Yêremya 10:13 - Kurmanji Încîl

¹³ Gava ew dengê xwe dike, Li ezmanan av dixuşe Û ew ji binê dinyayê jî ewran bilind dike. Ew ji bo baranê brûskan çêdike, Ji embarên xwe bayê dertîne.

Yêremya 10:13 ပူးပေါင်းရင်းမြစ်များ

Destpêk 2:5

hê li erdê tu şitlekî çolê tunebû û tu giyayekî çolê şîn nebûbû. Çimkî Xwedê Xudan hê baran bi ser erdê ve nebarandibû û mirovê erdê bajo jî tunebû.

Padîşah I, 18:41

Êlyas ji Ahav re got: “Rabe bixwe û vexwe. Çimkî dengê taviya baranê tê.”

Eyûb 38:22

“Ma tu ketî embarên berfê Yan te embarên zîpikê dîtin

Zebûr 104:13

Tu ji menzela xwe ya li ezman çiyayan av didî, Erd ji meywa karên te têr dibe.

Zebûr 135:17

Gohên wan hene, nabihîzin, Di devê wan de, hilm nîne.

Zebûr 135:7

Ew ji çaraliyên erdê ewran bilind dike, Ji bo baranê birûskan çêdike, Ji embarên xwe bayê radike.

Zebûr 147:8

Ew, bi ewran ezmanan dinixême Ew amade dike baranê, ji bo rûyê erdê, Ew li çiyayan giya dertîne.

Zebûr 18:13

Xudan ji ezmanan kir qêrîn, Deng da Yê Berz, Bi tavî û sotikên agirîn.

Zebûr 68:33

Ji yê li ezmanan, li ezmanên kevin siwar bûye re lavijan bêjin. Va ye dengê wî, dengê wî yê bi hêz bilind dibe!

Derketin 9:23

Mûsa gopalê xwe ber bi ezmanan ve dirêj kir. Xudan gurmînî û zîpik şandin û brûsk bi ser erdê ve hat. Wî bi ser welatê Misrê ve zîpik şand.

Yêremya 14:22

Ma pûtekî miletan bikaribe baranê bibarîne heye? Ma ezman dikarin ji ber xwe, taviyê bibarînin? Ya Xwedayê me Xudan! Ma tu ne ew î? Hêviya me tu yî, çimkî te ev hemû tişt kirin.

Yêremya 19:12

Ezê vî bajarî û şêniyên wî wisa bikim.’” Ev e gotina Xudan. “‘Ezê vî bajarî bikim wekî Tofetê.

Yêremya 5:24

Ew di dilê xwe de nabêjin: ‘Em ji Xwedayê xwe Xudan bitirsin Ku barana pêşî û paşî di dema wan de dide Û hefteyên palehiyê ji bo me diparêze.’

Yêremya 51:16

Gava ew dengê xwe dike, li ezmanan av dixuşe Û ew ji binê dinyayê jî ewran bilind dike. Ji bo baranê brûskan çêdike, Ew ji embarên xwe bayê dertîne.

Amos 4:13

Yê ku şikil dide çiyayan, Bayê diafirîne, fikra xwe ji mirovan re dibêje, Seherê dike tarî û pê li bilindciyên erdê dike, Navê wî Xudan e, Xwedayê Karîndar e!

Zekeriya 10:1

Biharê ji Xudan baranê bixwazin, Ew e yê ku ewrên baranê çêdike, Lehiyê baranê dide mirovan Û li zeviyan giya dide her kesî.