Waiz 12:1 - Kurmanji Încîl

¹ Hê ku rojên xerab nehatine Û salên ku tê bêjî: “Ez ji wan zewqê nastînim” nêzîk nebûne,

Waiz 12:1 ပူးပေါင်းရင်းမြစ်များ

Lavijên Şînê 3:27

Erê, ji bo mirov qenc e Ku di xortaniya xwe de nîr hilgirtin.

Waiz 11:8

Mirovek salên dirêj bijî, Bila di hemûyan de şa be, Lê bila rojên xwe yê tarî bi bîr bîne, Çimkî wê gelek bin. Her tiştê ku tê pûç e.

Methelokên 22:6

Di zarokatiyê de riya rast hîn bike, Gava pîr bibe ew jê averê nabe.

Lûqa 18:16

Lê Îsa gazî wan kir, ku bên ba wî û got: «Bihêlin, bila zarok bên ba min, pêşiya wan negirin. Çimkî Padîşahiya Xwedê ji yên weha re ye.

Zebûr 34:11

Werin ey zarokno, goh bidin min ji can, Ezê hînî we bikim tirsa Xudan.

Tîmotʼêyo II 3:15

Tu ji zaroktiya xwe ve bi Nivîsarên Pîroz dizanî û ew dikarin te şehreza bikin, da ku tu bi baweriya ku bi Mesîh Îsa ye xilas bibî.

Zebûr 90:10

Rojên jiyana me heftê sal in, Em bi sihet bin, belkî heştê sal; Salên herî xweş, bi zehmet û bi keder, Zûka derbas dibin û em jî, difirin û diçin.

Waiz 11:10

Loma kederê ji dilê xwe bavêje Û xerabiyê ji bedena xwe dûr bigire, Çimkî xortanî û mêrxasî pûç e.

Methelokên 8:17

Kesên ji min hez dikin, ez ji wan hez dikim, Kesên ji dil û can li min digerin, min dibînin.

Samûêl II, 19:35

Ez heştê salî me. Ezê çawa bikaribim qencî û xerabiyê ji hev derxim? Çawa tehma xwarin û vexwarînê bikim? Ezê çawa dengê stranbêjên jin û mêran ji hev derxim? Ez çima ji xweyê xwe padîşah re, bibim bar û piştî?

Samûêl I, 2:26

Samûêlê biçûk her ku diçû mezin dibû û li Xudan û li mirovan xweş dihat.

Destpêk 39:2

Xudan bi Ûsiv re bû û ew bi ser xist. Ew li mala malxweyê xwe yê Misrî dima.

Lûqa 1:15

Çimkî ewê li ba Xudan mezin be. Ew şerab û vexwarinên giran qet venaxwe Û hê di zikê diya xwe de wê bi Ruhê Pîroz tije be.

Samûêl I, 16:7

Lê Xudan ji Samûêl re got: “Li bejn û bala wî nenêre. Ne ew e! Xudan wekî mirov dibînin nabîne. Mirov li rû dinêre, lê belê Xudan li dil dinêre.”

Destpêk 39:23

Serekê zîndanê tevli karên Ûsiv nedibû. Çimkî Xudan bi Ûsiv re bû û di her karê ku dikir de ew bi ser dixist.

Efesî 6:4

Bavno! Hûn jî hêrsa zarokên xwe ranekin, lê wan bi terbiye û şîreta Xudan perwerde bikin.

Daniyêl 1:17

Xwedê di her mijarê de xwendin, zanabûn, aqil û şehrezayî da wan. Daniyêl li ser hemû dîtinî û xewnan jî şehreza bû.

Îşaya 26:8

Belê ya Xudan, em di rê û rêbazên te de Li benda te man. Daxwaza dilê me Navê te û salixdana te ye.

Samûêl I, 2:18

Wan rojan Samûêlê biçûk xizmeta Xudan dikir û kirasê kahintiyê yê kitan lê bû.

Padîşah I, 18:12

Gava ez ji ba te herim, wê Ruhê Xudan te bibe cihekî ku ez pê nizanim. Gava ez bêm ji Ahav re bêjim û ew te nebîne, wê min bikuje. Lê ev xulamê te ji zarokatiya xwe ve ji Xudan ditirse.

Samûêl I, 1:28

Ez jî niha wî didim Xudan. Heta hebe, wê yê Xudan be.” Paşê ew li wir perizîn Xudan.

Hoşêya 7:9

Hêza wê xerîban xwar, Lê ew nizane. Por lê spî bû, Lê ew nizane.

Eyûb 30:2

Xîreta wan çû, Ji hêza destê wan wê çi bi kêrî min were?

Padîşah I, 14:13

Wê tevahiya Îsraêlê şîna wî bike û wî veşêre. Ji Mala Yarovam wê bi tenê ew bikeve gorê. Çimkî ji Mala Yarovam kesê ku dilê Xwedayê Îsraêl Xudan pê xweş bû, ew bû.

Dubarekirina Şerîetê 8:18

Xwedayê xwe Xudan bi bîr bînin ku ji bo civandina wî mal û milkî hêz daye we. Wî li gorî wê peymanê kir ku ji bav û kalên we re sond xwaribû û îro jî girêdayî dimîne.

Nehemya 4:14

Piştre min li van tiştan nihêrî, rabûm û min ji pêşeng, peywirdar û gel re got: “Ji wan netirsin! Rebê mezin û biheybet bi bîr bînin û ji bo bira, kur, keç, jin û malên xwe şer bikin.”

Zebûr 63:6

Çaxê ez te, di nav nivînan de bibîr tînim, Di dirêjiya şevê de, ez te kûr difikirim.

Zebûr 119:55

Ez bi şev navê te bibîr tînim ya Xudan, Şerîeta te digirim.

Waiz 11:2

Li heft, heta heşt kesan parve bike, Çimkî tu nizanî wê çi xerabî li ser rûyê erdê çêbe.

Samûêl II, 19:36

Wê xulamê te bi te re Çemê Şerîayê derbas bike. Ji bo çi padîşah min wiha xelat dike?