatî bişikîne.

Yêremya 20:12

Ya Xudanê Karîndar! Yê ku rastan diceribîne Û dil û ramanan dibîne, tu yî! Rabe, heyfa ku tê ji wan bistînî, bibînim, Çimkî ez doza xwe datînim pêşberî te.

Yêremya 48:15

Xerabkarê Moavê û bajarên wê hat Û xortên wê yên bijare ji bo ku bên serjêkirin daketin.” Ev e gotina Padîşahê ku navê wî Xudanê Karîndar e.

Yêremya 50:27

Hemû conegayên wê bikujin, bila herin serjêbûnê! Wey li wan! Çimkî roja wan, Dema cezakirina wan hat!

Yêremya 51:4

Wê li welatê Kildaniyan kuştî, Li kuçeyên Babîlê birîndar bikevin.

Yûhenna 21:17

Îsa cara sisiyan ji Petrûs pirsî: «Ey Şimûnê kurê Yûhenna, ma tu ji min hez dikî?» Li ser pirsîna Îsa ya cara sisiyan «Ma tu ji min hez dikî?» kederê Petrûs girt û got: «Ya Xudan, tu her tiştî dizanî; tu dizanî ku ez ji te hez dikim.» Îsa ji wî re got: «Miyên min biçêrîne.

یعقوب 5:5

We li dinyayê xwe da kêf û şahiyê û we dilê xwe ji bo roja şerjêkirinê qelew kir.

Petrûs II 2:12

Lê evên ha wek heywanên bêfêm û afirîdên bi fêmkirina xweheyî yên ku ji bo girtin û kuştinê çêbûne, çêrî tiştên ku jê fêm nakin, dikin. Ew jî wê wek wan heywanan di xerabûniya xwe de helak bibin