Samûêl II, 7:21 - Kurmanji Încîl

²¹ Ji bo xatirê gotina xwe û li ser daxwaza xwe, te ev mezinahî kir ku xulamê xwe wan bizane.

Samûêl II, 7:21 ပူးပေါင်းရင်းမြစ်များ

Dîrok I, 17:19

Ya Xudan, ji bo xatirê xulamê xwe û li ser daxwaza dilê xwe, te ev mezinahî kir ku ev tiştên mezin bên zanîn.

Zebûr 115:1

Ne em, ya Xudan, ne em, Belê ji bo xatirê kerem û dilsoziya xwe, Tu berziyê bide navê xwe!

Zebûr 138:2

Ezê bi ser perestgeha te ya pîroz ve xwar bibim, Ji bo kerem û dilsoziya te, Ezê ji navê te re spas bikim. Çimkî te navê xwe û peyva xwe di ser her tiştî re girt.

Hejmartin 23:19

Xwedê ne mirov e Ku derewan bike. Ew ne ji kurê mirovan e Ku fikra xwe biguherîne. Ma ew dibêje û nake? Yan jî soz dide û nake?

Metta 11:26

Erê Bavo, çimkî li ba te ya bi dil ev bû.

Metta 24:35

Erd û ezman wê bibihûrin, lê peyvên min tu caran nabihûrin.

Lûqa 1:72

Da li bav û kalên me bê rehmê, Û peymana xwe ya pîroz,

Lûqa 10:21

Wê gavê Îsa bi Ruhê Pîroz gelek şa bû û got: «Ya Bavo, Xudanê erd û ezmên, ez ji te re şikir dikim, ku te ev tiştên ha ji şehreza û zaneyan veşartine û ji zarokan re eşkere kirine. Erê, Bavo, çimkî ev yek li te xweş hat.

Lûqa 12:32

Ya keriyê biçûk, netirse, çimkî li Bavê we xweş hat ku Padîşahiyê bide we.

Korîntî I, 1:1

Ji Pawlosê ku bi daxwaza Xwedê hatiye gazîkirin ku bibe Şandiyê Mesîh Îsa û ji birayê me Sostênîs,

Efesî 1:9

Wî sira daxwaza xwe ya ku li gor dilê xwe bi Mesîh saz kiribû, bi me da zanîn.

Efesî 3:11

Ev li gor mebesta Xwedê ya ji demên bêdestpêk ve bû, ku wî bi saya Xudanê me Mesîh Îsa pêk anî.

Efesî 4:32

Li hember hev keremdar û dilovan bin û wek ku Xwedê bi Mesîh li we bihûrtiye, li hevdû bibihûrin.

Dubarekirina Şerîetê 9:5

Hûn ji ber rastî yan dirustiya dilê xwe naçin welatê wan ku ji xwe re bikin milk. Ji ber xerabiya wan, Xwedayê we Xudan wan li ber we diqewitîne û bi vî awayî ew gotina ku bi sondxwarin dabû bavkalên we, Îbrahîm, Îshaq û Aqûb pêk bîne.