Waiz 10:12 - Kurmanji Încîl

¹² Gotinên mirovê şehreza wî rûmetdar dike, Lê lêvên yê bêaqil xwe wêran dikin.

Waiz 10:12 ပူးပေါင်းရင်းမြစ်များ

Samûêl II, 1:16

Dawid ji Emalêqî re gotibû: “Ji xwîna xwe tu bi xwe berpirsiyar î. Ji ber ku bi gotina ‘Min, kifşkiriyê Xudan kuşt’ te bi devê xwe, şahidî li dijî xwe kir.”

Eyûb 16:5

Min dikaribû bi devê xwe hûn wêrek bikira, Bi teselîkirina lêvên xwe hûn aram bikira.

Zebûr 140:9

Bila serê yên ku dor li min pêça ne, Xerabiya ku ji devê wan dertê binixême.

Zebûr 37:30

Ji devê yê rast şehrezayî dertê, Zimanê wî ya rast dibê.

Zebûr 64:8

Wê zimanê wan, wan bibe xerabûnê, Yên ku wan bibînin, wê serê xwe bi wan bihejînin.

Methelokên 10:10

Kesê çavên xwe dişikêne dibe sedema derdan, Lê ehmeqê zimandirêj xera dibe.

Methelokên 10:8

Kesê dilşehreza emran qebûl dike, Lê ehmeqê zimandirêj xera dibe.

Methelokên 12:18

Gotinên bêfikar wekî birîna şûr e, Lê zimanê şehrezayan şifa ye.

Methelokên 15:2

Zimanê şehrezayan zanînê baş kifş dike, Lê ji devê bêaqilan ehmeqî diherike.

Methelokên 15:23

Mirov bi bersiva maqûl şa dibe, Gotina di cih de tê gotin, çiqas xweş e!

Methelokên 19:5

Şahidê derewîn bêceza namîne, Kesê bi nefesa xwe derew dike wê nefilite.

Methelokên 22:11

Kesê ji dilê pak hez dike Û kerem li ser lêva wî ye, Wê ji padîşah re bibe heval.

Methelokên 26:9

Meseloka devê bêaqilan, Wekî çiqlê bidirî yê destê serxweşan e.

Methelokên 31:26

Ew devê xwe bi şehrezayî vedike, Zimanê wê hînî dilovaniyê dike.

Waiz 12:11

Gotinên kesên şehreza wek zixtê ne, gotinên pêşiyan wek bizmarên lêxistî ne. Ji aliyê Şivanê her kesî ve hatine dayîn.

Waiz 4:5

Rast e, yê bêaqil destê xwe nalebitîne Û mala xwe xera dike.

Waiz 5:2

Bi devê xwe nelezîne, Ne jî bila dilê te li ber Xwedê ji peyivînê re bilezîne. Çimkî Xwedê li ezmanan e, lê tu li erdê yî, Loma bila gotinên te hindik bin.

Waiz 5:6

Rê nede devê xwe ku bi bedena te guneh bide kirin. Li pêş kahin nebêje: “Min şaşîtî kir.” Wê çima bi gotina devê te hêrs bibe û karên destê te xera bike?

Waiz 9:17

Gotinên kesê şehreza yên bi nermî, Ji qareqara kesê ku di nav bêaqilan de serwer e çêtir e.

Metta 12:35

Mirovê qenc ji xezîna dilê xwe ya qenc tiştên qenc derdixe, lê mirovê xerab ji xezîna dilê xwe ya xerab tiştên xerab derdixe.

Lûqa 19:22

Wî jê re got: ‹Hey xulamê neqenc! Ezê ji devê te dîwana te bikim. Madem ku te dizanibû, ez mirovekî hişk im, tiştê ku min dananiye, ez radihêjim, tiştê ku min neçandiye, ez didirûm,

Lûqa 4:22

Û hemûyan ew erê kir û li wan gotinên wî yên merdane, yên ku ji devê wî derdiketin, şaş man û gotin: «Ma ev ne kurê Ûsiv e?»

Efesî 4:29

Bila qet gotina xerab ji devê we dernekeve, lê belê ji bo perwerdekirinê çi qenc e – wek ku lazim e – wê bêjin, da ku ew ji guhdaran re keremdar be.

Kolosî 4:6

Bila peyva we, wek ku bi xwê hatiye terbiyekirin, herdem bi keremdarî be, wisa ku hûn bizanin ka divê çawa hûn bersîva her kesî bidin.