Tîmotʼêyo I 6:11 - Kurmanji Încîl

¹¹ Lê tu, ey mirovê Xwedê, ji van tiştan bireve û bikeve pey rastdariyê, jiyana xwedayî, bawerî, hezkirin, ragirtin û nermiyê.

Peymana Nû (Încîl)

¹¹ Lê tu, merivê Xwedê ji van tişta birʼeve û pey heqîyê, xwedênasîyê, bawerîyê, hʼizkirinê, sebirê û milûktîyê herʼe.

Пәймана Ну (Инщил)

¹¹ Ле тӧ, мәрьве Хԝәде жь ван тьшта бьрʼәвә у пәй һәԛийе, хԝәденасийе, баԝәрийе, һʼьзкьрьне, сәбьре у мьлуктийе һәрʼә.

کتاب مقدس به زبان کردی شیکاکی

¹¹ بله تِ، اَی مِرُوه خدا، ژه وان دِشدانَ بِحله. دوو صالِح بون، دینداری، ایمان، مُحبّت، طیگ راوَستان و نَرمیه دا بَ.

Tîmotʼêyo I 6:11 ပူးပေါင်းရင်းမြစ်များ

Padîşah I, 13:1

Dema Yarovam ji bo şewitandina bixûrê li ber gorîgehê sekinîbû, zilamekî Xwedê li gorî gotina Xudan ji Cihûdayê hat Bêt-Êlê.

Padîşah I, 13:26

Pêxemberê kal ê ku ew ji rê vegerandibû dema tiştên qewimî bihîst, wiha got: “Ev ew zilamê Xwedê ye ku li dijî fermana Xudan derketiye. Loma jî Xudan li ser peyva xwe, şêrekî şand ser wî, şêr ew perçe kir û kuşt.”

Padîşah I, 17:18

Jinikê ji Êlyas re got: “Ya zilamê Xwedê tu çi ji min dixwazî? Tu hatî ku gunehên min bînî bîra min û kurê min bikujî?”

Padîşah I, 17:24

Li ser vê yekê jinikê ji Êlyas re got: “Niha êdî ez zanim tu zilamê Xwedê yî û gotina Xudan a tu dibêjî rast e.”

Padîşah I, 20:28

Zilamê Xwedê nêzîk bû û ji Padîşahê Îsraêlê re got: “Xudan wiha dibêje: ‘Madem Aramiyan got: Xudan Xwedayê çiyayan e û ne Xwedayê deştan e, ezê tevahiya vê qelebalixê bidim destê te û wê gavê hûnê bizanibin ku ez Xudan im.’”

Padîşah II, 1:13

Cara sisêyan pêncî zilamên xwe û fermandarê wan şand. Fermandarê sisêyan a her pênciyan hat li ber Êlyas çok da û jê lava kir û got: “Ya zilamê Xwedê, lava dikim, bila heyfa te li min û li van pêncî xulamên te bê.

Padîşah II, 1:9

Pêncî zilamên xwe û fermandarê wan şandin ba wî. Fermandar çû ba Êlyasê li serê girekî rûniştibû. Fermandar jê re got: “Ya zilamê Xwedê, padîşah dibêje: ‘Bila were xwarê!’”

Padîşah II, 23:17

Padîşah pirsî: “Ew tirba ez li wir dibînim çi ye?” Kesên li bajêr jê re got: “Ew gora zilamê Xwedê ye ku ji Cihûdayê hatibû. Tiştên te li dijî gorîgeha Bêt-Êlê kiribûn, ragihandin.”

Padîşah II, 5:20

Gêhazî xulamê Êlîşayê zilamê Xwedê got: “Va ye, xweyê min dil neda tiştên ku Naemanê Aramî anî jê bistîne. Bi navê Xudanê Jîndar, ezê bidim pey wî û ezê tiştekî jê bistînim.”

Dîrok I, 23:14

Herçî zilamê Xwedê Mûsa bû, kurên wî ji eşîra Lêwiyiyan hatin hesibandin.

Nehemya 12:24

Serekên Lêwiyiyan jî ev in: Haşavya, Şêrêvya, Yêşûyê kurê Qadmiyêl û birayên wan ên li pêşberî hev ku li gorî emrê Dawidê zilamê Xwedê pesin û şikirdariyê dikin.

Nehemya 12:36

û birayên wî Şemaya, Ezarêl, Mîlalay, Gîlalay, Maey, Natanêl, Cihûda û Hananî bi amûrên muzîkê yên Dawidê zilamê Xwedê dimeşiyan. Ezrayê Nivîsende jî li pêşiya wan bû.

Zebûr 34:14

Ji xerabiyê bireve, qenciyê bike, Li aştiyê bigere, li pey wê here.

Zebûr 38:20

Yên ku li hember qenciyê dikin xerabî, ji bo min bûne dijmin, Ji ber ku ez li gor qenciyê dikim.

Methelokên 15:9

Riya xeraban li ber Xudan kirêt e, Lê ew ji kesên li pey edaletê, hez dike.

Îşaya 51:1

“Ya kesên li pey rastiyê diçin Û li Xudan digerin, min bibihîzin! Li zinarê ku hûn jê hatine standin û necirandin, Li cihê ku hûn jê hatine kolan binêrin.

Yêremya 35:4

û birin Mala Xudan, odeya kurên zilamê Xwedê Hananê kurê Yîgdalya. Ew ode li kêleka odeya serekan, li ser odeya Maesêyayê dergevanê kurê Şallûm bû.

Romayî 14:19

Madem ku wisa ye, em bikevin pey tiştên ku ji bo aştiyê û avakirina hevdû ne.

Korîntî I, 10:14

Ji ber vê yekê hezkirîno, ji pûtperestiyê birevin.

Korîntî I, 14:1

Li pey hezkirinê bibezin û diyariyên ruhanî bi xîret bixwazin, lê hê bêtir pêxemberîtîkirinê.

Korîntî I, 6:18

Ji fuhûşê birevin. Her gunehê ku mirov bike, li derveyî bedenê ye, lê yê ku fuhûşê dike, li hember bedena xwe guneh dike.

Dubarekirina Şerîetê 16:20

Hûnê rastiyê, tenê li pey rastiyê herin ku hûn bijîn û welatê ku Xwedayê we Xudan dide we, ji xwe re bikin milk.

Dubarekirina Şerîetê 33:1

Mûsayê zilamê Xwedê, beriya mirina xwe gelê Îsraêl pîroz û bereket kir

Tîmotʼêyo I 1:14

Kerema Xudanê me bi wê bawerî û hezkirina ku bi Mesîh Îsa ye li ser min zêde bû.

Tîmotʼêyo I 4:12

Bila tu kes xortaniya te kêm nebîne, lê tu di peyivînê de, di rabûn û rûniştinê de, di hezkirinê de, di bawerî û dilpakiyê de ji bawermendan re bibe mînak.

Tîmotʼêyo I 5:10

û li ser wê bê gotin ku wê karên qenc kirine: Eger wê zarok mezin kiribin, eger mêvan qebûl kiribin, eger lingê pîrozan şuştibe, eger alîkariya tengezaran kiribe û li pey her karên qenc çûbe, bila navê wê di defterê de bê nivîsîn.

Tîmotʼêyo I 6:20

Ey Tîmotêyos! Tiştê ku li te hatiye spartin, biparêze. Xwe ji gotinên pûç û nepak û ji hevnegirtiniyên ku bi derew ji wan re «zanîn» tê gotin, bide paş.

Tîmotʼêyo II 2:21

Îcar, eger yek xwe ji wan tiştan paqij bike, ewê bibe firaxeke ji bo karên birûmet, pîrozkirî û ji bo bikaranîna xwediyê xwe xweşkeys û ji bo hemû karên qenc amade.

Tîmotʼêyo II 2:22

Ji xwestekên xortaniyê bireve û bi wan ên ku ji dilekî paqij gazî Xudan dikin re li pey rastdarî, bawerî, hezkirin û aştiyê bibeze.

Tîmotʼêyo II 3:10

Lê haya te ji hînkirina min, rabûn û rûniştina min, mebesta min, baweriya min, bîhnfirehî û hezkirina min, ragirtina min,

Tîmotʼêyo II 3:17

da ku mirovê Xwedê, ji bo her karê qenc bêkêmahî û rapêçandî be.

Îbranî 12:14

Bikevin pey wê yeka ku hûn bi hemûyan re di aştiyê de bin û li pey jiyana pîroz a ku bê wê tu kes Xudan nabîne, herin.

Petrûs I 3:11

Bila ew xwe ji xerabiyê dûr bixe û qenciyê bike, Bila ew li aştiyê bigere û bikeve pey wê.

Samûêl I, 2:27

Wî çaxî zilamê Xwedê hat ba Elî û jê re wiha got: “Xudan wiha dibêje: ‘Gava mala bavkalê te li Misrê, ji Mala Firewn re koletiyê dikir, bi awayekî eşkere min xwe nîşanî wan neda?

Samûêl I, 9:6

Xizmetkar got: “Va ye li vî bajarî zilamekî Xwedê heye. Ew mirovekî bi nav û deng e û her tiştê ku dibêje yek bi yek dertê. Were em herin ba wî. Belkî ew riya ku emê herinê, nîşanî me bide.”