Yêremya 11:12 - Kurmanji Încîl

¹² Wî çaxî wê bajarên Cihûda û şêniyên Orşelîmê herin û ji îlahên ku ji wan re bixûrê dişewitînin bikin hewar. Lê gava ev bela bê serê wan, wê ev îlah nikaribin wan rizgar bikin.

Yêremya 11:12 ပူးပေါင်းရင်းမြစ်များ

Îşaya 45:20

“Ya filitiyên miletan! Bicivin û werin, bi hev re nêzîk bibin. Kesên pûtên ji daran hildigirin Û ji îlahên rizgar nakin re dua dikin, nizanin.

Îşaya 46:7

Ew wî li ser pişta xwe hildigirin, Bar dikin û dibin li cihê wî datînin. Ew li cihê xwe disekine û nalebite. Çaxê yek jê re dike feryad bersivê nade, Wî ji tengasiya wî xilas nake.

Yêremya 18:15

Lê gelê min ez ji bîr kirim, Wan ji îlahan re bixûr pêxist. Ew li ser riyên xwe yên kevin Ku herin ba îlahan terpilîn. Ew ne li ser riyên mezin, Lê li ser şiverêyan meşiyan.

Yêremya 2:28

Ka ew îlahên ku te ji xwe re çêkirin? Gava bela hat serê te ku bikaribin te rizgar bikin, Bila rabin û werin! Çimkî gelê Cihûda, Îlahên te li gorî hejmara bajarên te ye.

Yêremya 44:8

Çima hûn li welatê Misrê yê ku hûn bi mêvandarî çûnê, bi karên destê xwe û bixûrpêxistina ji îlahan re min hêrs dikin?! Hûn xwe helak dikin! Ma hûnê di nav hemû miletên dinyayê de bibin nalet û mijara riswabûnê?!

Dubarekirina Şerîetê 32:37

Wê bêje: ‘Ka îlahên wan li ku ne? Ka ew zinarên ku we xwe spartibû wan

Dubarekirina Şerîetê 32:38

Ku bezê qurbanên we dixwar Û şeraba pêşkêşiyên rijandinê vedixwar? Bila ew rabin alîkariya we bikin, Bila li ser we bibin sitar.

Dadger 10:14

Rabin, ji îlahên ku we hilbijartine re bikin hewar! Bila ew di dema tengasiyê de we rizgar bikin.”