Waiz 7:2 - Kurmanji Încîl

² Çûna mala şînê ji çûna mala ziyafetê çêtir e, Çimkî dawiya her mirovî ev e, Bila herkes vê yekê bixe dilê xwe.

Waiz 7:2 ပူးပေါင်းရင်းမြစ်များ

Zebûr 90:12

Loma tu, jimartina rojên me hînî me ke, Da ku em dilekî şehreza bistînin.

Waiz 2:14

Zilamê şehreza bi çavên serê xwe dibîne, Lê yê bêaqil di tariyê de rêve diçe. Lê min fêm kir, ya ku tê serê herduyan yek e.

Waiz 2:16

Çimkî wek yê bêaqil, kesê şehreza jî di rojên pêş de tê jibîrkirin. Di pêşerojê de herdu jî nayên bîra kesî. Heyf e ku kesên şehreza jî wekî yên bêaqil dimirin.

Waiz 3:19

Çimkî ya ku tê serê mirovan, tê serê heywanan jî. Tiştê ku tê serê wan yek e. Mirov çawa dimirin, heywan jî wisa dimirin. Hilma herduyan eynî ye. Mirov ne di ser heywanan re ye, çimkî her tişt pûç e.

Waiz 3:20

Hemû diçin derekê, hemû ji axê ne û hemû cardin vedigerin axê.

Waiz 6:6

Heta yê dewlemend du caran hezar sal bijî û ji hebûna xwe xêrê nebîne, ma herdu naçin derekê?

Waiz 9:2

Ya ku tê serê hemûyan yek e. Ya ku tê serê yê rast, yê xerab, yê baş û helal û yê heram yek e. Eynî tişt tê serê kesê ku qurban pêşkêş dike û yê ku nake jî. Çi tê serê qencan, tê serê gunehkaran jî, Kesê sond dixwe, wekî kesê ji sondê ditirse ye.

Waiz 9:3

Xerabiya her tiştê ku li ser rûyê erdê tê kirin ev e: Heman tişt tê serê hemûyan. Herwiha di dema ku dijîn de, dilê mirovan bi xerabî û dînîtiyê tije ye. Piştre ew tevî miriyan dibin.

Waiz 9:5

Çimkî yên ku dijîn dizanin ku wê bimirin, Lê mirî tiştekî nizanin, Êdî ji bo wan xelat tuneye. Çimkî bibîranîna wan jî hatiye jibîrkirin.

Îşaya 47:7

Te got: ‘Ezê her û her şahbanû bim’ Û te ev nekir dilê xwe Dawiya vê yekê neanî bîra xwe.

Yêremya 16:8

“Neçe mala şahiyê, bi wan re rûnenê, nexwe û venexwe.

Hagay 1:5

Xudanê Karîndar wiha dibêje: “Baş li riyên xwe bifikirin!

Melaxî 2:2

Xudanê Karîndar dibêje: “Heke hûn guhdar nekin, heke dilê we tuneye ku hûn navê min birûmet bikin, ezê naletê bi ser we de bişînim. Ezê bereketên xwe bikim nalet. Va ye min êdî ew nalet kirin. Çimkî dilê we tuneye ku hûn navê min birûmet bikin.

Hejmartin 23:10

Kî dikare toza ziriyeta Aqûb Û çarîka gelê Îsraêl bijmêre? Bila ez bi rastan re bimirim Û dawiya min wekî dawiya wan be!”

Metta 5:4

Xwezî bi wan ên ku şîndar in, Çimkî ewê bên aşkirin.

Dubarekirina Şerîetê 32:29

Xwezî biaqil bûna û ev yek fêm bikirana Û li ser dawiya xwe têgihiştî bûna.

Dubarekirina Şerîetê 32:46

ji wan re got: “Vê şerîeta ku ez îro pê we hişyar dikim bixin dilê xwe. Li zarokên xwe emir bikin ku ew hay ji hemû gotinên vê Şerîetê hebin û wan pêk bînin.

Filîpî 3:19

Dawiya van helakbûn e, xwedayê wan zikê wan e û rûmeta wan şermezariya wan e. Ew tiştên vê dinyayê difikirin.

Îbranî 9:27

Û çawa ku ji bo mirovan carekê mirin û piştî wê dîwanbûn neçar e,