Samûêl II, 5:7 - Kurmanji Încîl

⁷ Lê Dawid asêgeha Siyonê bi dest xist. Paşê navê wê bû Bajarê Dawid.

Samûêl II, 5:7 ပူးပေါင်းရင်းမြစ်များ

Samûêl II, 5:8

Dawid wê rojê wiha got: “Her kî ku Yevûsiyan têk bibe, bila ew di coya avê re êrîşî ‘Kor û kulekan’ bike ku Dawid ji wan nefret dike.” Sedema ku dibêjin “Kor û kulek nikarin bikevin malê” ev e.

Samûêl II, 5:9

Dawid li asêgehê rûnişt. Ji ber vê yekê navê “Bajarê Dawid” lê kiribû. Wî ji Mîlloyê destpê kir, derdorê ber bi hêla hundir ve ava kir.

Samûêl II, 6:10

Wî êdî nexwest ku Sindoqa Xudan bibe Bajarê Dawid, ba xwe. Wî ew bir mala Ovêd-Edomê Gatî.

Samûêl II, 6:12

Ji Dawidê Padîşah re hat gotin: “Xudan ji ber Sindoqa Xwedê Ovêd-Edom, hemû malbata wî û her tiştê wî pîroz kir.” Bi vî awayî Dawid çû û Sindoqa Xwedê ji mala Ovêd-Edom bi kêfxweşî anî Bajarê Dawid.

Samûêl II, 6:16

Gava Sindoqa Xudan hat Bajarê Dawid, Mîkala keça Şawûl di pencereyê re nêrî. Dema wê dît Dawidê Padîşah li hizûra Xudan direqise û lotikan davêje, Mîkalê di dilê xwe de ew kêm dît.

Padîşah I, 2:10

Dawid mir û gihîşt bav û kalên xwe. Ew li Bajarê Dawid hat veşartin.

Padîşah I, 3:1

Silêman bi Padîşahê Misrê Firewn re tifaq kir û keça wî ji xwe re anî Bajarê Dawid. Heta ku qesra xwe, Mala Xudan û sûra Orşelîmê bi tevahî qedand, ew li wir man.

Padîşah I, 8:1

Silêmanê Padîşah ji bo ku Sindoqa Peymana Xudan ji Bajarê Dawid Siyonê bîne, rîspiyên gelê Îsraêl, hemû serekên eşîr û malbatên gelê Îsraêl civandin ku li Orşelîmê bên ba wî.

Padîşah I, 9:24

Lê keça Firewn ji Bajarê Dawid hat qesra ku Silêman ji bo wê ava kiribû. Piştre Silêman Mîllo ava kir.

Dîrok I, 11:7

Dawid li asêgehê rûnişt. Ji ber vê yekê “Bajarê Dawid” jê re tê gotin.

Nehemya 3:15

Şallûnê kurê Kol-Hozeyê serekê bajarê Mîspayê, Dergehê Kaniyê ji nû ve ava kir. Serê wî nixumand û bask, zirze û destikên deriyan pê ve kirin. Herwiha wî dîwarê Hewza Şelahê ya li ber bexçeyê padîşah, heta bi derenceyên ku xwe ji Bajarê Dawid berdidin, ji nû ve ava kir.

Zebûr 132:13

Çimkî Xudan Sîyonê bijart, Wê derê, wek war ji bo xwe xwest,

Zebûr 2:6

«Ez im, yê ku padîşahê xwe, Li ser çiyayê pîroz, Siyonê da rûniştin.»

Zebûr 48:12

Li der û dora Siyonê bigerin, Bircan bijimêrin,

Zebûr 48:3

Xwedê xwe li kelehên wî, Wek birceke bilind da bihîstin.

Zebûr 51:18

Bi kerema xwe qencî bike bi Siyonê, Ji nû ve ava bike sûrên Orşelîmê.

Zebûr 87:2

Xudan ji deriyên Siyonê, Ji hemû avahiyên Aqûb bêtir hes dike.

Zebûr 9:11

Bi lavijan pesnê Xudanê li Siyonê rûniştî bidin! Bila bi we kirinên wî li nav miletan eşkere bibin.

Îşaya 12:6

Ya xelkê Siyonê biqîre û şa be! Çimkî Pîrozê Îsraêl ê nav we mezin e.”

Îşaya 59:20

“Wê rizgarkar were Siyonê, Wê were ba kesên Aqûb ku dev ji serhildanê berdidin.” Ev e gotina Xudan.

Yêremya 21:13

Va ye, ez li dijî te me, Orşelîma li jorê newalê, zinarê li deştê.’” Ev e gotina Xudan. “‘Hûn ên ku dibêjin: Kî dikare bi ser me de were? Kî dikare bikeve warên me?

Mîxa 4:2

Wê pir milet herinê û bêjin: “Werin em herin Çiyayê Xudan. Em herin Mala Xwedayê Aqûb Ku ew riyên xwe hînî me bike Û em di rêçikên wî de bimeşin. Çimkî wê rê û rêbaz ji Siyonê Û gotina Xudan ji Orşelîmê derkeve.”

Romayî 9:33

Wek ku hatiye nivîsîn: «Va ye, ez li Siyonê kevirekî terpilînê, Lateke hilterpilînê datînim. Lê ku baweriyê bi wî bîne, nayê şermkirin.»

Îbranî 12:22

Lê hûn nêzîkî Çiyayê Siyonê û bajarê Xwedayê jîndar, yanî Orşelîma ezmanî bûn, ku li wir bi deh hezaran milyaket bi şahî beşdarî pîrozkirinê bûn.

Peyxam 14:1

Hingê min dît ku va ye, Berx li ser Çiyayê Siyonê disekinî û bi wî re sed û çil û çar hezar mirov hebûn ku li ser eniya wan navê wî û navê Bavê wî nivîsî bûn.