Ûnis 4:8 - Kurmanji Încîl

⁸ Gava tav derket, Xwedê bayekî rojhilat ê bi şewat rakir. Tavê li serê Ûnis xist û ew sist bû. Wî xwest ku bimire û got: “Ji bo min mirin, ji vî halî çêtir e.”

Ûnis 4:8 ပူးပေါင်းရင်းမြစ်များ

Destpêk 41:6

Piştî wan, heft simbilên din ên qels û ji bayê rojhilat kizirandî zîl dan.

Padîşah I, 19:4

Li çolê rojek meşiya, paşê hat li bin deviyeke hêrvistê rûnişt, mirina xwe xwest û got: “Ya Xudan, êdî bes e! Hema niha ruhê min bistîne, çimkî ez ji bav û kalên xwe ne çêtir im.”

Padîşah I, 21:4

Ji ber ku Navotê Yîzreyêlî gotibû: “Ez milkê bav û kalên xwe nadim te,” Ahav xeyidî û bi hêrs ket qesra xwe. Li ser nivînan xwe pal da, mirûzê xwe tirş kir û nan nexwar.

Eyûb 2:10

Eyûb ji jina xwe re got: “Jinên ehmeq çawa diaxivin tu jî wisa diaxivî. Emê qenciyê ji Xwedê qebûl bikin û xerabiyê qebûl nekin?” Di tevahiya van tiştan de, guneh bi lêvên Eyûb nebû.

Eyûb 7:15

Ji dêla van hestiyên diêşin, Xweziya xwe bi fetisîn û mirinê tînim.

Zebûr 121:6

Navê rojê tav, Bi şev, hîv li te naxe.

Zebûr 39:9

Ez hiş bûm, min girt devê xwe; Çimkî te ev kir.

Waiz 7:9

Zû hêrs nebe, Çimkî hêrs di dilê bêaqilan de disitire.

Helbesta Helbestan 1:6

Li reşikbûna min nenêrin, Tavê ez şewitandim. Hêrs bûn ji min kurên diya min, Wan ez kirim nobedarê rezan, Lê min bala xwe neda rezê xwe.

Îşaya 49:10

Wê tî û birçî nebin, Wê tav û bayê şewatê li wan nexe. Yê ku li wan tê rehmê Wê rê nîşanî wan bide Û bibe ser kaniyan.

Hoşêya 13:15

“Di nav birayên xwe de mezin jî bibe, Bayê rojhilat, hilma Xudan a ku ji beriyê radibe, Wê kaniya wî hişk bike, Wê çavkaniya wî ziwa bibe. Tiştên hêja yên xezîneya wî wê talan bibin.

Lêwiyî 10:3

Mûsa ji Harûn re got: “Xudan gotibû: “‘Bi saya kesên ku nêzîkî min dikin, Ezê pîroziya xwe nîşan bidim. Li ber çavê tevahiya gel, Ezê birûmet bim.’” Harûn bêdeng ma.

Ûnis 1:17

Xudan masiyekî mezin şand ku Ûnis daqurtîne. Ûnis sê roj û sê şevan di zikê masiyê mezin de ma.

Ûnis 1:4

Xudan bagerek mezin bi ser deryayê ve şand. Di deryayê de bahozeke wisa mezin rabû ku hindik mabû gemî perçe perçe bibe.

Ûnis 4:3

Ya Xudan, ji kerema xwe niha ruhê min bistîne! Çimkî ji bo min mirin, ji vî halî çêtir e.”

Ûnis 4:9

Lê belê Xwedê ji Ûnis re got: “Ma heqê te heye ku tu li ser şînahiyekê hêrs bibî?” Ûnis got: “Heqê min heye, ez ji ber hêrsa xwe dikim bimirim.”

Metta 20:12

û gotin: ‹Evên ku paşiyê hatin, tenê saetekê xebitîn, lê te em ên ku hemû giraniya rojê û germiya wê kişandin, bi wan re yek girtin.›

Peyxam 3:19

Ez dengê xwe li hemûyên ku ez ji wan hez dikim hildidim û wan edeb dikim. Loma bi xîret be û tobe bike!

Peyxam 7:16

Êdî ew birçî nabin û êdî tî nabin Û ne tav û ne jî germî li wan dixe.

Samûêl I, 3:18

Samûêl tiştekî jê veneşart û jê re got. Elî jî got: “Ew Xudan e, bila ya xwe bike.”