Samûêl II, 21:14 - Kurmanji Încîl

¹⁴ Hestiyên Şawûl û Yonatanê kurê wî, di gora Qîşê bavê Şawûl de veşartin ku li Sêlaya herêma Binyamînê bû. Hemû fermanên padîşah bi cih anîn. Piştî vê yekê Xwedê bersiv da lavakirinên li ser welêt.

Samûêl II, 21:14 ပူးပေါင်းရင်းမြစ်များ

Samûêl II, 24:25

Dawid li wir ji Xudan re gorîgehek çêkir û qurbanên aştiyê û şewitandinê pêşkêş kirin. Xudan bersiv da lavakirina wî ya ji bo welêt. Nexweşiya giran ji nava welatê Îsraêl rakir.

Yêşû 18:28

Sêla, Haelef, Yevûs –ku Orşelîm e– Gîva û Qîryat; bi gundên xwe ve çardeh bajar. Mîrasa binemalên Binyamîniyan ev bû.

Yêşû 7:26

Paşê wan li ser wî şikêreke keviran çêkir ku heta îro jî dimîne. Bi vî awayî hêrsa Xudan danî. Heta îro jî, ji wê derê re Deşta Exorê dibêjin.

Zekeriya 6:8

Milyaket gazî min kir û got: “Binêre, yên ber bi bakur ve çûn, li wir hêrsa min kêm kir.”

Ûnis 1:15

Rabûn, Ûnis avêtin deryayê. Li ser vê yekê derya aram bû.

Samûêl II, 4:12

Paşê emir li zilamên xwe kir û herdu bira li wir hatin kuştin. Dest û piyên wan jêkirin û cendekê wan li kêleka hewza Hevronê daleqandin. Serê Îşboşet jî birin û li Hevronê di gora Avnêr de veşartin.

Samûêl II, 3:32

Avnêr li Hevronê binax kirin. Padîşah li ser gora Avnêr bi dengekî bilind giriya. Hemû kesên pê re jî giriyan.

Samûêl I, 10:2

Piştî ku îro tu ji ba min herî, li ser sînorê Binyamînê, li kêleka gora Rahêla li Selsahê, tê rastî du mirovan werî. Wê ji te re bibêjin: ‘Kerên ku tu lê digeriyayî hatin dîtin. Bavê te mitala keran nake, lê ew mitala we dike û dibêje: Ka kurê min li ku ye?’

Hejmartin 25:13

Wê ji wî û ziriyeta wî re bibe peymana herheyî ya kahintiyê. Çimkî ew ji Xwedayê xwe re xîretkêş bû û ji bo gelê Îsraêl kefaret da.’”

Samûêl II, 21:13

Dawid hestiyên Şawûl û kurê wî Yonatan ji wir anîn. Hestiyên heft kesên ku hatibûn darvekirin jî berhev kirin.

Hejmartin 25:8

Wî da pey wî Îsraêlî, ket hundirê kon û bi rima destê xwe li zikê wî û jinikê xist. Bi vî awayî kula bi ser gelê Îsraêl de hat, sekinî.