Yêremya 10:12 - Kurmanji Încîl

¹² Wî bi hêza xwe erd afirand, Bi şehrezayiya xwe dinya danî Û bi fêmdariya xwe ezman tikand.

Yêremya 10:12 ပူးပေါင်းရင်းမြစ်များ

Destpêk 1:1

Di destpêkê de Xwedê erd û ezman afirandin.

Destpêk 2:5

hê li erdê tu şitlekî çolê tunebû û tu giyayekî çolê şîn nebûbû. Çimkî Xwedê Xudan hê baran bi ser erdê ve nebarandibû û mirovê erdê bajo jî tunebû.

Dîrok I, 16:26

Çimkî her îlahekî gelan tenê pût e, Lê Yê ku ezman afirandin Xudan e.

Eyûb 26:7

Ew ezmanên bakur li ser valahiyê belav dike Û li ser nebûnê dinyayê dadileqîne.

Eyûb 37:18

Gelo tu pê re dikarî ezmanan belav bikî Ku wekî neynikeke rijandî saxlem be.

Eyûb 9:8

Ew tenê dikare ezmanan bitikîne Û li ser pêlên deryayê dimeşe.

Zebûr 104:2

Tu yî, yê ku ronahiyê wek xiftan li xwe pêçayî. Tu ezmanan, wek konekî ditikînî.

Zebûr 104:24

Ya Xudan, çiqas pirr in karên te! Te hemûyan bi şehrezayî kir; Ruyê erdê bi afirîdên te tije ne.

Zebûr 119:90

Dilsoziya te ji hemû nifşan re dimîne, Te erd ava kir, ew didomîne.

Zebûr 24:2

Çimkî wî ava kir ew li ser deryayan, Da sekinandin li ser çeman.

Zebûr 33:6

Ezman bi peyva Xudan, Roj û heyv û stêr, bi hilma wî hatin afiran.

Zebûr 65:7

Yê ku xumîna deryayan, Xumîna pêlan, Û tevliheviya miletan dide rawestan tu yî.

Zebûr 78:69

Perestgeha xwe wek bilindahiyan, Wek dinya ku herheyî ava kiribû, çêkir.

Zebûr 93:1

Xudan serweriyê dajo, bi rewnaqî rapêçandî, Hêzê li xwe kiriye, bi hêzê rapêçandî. Dinya zexim hatiye avakirin, naleqe.

Methelokên 3:19

Xudan bi şehrezayiyê bingeha dinyayê danî, Bi fêmdariyê ezman bi hev ve kirin.

Methelokên 30:4

Kî çû ezmanan û dîsa berjêr hat? Kê bayê di kulma xwe de civand? Kê av bi xiftanekî pêça? Kê tevahiya binê dinyayê danî? Navê wî çi ye? Navê kurê wî çi ye? Gelo tu zanî?

Îşaya 37:16

“Ya Xudanê Karîndar, Xwedayê Îsraêl ku li ser xerûban rûniştî ye. Tenê tu Xwedayê hemû padîşahiyên dinyayê yî. Te erd û ezman afirandin.

Îşaya 40:22

Yê ku li ser qûbeya dinyayê rûdine Û şêniyên wê jê re wekî kulî ne, ew e. Yê ku ezmanan wekî perdeyekê ditikîne Û ji bo rûniştinê wekî konekî datîne ew e.

Îşaya 42:5

Xwedê Xudanê ku Ezman afirandiye û tikandiye, Dinya û berên wê raxistiye, Hilm dide gelên li ser wê Û ruh dide kesên li ser dimeşin wiha dibêje:

Îşaya 44:24

Xudanê rizgarkarê te, yê ku di zik de şikil da te wiha dibêje: “Ez Xudan im. Yê ku her tiştî afirand, Yê ku xwe bi xwe ezman tikand Û bi tena serê xwe erd raxist, ez im.

Îşaya 45:12

Min dinya bi destên xwe çêkir Û li ser wê mirov afirandin. Destên min ezman tikand, Min li hemû nexşên ezmanan emir kir.

Îşaya 45:18

Çimkî Xudanê ku ezmanan afirandiye –Ew Xwedê ye!– Yê ku erdê çêkiriye û şikil dayê, Yê ku asê kiriye û vikîvala neafirandiye Şikil dayê ku li ser were rûniştin wiha dibêje: “Ez Xudan im û yekî din tuneye.

Îşaya 48:13

Bingeha dinyayê min bi destê xwe danî, Destê min ê rastê jî ezman pehn kir. Gava ez gazî wan dikim, Bi hev re li ber min disekinin.

Îşaya 49:8

Xudan wiha dibêje: “Min di dema razîbûnê de bersiv da te, Di roja rizgarkirinê de alîkariya te kir. Ezê te biparêzim Û ezê te wekî peyman bidim gel Ku tu welêt ji nû ve ava bikî Û mîrasên ku wêran bûne dîsa parve bikî.

Yêremya 10:13

Gava ew dengê xwe dike, Li ezmanan av dixuşe Û ew ji binê dinyayê jî ewran bilind dike. Ew ji bo baranê brûskan çêdike, Ji embarên xwe bayê dertîne.

Yêremya 10:16

Para Aqûb ne wekî wan e, Çimkî Yê ku şikil dide her tiştî ew e Û Îsraêl eşîra mîrasa wî ye. Navê wî Xudanê Karîndar e.

Yêremya 14:22

Ma pûtekî miletan bikaribe baranê bibarîne heye? Ma ezman dikarin ji ber xwe, taviyê bibarînin? Ya Xwedayê me Xudan! Ma tu ne ew î? Hêviya me tu yî, çimkî te ev hemû tişt kirin.

Yêremya 27:5

Yê ku dinya, mirov û heywanên li ser rûyê wê, bi hêza xwe ya mezin û zendê xwe yê dirêjkirî afirand, ez im û ez wê didim kesê di çavê min de rast e.

Yêremya 32:17

“Ax, ya Reb Xudan! Te erd û ezman bi hêza xwe ya mezin û zendê xwe yê dirêjkirî afirandin. Ji bo te tiştekî nepêkan e tuneye.

Zekeriya 12:1

Peyam: Gotina Xudan a li ser gelê Îsraêl ev e. Xudanê ku ezman tikand, bingeha dinyayê danî û şikil da ruhê di nava mirovan de, wiha dibêje:

Yûhenna 1:3

Her tişt bi wî afirî û bêyî wî qet tu tişt neafirî.

Kolosî 1:16

Çimkî hemû tiştên li erdê û li ezmanan, Tiştên ku tên dîtin û nayên dîtin, Dixwazî bila text, dixwazî bila hukumdarî Dixwazî bila serwerî, dixwazî bila desthilatî be, Bi saya wî hatin afirandin; Her tişt bi saya wî û ji bo wî hat afirandin.