Yêremya 10:4 - Kurmanji Încîl

⁴ Bi zêr û zîv dixemilînin, Bi çakûç û bizmaran zexim dikin Ku ji cihê xwe nelebite.

Yêremya 10:4 ပူးပေါင်းရင်းမြစ်များ

Zebûr 115:4

Pûtên wan ji zîv û zêr in, Ew karên destê mirov in.

Zebûr 135:15

Pûtên miletan ji zîv û zêr in, Karên destê mirov in.

Îşaya 44:12

Hesinkar amûrekî hildide Û di agirê komirê de çêdike. Ew bi çakûç şikil didê, Bi zendê xwe yê hêzdar çêdike. Birçî dibe, bêhêz dibe. Avê venexwe, diweste.

Îşaya 46:6

Kesên ku zêr ji kîsikê vala dikin Û zîv di mêzînê de dikişînin, Bi destmiza xwe zêrker digirin. Ew jî, ji vê îlahekî çêdike, Deverû diçin erdê û diperizinê!

Îşaya 46:7

Ew wî li ser pişta xwe hildigirin, Bar dikin û dibin li cihê wî datînin. Ew li cihê xwe disekine û nalebite. Çaxê yek jê re dike feryad bersivê nade, Wî ji tengasiya wî xilas nake.

Hoşêya 13:2

Niha her ku diçe gunehê xwe zêde dike. Ji zîv ji xwe re pûtên rijandî, Li gorî feraseta xwe ji xwe re pût çêkirin, Hemû karên hosteyan in. Dibêjin: “Kesên qurban serjê dikin, Golikan jî maç dikin!”

Habaqûq 2:19

Wey li wî ku ji pûtê darîn re dibêje: ‘Hişyar bibe!’ Ji kevirê lal re dibêje: ‘Rabe ser xwe!’ Ma pût rê nîşan dide? Va ye, bi zêr û zîv hatiye pêçan, Lê di navê de hilma jiyanê tuneye.