Ûnis 2:6 - Kurmanji Încîl

⁶ Ez daketim binê çiyan, Dinya, her û her li ser min hat radan. Lê ya Xwedayê min Xudan, Te canê min ji çalê rizgar kir.

Ûnis 2:6 ပူးပေါင်းရင်းမြစ်များ

Eyûb 33:24

Wî çaxî Xwedê kerema xwe nîşanî wî dide û dibêje: ‘Wî ji ketina çalê rizgar bike, Min berdêla wî dît.’

Eyûb 33:28

Wî canê min ji ketina çala mirinê rizgar kir, Wê jiyana min ronahiyê bibîne.’

Zebûr 104:6

Te kûrahiyê wek xiftan lê rapêça, Av li ser serê çiyan man.

Zebûr 104:8

Ew zû reviyan dera ku te ji bo wan ava kir, Ji çiyayan derbas bûn, herikîn newalan.

Zebûr 116:3

Benên mirinê hawirdora min girtin, Û tengahiyên diyarê mirinê ez pêçam, Derd û tengahiyê ez girtim.

Zebûr 143:7

Zû bersîv bide min, ya Xudan, Ruhê min derdikeve. Ruyê xwe ji min nenixême, Da ku ez nemînim, yên ku dadikevin gorê.

Zebûr 16:10

Çimkî tu min li diyarê miriyan terk nakî, Ji rizîbûna pîrozê xwe re dil nakî.

Zebûr 18:5

Benên diyarê mirinê ez pêçam, Kemînên mirinê bi ser min ve hatin.

Zebûr 30:3

Ya Xudan, te canê min derxist ji diyarê miriyan, Da ku ez nekevim gorê te da min jiyan.

Zebûr 30:9

«Eger dakevim gorê, Bi kêrî çi tê xwîna min? Ma ax ji bo te dibe spasdar, Ji bo dilisoziya te dibe agahkar?

Zebûr 55:23

Belê tu, ya Xwedê, tê wan bavêjî korta mirinê, Wê zilamên xwînî û hîlekar, nîvê rojên xwe nebînin tucar; Herçî ez im, min xwe spartiye te.

Zebûr 65:6

Bi hêzê rapêçandî, Bi hêza xwe çiyayan şidandî,

Zebûr 69:2

Ez ketim ritama kûr, Dera seknê tune. Ez ketim avên kûr, Pêl di ser min re derbas dibin.

Îşaya 38:10

Min got: “Ezê di nîvê rojên xwe de Di dergehê diyarê miriyan re derbas bim. Ezê ji salên xwe bêpar bim.”

Îşaya 38:17

Va ye, ev dilnexweşiya min a zêde Ji bo aştiya min bû. Te ji canê xwe hez dikir Û te ez ji çala rizîbûnê xilas kirim. Çimkî te hemû gunehên min avêt pişt guhê xwe.

Îşaya 40:12

Ma kî bi kulma xwe avê dikişîne, Bi bosta xwe ezmanan dipîve? Kesek heye ku axa erdê dixe hundirê elbika pîvanê Yan çiyayan bi şihînê Û giran bi mêzînê bipîve?

Habaqûq 3:10

Bi dîtina te çiya hejiyan, Lehî rabûn û her tişt dan ber xwe. Kûrahiya deryayê kir xuşîn, Pêl bilind bûn.

Habaqûq 3:6

Ew sekinî û erd hejand, Bi awirê xwe milet lerizandin. Çiyayên qedîm tarûmar bûn, Girên herheyî tewiyan, Riyên Xwedê qet naguherin.

Metta 16:18

Û ez ji te re dibêjim: Tu Petrûs î û ezê li ser vê latê Civîna xwe ava bikim. Hêza diyarê miriyan nikare wê bindest bike.

Dubarekirina Şerîetê 32:22

Ji hêrsa min agirek pêket, Heta binê diyarê miriyan dişewitîne. Ew dinyayê û berê wê dixwe, Ew bingeha çiyayan dişewitîne.