Yêremya 11:20 - Kurmanji Încîl

²⁰ Lê ya Xudanê Karîndar! Ya Dadgerê adil ê ku dil û raman diceribîne! Ez heyfa ku tê ji wan bistînî bibînim, Çimkî min doza xwe li ber te vekir.

Yêremya 11:20 ပူးပေါင်းရင်းမြစ်များ

Destpêk 18:25

Dûrî te be ku tu wiha bikî û tu kesê rast jî bi kesê xerab re bikujî û rast bibin wekî xerab! Ma dadgerê tevahiya dinyayê ya rast neke?”

Padîşah II, 19:14

Hîzqiya name ji destê qasidan stand û xwend. Hîzqiya çû Mala Xudan, name vekir

Dîrok I, 28:9

“Silêmano! Ya kurê min! Xwedayê bavê xwe nas bike. Bi yek dilî û canê bibiryar xulamiya wî bike. Çimkî Xudan lêkolîna tevahiya dilan dike. Hemû niyet û fikran fêm dike. Heke tu lê bigerî, wê xwe bide dîtin. Lê heke tu dev ji wî berdî, wê heta hetayê te red bike.

Dîrok I, 29:17

Ya Xwedayê min, ez baş dizanim ku tu dilan diceribînî û ji rastiyê hez dikî. Min tevahiya van tiştan, bi rastiya dilê xwe û ji dil da te. Min dît ku gelê te, li vir bi şahî û dilxwazî pêşkêşî te kir.

Eyûb 5:8

“Lê belê ez bûma, ezê li Xwedê bigeriyama, Min ê doza xwe ji Xwedê re bihişta.

Zebûr 139:23

Ey Xwedê, min sihêtî bike, dilê min binase, Min bitoklîne, bi fikrên min bizane.

Zebûr 35:2

Tu hilde mertalê biçûk û mertalê mezin, Rabe were alîkariya min!

Zebûr 43:1

Li doza min binêre ey Xwedê, Min biparêze li hember bêwefayan, Azad ke, ji hîlekar û neheqan.

Zebûr 57:1

Li min were rehmê ey Xwedê, li min were rehmê, Çimkî min xwe avêt te; Heta ku bela derbas bin, Ezê xwe bavêjim bin siya bazkê te.

Zebûr 58:10

Zilamê rast, wê bi dîtina tolsîtandînê şa be, Wê bi xwîna xeraban lingên xwe bişo.

Zebûr 7:10

Xwedê mertalê min e, Xelaskarê dilpaqijan e.

Zebûr 7:8

Li miletan hukum dike Xudan, Li min jî hukum bike ya Xudan! Li gor rastî û durustiya min.

Zebûr 7:9

Ey Xwedayê rast! Bila dawiya xerabiya xeraban bê, Belê rastan ava ke. Tu ku, dil û aqilan diceribînî.

Zebûr 98:9

Çimkî ew tê, Da ku dadbar bike dinê bi edaletê, Ewê gelan, bi rastiyê dadbar bike.

Yêremya 12:1

Gava ez li ber te dozê vekim, Tu mafdar î, ya Xudan. Lê bihêle, ez bi te re li ser edaletê bipeyivim. Çima riya xeraban bi xêr e? Her bêbext ji bo çi rihet e?

Yêremya 12:3

Lê ya Xudan! Tu min dizanî. Tu min dibînî û diceribînî, Dilê min li ba te ye. Wan wekî pezê serjêkirinê kifş bike Û ji bo roja kuştinê veqetîne.

Yêremya 15:15

Ya Xudan, tu vê dizanî! Min bi bîr bîne, li min xweyî derkeve. Heyfa min ji zordarên min bistîne. Di sebra te de min ji mirinê re nehêle, Bizanibe ez ji bo xatirê te hatim riswakirin.

Yêremya 17:10

“Ez Xudan dilan dikolim û ramanan diceribînim Ku li gorî rê û berê karê wan bidim.”

Yêremya 17:18

Bila kesên li pey min şerm bikin, lê min nede şermê, Bila ew bişikên, lê ez neşikêm. Roja belayê bi ser wan de bîne, Wan bi şikandina du qatî bişikîne.

Yêremya 20:12

Ya Xudanê Karîndar! Yê ku rastan diceribîne Û dil û ramanan dibîne, tu yî! Rabe, heyfa ku tê ji wan bistînî, bibînim, Çimkî ez doza xwe datînim pêşberî te.

Lavijên Şînê 3:58

Ya Reb! Te parastina doza min kir, Te canê min rizgar kir.

Lavijên Şînê 3:59

Ya Xudan! Te neheqiya ku wan li min kir dît, Mafê min biparêze.

Lavijên Şînê 3:64

Ya Xudan! Li gorî karê destê wan bergîdana wan bide.

شُله رسولا 17:31

Çimkî wî rojek kifş kiriye û ewê di wê rojê de bi destê zilamê ku wî destnîşan kiriye bi dadperwerî dîwana dinyayê bike. Bi rakirina wî ya ji nav miriyan wî ewlehî da hemûyan, ku ji bo vî karî ew mirov hatiye destnîşankirin.»

Filîpî 4:6

Ji bo tu tiştî xeman nexwin. Lê belê di her tiştî de bila daxwazên we bi dua û lavan û bi şikirkirinê ji Xwedê re bên gotin.

Tîmotʼêyo II 4:14

Skenderê sifirker gelek xerabî li min kir. Xudan wê li gor kirinên wî bide wî.

Petrûs I 2:23

Çaxê ku dihat nizimkirin, wî bi nizimkirinê bersîv neda. Çaxê ku êş dikişand wî li kesî gef nexwar; lê wî xwe spart wî yê ku bi dadperwerî dîwanê dike.

Peyxam 18:20

Ey ezmanno û hûn pîrozno! Şandîno û pêxemberno! Li ser wî şa bibin! Çimkî Xwedê dîwana wî kir, heqê we ji wî stand.»

Peyxam 2:23

Û ezê li zarokên wê bixim û bikujim û hemû civîn wê bizanin ku yê li dil û daxwazan dikole ez im û ezê li gor kirinên her yekî ji we bidim we.

Samûêl I, 16:7

Lê Xudan ji Samûêl re got: “Li bejn û bala wî nenêre. Ne ew e! Xudan wekî mirov dibînin nabîne. Mirov li rû dinêre, lê belê Xudan li dil dinêre.”

Samûêl I, 24:15

Bila Xudan di nav min û te de dadger be û biryarê bide. Bila Xudan li doza min binêre, min biparêze û ji destê te rizgar bike.”