Samûêl II, 17:17 - Kurmanji Încîl

¹⁷ Di vê navberê de Yonatan û Ahîmaes li Eyn-Rogêlê diman. Keçikeke xizmetkar radibe hal û mesele ji wan re dibêje. Ew jî diçin tiştê ku bihîstine ji Dawidê Padîşah re dibêjin. Çimkî çavê wan nedibirî bikevin bajêr û kes wan bibîne.

Samûêl II, 17:17 ပူးပေါင်းရင်းမြစ်များ

Samûêl II, 15:27

Padîşah bi Sadoqê Kahin re gotina xwe wiha berdewam kir: “Ma tu ne zanyar î? Kurê xwe Ahîmaes û Yonatanê Aviyatar hilde û pê re bi xêr û silamet vegere bajêr.

Samûêl II, 15:35

Sadoqê Kahin û Aviyatarê Kahin wê li wir tevli te bin. Te li qesra padîşah çi bihîstibe, ji wan re bêje.

Samûêl II, 15:36

Kurên wan Ahîmaesê kurê Sadoq û Yonatanê kurê Aviyatar jî li wir in. Her tiştê we bihîstin, bi riya wan ji min re bişînin.”

Padîşah I, 1:42

Hê ew bi xeberdan bû, Yonatanê kurê Aviyatarê Kahin hat. Adoniya got: “Bikeve hundir, çimkî tu mirovekî camêr î û mizgîniyê tînî.”

Padîşah I, 1:9

Adoniya li ber Zinarê Zoheletê yê li nêzîkî Eyn-Rogêlê; pez, dewar û golikên dermale serjê kirin û gazî hemû birayên xwe ku kurên padîşah bûn û gazî hemû zilamên Cihûdayê kir ku xulamên padîşah bûn.

Yêşû 15:7

Ji wir sînor ji Deşta Exorê heta Devîrê diçû, heta Gîlgala ku li pêşberî Hevrazê Adûmmîmê yê ku li başûrê deştê ye, ber bi aliyê başûr ve ditewiya, heta ava Eyn-Şemeşê diçû û digihîşt Eyn-Rogêlê.

Yêşû 18:16

Sînor ji wir digihîşt quntara çiyayê li pêşberî Geliyê Ben-Hînnoma ku bakurê Deşta Refayîmê ye, li ber başûrê palên Yevûsê û di Geliyê Hînnomê re derbas dibû û dadiket Eyn-Rogêlê.