Samûêl I, 9:3 - Kurmanji Încîl

³ Rojekê kerên Qîşê bavê Şawûl winda bûn. Qîş ji kurê xwe Şawûl re got: “Xizmetkarekî bi xwe re bibe û here li keran bigere.”

Samûêl I, 9:3 ပူးပေါင်းရင်းမြစ်များ

Dadger 10:4

Sî kurên wî hebûn ku li sî keran siwar dibûn. Sî bajarên wan hebûn ku li herêma Gîladê bûn. Îro jî, ji van bajarên re Hawot-Yayîr tê gotin.

Dadger 5:10

“Ya siwarên kerên spî! Ya kesên li ser kurtanên nexşkirî rûdinin! Ya peyayên li ber rê!

Samûêl I, 10:14

Apê wî, ji Şawûl û xizmetkarê wî pirsî: “Hûn li ku man?” Şawûl bersiv da û got: “Em li keran digeriyan, lê piştî ku me ew nedîtin, em çûn ba Samûêl.”

Samûêl I, 10:2

Piştî ku îro tu ji ba min herî, li ser sînorê Binyamînê, li kêleka gora Rahêla li Selsahê, tê rastî du mirovan werî. Wê ji te re bibêjin: ‘Kerên ku tu lê digeriyayî hatin dîtin. Bavê te mitala keran nake, lê ew mitala we dike û dibêje: Ka kurê min li ku ye?’

Samûêl I, 9:2

Kurekî wî yê ciwan hebû û navê wî Şawûl bû. Di nav gelê Îsraêl de jê lihevhatîtir kesek tunebû. Bejna wî seriyek ji bejna her kesî bilindtir bû.

Samûêl I, 9:20

Mitala kerên xwe nekin ku ev sê roj in winda ne. Ew hatine dîtin. Ma hêviya gelê Îsraêl ji bo kê ye? Ma ne ji bo te û malbata bavê te ye?”

Samûêl I, 9:4

Şawûl çû herêma çiyayî ya Efrayîmê, li Şalîşayê geriya. Lê ker nedîtin. Bi hev re derbasî herêma Şaelîmê bûn. Ker li wir jî tunebûn. Li herêma Binyamînê jî ker nedîtin.