Samûêl II, 11:26 - Kurmanji Încîl

²⁶ Jina Ûriya, gava bi mirina mêrê xwe hesiya, şîna wî kir.

Samûêl II, 11:26 ပူးပေါင်းရင်းမြစ်များ

Destpêk 27:41

Ji ber ku bavê wî Aqûb pîroz û bereket kiribû, kîna Esaw li dijî Aqûb zêde bû. Di dilê xwe de got: “Rojên şîna bavê min nêzîk bûne. Ezê birayê xwe Aqûb bikujim.”

Destpêk 50:10

Çaxê gihîştin Bêndera Atadê ya li rojhilatê Çemê Şerîayê, bi şewat giriyan û şîn kirin. Ûsiv li wir heft rojan ji bo bavê xwe şîn kir.

Samûêl II, 11:25

Dawid ji qasid re got: “Ji Yoav re bêje: ‘Bila ev bûyer te xemgîn neke! Ne diyar e ku wê di şer de kî bimire. Êrîşeke dijwar bibin ser bajêr û hilweşînin!’ Bi van gotinan wêrekiya wî zêde bike.”

Samûêl II, 14:2

Yekî şand ba jineke zana ku li Teqoayê dijî. Wî jinikê bi xwe re anî. Yoav ji jinikê re got: “Ji kerema xwe reş girê bide. Cilên xwe yê şînê li xwe bike. Rûn li xwe nede û çawa ku bi rojan e tu şîna miriyan dikî tevbigere.

Samûêl II, 3:31

Paşê Dawid ji Yoav û ji hemû kesên pê re got: “Cilên xwe biçirînin û çûx li xwe bikin. Li ber termê Avnêr şînê bikin!” Dawidê Padîşah jî li pey cenaze meşiya.

Padîşah I, 21:16

Gava Ahav bihîst ku Navot miriye, rabû çû ku rezê wî ji xwe re bike milk.

Dubarekirina Şerîetê 34:8

Gelê Îsraêl li deştên Moavê, sî rojan şîna Mûsa kir. Paşê rojên şîn û girîna Mûsa temam bûn,

Samûêl I, 31:13

Piştre hestiyên wan hildan û di bin dargezeka li Yavêşê de veşartin. Heft rojan rojî girtin.