Samûêl II, 23:4 - Kurmanji Încîl

⁴ Ew wekî rojeke bêewr, Wekî şewqa serê sibê tê dîtin. Bi biriqîna wî, piştî baranê di axê de giya şîn dike.”

Samûêl II, 23:4 ပူးပေါင်းရင်းမြစ်များ

Zebûr 110:3

Di roja te ya şer de, Wê gelê te bi dilxwazî herin. Wek xunava ku di seherê de dikeve, Bi rewnaqiya pîroz pêçayî, Wê xortên te li pey te werin.

Zebûr 72:6

Wek barana ku li ser mêrga nûbirrî dibare, Bila ew, wek taviya ku axê av dide, bê!

Zebûr 89:36

Wê nîjada wî her û her bajo, Textê wî li pêş min wek rojê bimîne,

Methelokên 4:18

Riya rastan wekî ronahiya berbangê ye Ku heta nîvro her diçe ronahiyê dide.

Îşaya 18:4

Çimkî Xudan ji min re wiha got: “Wekî tava zelal di ronahiya rojê de, Mîna ewrê xunavê di germa dema palehiyê de, Ezê bi bêdengî ji cihê xwe mêze bikim.”

Îşaya 4:2

Wê rojê wê şaxê Xudan xweşik û birûmet be. Wê fêkiyê welêt bibe berzî û rûmeta saxmayiyên gelê Îsraêl.

Îşaya 60:1

“Rabe bibiriqe! Çimkî ronahiya te hat. Rûmeta Xudan bi ser te ve hilat.

Îşaya 60:3

Wê milet werin ronahiya te, Wê padîşah werin biriqîna zeraqa te.

Hoşêya 6:3

Em Xudan nas bikin, Em bikevin pey naskirina wî. Wê li me mîna ronahiya serê sibê esse xuya bibe. Hatina wî wê wek baranê, Wekî barana biharê ku av dide erdê.

Hoşêya 6:5

Loma min bi riya pêxemberan ew perçe kirin, Min ew bi gotinên devê xwe kuştin. Hikmên min mîna ronahiyê derket.

Mîxa 5:7

Wî çaxî saxmayiyên ziriyeta Aqûb Ku di nava pir gelan de dimînin, Wê bibin wekî xunava Xudan şandiye Û barana ku av dide şînahiyê. Wê xwe nespêrin kesekî Û li benda alîkariya mirovan nemînin.

Melaxî 4:2

Hûn kesên ku ji navê min ditirsin! Wê tava rastiyê li ser we derkeve ku bi tîrêjên xwe şifayê tîne. Çawa ku golikê ji axurê dipengizin, hûnê rabin herin.

Yûhenna 1:7

Ew ji bo şahidiyê hat. Ew hat ji bo ku şahidiya ronahiyê bike, da ku hemû bi rêberiya wî baweriyê bînin.

Dubarekirina Şerîetê 32:2

Bila hînkirina min wekî baranê dilop bike, Gotina min wekî xunavê bikeve, Bila wekî barana nerm bi ser çêrê ve, Wekî taviyê bi ser giyê ve bê.

Dadger 5:31

Ya Xudan, bila hemû dijminên te wiha tune bibin. Lê hezkiriyên te bila wekî rojê bibiriqin.” Piştî vê yekê welat çil salan di nav aştiyê de ma.