Samûêl II, 9:7 - Kurmanji Încîl

⁷ Dawid jê re got: “Netirse. Ji bo xatirê bavê te Yonatan, ezê qenciyê li te bikim. Hemû axa bapîrê te Şawûl ezê li te vegerînim. Tê herdem li ser sifra min xwarinê bixwî.”

Samûêl II, 9:7 ပူးပေါင်းရင်းမြစ်များ

Destpêk 43:18

Gava diçûn mala Ûsiv, ditirsiyan û digotin: “Ji ber pereyê ku cara pêşî xistibûn tûrikên me em anîn vir. Ew dixwaze êrîşî me bike û me ji qewet bixe, me bike kole û kerên me bistîne.”

Destpêk 43:23

Keya got: “Aram bin, netirsin. Xwedayê we, Xwedayê bavê we xezîneya barên we da we. Min pereyên we standibûn.” Rabû Şimûn anî ba wan.

Samûêl II, 12:8

Min mala xweyê te da te, min jinên wî jî xist paşila te. Min Mala Îsraêl û Cihûda jî da te. Heke ev hindik bûna, minê hê jî bida te!

Samûêl II, 19:28

Ji ber ku hemû kesên malbata kalê min mirinê heq kirine, te li ser sifreya xwe cihekî taybet da xulamê xwe. Ji vê bêtir ma heqê min ku tiştekî ji te daxwaz bikim heye padîşahê min?”

Samûêl II, 19:29

Padîşah got: “Ne lazim e derbarê karê xwe de tu zêdetir biaxivî. Min biryara xwe da ku tu û Sîva erdê xwe li hev parve bikin.”

Samûêl II, 19:33

Padîşah ji Barzîllay re got: “Were bi min re derbasî aliyê din bibe, ezê li Orşelîmê te xweyî bikim.”

Samûêl II, 21:7

Lê padîşah, bi Yonatanê kurê Şawûl re, ji bo sonda ku li ber Xudan xwaribû, Mefîboşetê kurê Yonatan parast.

Samûêl II, 9:1

Dawid pirsî û got: “Kesê saxmayî yên ji Mala Şawûl, ji bo xatirê Yonatan qenciyê lê bikim maye?”

Samûêl II, 9:10

Tu, kurên xwe û xulamên xwe hûnê axa wî bajon û berê wan jê re bibin ku pêdiviya xwarina neviyê mezinê we peyda bibe. Wê neviyê xweyê te Mefîboşet, herdem li ser sifra min xwarinê bixwe.” Panzdeh kur û bîst xulamên Sîva hebûn.

Samûêl II, 9:11

Sîva got: “Ezê hemû fermanên xweyê xwe padîşah pêk bînim.” Mefîboşet wekî kurekî padîşah li ser sifra wî xwarin xwar.

Samûêl II, 9:13

Mefîboşet li Orşelîmê dima. Herdem nanê li ser sifra padîşah dixwar. Ew ji herdu piyên xwe kulek bû.

Samûêl II, 9:3

Padîşah pirsî: “Gelo ji Mala Şawûl kesek sax maye ku ez qenciya Xwedê nîşanî wî bidim?” Sîva got: “Kurekî Yonatan heye ku ji herdu lingan kulek e.”

Padîşah I, 2:7

“Lê kerema xwe nîşanî kurên Barzîllayê Gîladî bike. Bila ji kesên li ser sifra te bin. Çimkî gava ez ji ber birayê te Avşalom reviyam, ew hatin hewara min.

Padîşah II, 25:29

Yehoyaxîn kincên xwe yên girtîgehê avêtin. Wî di tevahiya jiyana xwe ya mayî de li hizûra Padîşahê Babîlê xwarin xwar.

Zebûr 41:9

Yê ku nanê min xwar, dostê min ê nêzik û ewledar, Bêbextî li min kir.

Yêremya 52:33

Yehoyaxîn kincên xwe yên girtîgehê avêtin. Wî di hemû rojên jiyana xwe ya mayî de li hizûra Padîşahê Babîlê xwarin xwar.

Zekeriya 7:9

“Xudanê Karîndar wiha dibêje: ‘Bi hikmên rast dîwanê bikin. Rehm û dilsozî nîşanî hev bidin.

Metta 6:11

Nanê me yê rojane roj bi roj bide me.

Lûqa 22:30

da ku hûn di Padîşahiya min de li ser sifra min bixwin, vexwin û li ser textan rûnin û dîwana her diwanzdeh eşîrên Îsraêl bikin.

Peyxam 3:20

Va ye, ez li ber derî radiwestim û lê dixim. Eger yek dengê min bibihîze û derî veke, ezê herim ba wî û ez bi wî re û ew bi min re, emê şîvê bixwin.

Samûêl I, 12:24

Tenê ji Xudan bitirsin, bi hemû dilê xwe xulamiyê ji Xudan re bikin. Wî ji bo we çi karên mezin kirine, carekê lê bifikirin.

Samûêl I, 20:15

Xudan tevahiya dijminên Dawid ji ser rûyê erdê rake jî, tu kerema xwe li ser ziriyeta min bihêle.”

Samûêl I, 22:23

Li ba min bimîne û netirse! Kesê li pey kuştina te dixwaze min jî bikuje. Li ba min tê di ewlehiyê de bî.”