Waiz 5:4 - Kurmanji Încîl

⁴ Gava tu ji Xwedê re soz didî, bi derengî nekeve. Çimkî yên bêaqil ne bi dilê wî ne. Soza xwe pêk bîne.

Waiz 5:4 ပူးပေါင်းရင်းမြစ်များ

Destpêk 28:20

Piştre Aqûb soz da û got: “Heke Xwedê bi min re be, di riya ku ez lê diçim de min biparêze û xwarina ez dixwim û cilên ez li xwe dikim bide min

Destpêk 35:1

Xwedê ji Aqûb re got: “Here hilkişe Bêt-Êlê û li wir bi cih bibe. Li wir ji Xwedê re gorîgehekê çêke. Çaxê ku tu ji ber birayê xwe Esaw reviyabûyî, Xwedê li wir li te xuya bû.”

Destpêk 35:3

Werin em derkevin Bêt-Êlê. Ezê li wir ji wî Xwedayê ku di roja teng de bersiva min da û li her dera ku ez çûmê, ez bi tenê nehiştim re gorîgehekê çêkim.”

Zebûr 116:14

Li pêşberî hemû gelê xwe, Ji Xudan re, bicih bînim sozên xwe.

Zebûr 119:106

Min sond xwar ku ezê dadbariyên te yên rast, bigirim, Ezê sonda xwe bigirim.

Zebûr 22:25

Di civata mezin de şikirkirina min ji te re ye, Li pêş yên ku ji te ditirsin, ezê sozên xwe bînim cih.

Zebûr 50:14

Tu goriya spasiyê pêşkiş bike Xwedê, Sozên ku te dane Yê Herî Berz, bîne cih.

Zebûr 76:11

Sozên xwe ji Xudan Xwedayê xwe re bi cih bînin, Hemû yên li der û dora wî, Bila ji yê tirsdar re diyariyan bînin.

Methelokên 20:25

Bêyî ku bifikire, Bibêje: “Ev pîroz e” û soz bide, Ji bo mirov dafik e.

Îşaya 19:21

Wê Xudan xwe bi Misrê bide zanîn û wê rojê wê Misrî Xudan nas bikin. Wê bi qurban û pêşkêşiyan xulamiya Xudan bikin. Wê ji Xudan re soz bidin û pêk bînin.

Ûnis 2:9

Lê belê ezê bi dengekî bilind spasiya te bikim, Ji bo te ezê qurban û nedran bidim. Ezê soza xwe pêk bînim. Rizgarî ji Xudan tê.”

Melaxî 1:10

“Xwezî kesek ji we hebûya ku deriyên Pîrozgehê bi ser we de bigirta û we li ser gorîgeha min beredayî agir pênexista!” Xudanê Karîndar dibêje: “Ez ji we ne razî me û diyariyên destê we jî qebûl nakim!

Hejmartin 30:2

‘Heke kesek ji Xudan re soz bide yan sond bixwe û xwe bi vî awayî bixe bin barekî, divê ew gotina xwe xera neke û li gorî her tiştê ku ji devê wî derketiye bike.

Metta 5:33

«We ev jî bihîstiye ku ji pêşiyan re hatiye gotin: ‹Bi derew sond nexwe û sondên xwe li ber Xudan bîne cih.›

Îbranî 10:6

Tu bi goriyên şewitandinê Û bi goriyên ku di ber guneh de tên dayîn, razî nebûyî.

Dadger 11:35

Gava Yîftah ew dît, kincên xwe çirandin. Wî got: “Hey wax, keça min! Te pişta min şikand! Te ez xistim tengasiyê! Çimkî min devê xwe vekir û ji Xudan re sond xwar. Ez jê venagerim.”