Samûêl I, 7:4 - Kurmanji Încîl

⁴ Gelê Îsraêl pûtên Baal û Eştoretê avêtin û bi tenê dest bi xulamiya Xudan kirin.

Samûêl I, 7:4 ပူးပေါင်းရင်းမြစ်များ

Padîşah I, 11:33

Çimkî wan dev ji min berda, perizîn Eştoreta îlaha Saydayiyan, Kemoşê îlahê Moaviyan û Molekê îlahê Emmoniyan. Wekî bavê wî Dawid tiştên di çavê min de rast in kirin, nekirin. Wan qanûn û rêbazên min pêk neanîn û di riya min de nemeşiyan.

Padîşah I, 11:5

Silêman perizî Eştoreta îlaha Saydayiyan û da pey Molekê îlahê kirêt ê Emmoniyan.

Padîşah I, 8:48

û li welatê dijminên ew sirgûn kirine, bi hemû dilê xwe û hemû canê xwe li te vegerin, ber bi welatê wan ku te daye bav û kalên wan, bajarê te hilbijartiye, ber bi vê Malê ve dua bikin ku min ji bo navê te ava kir,

Padîşah II, 23:15

Herwiha gorîgeha li Bêt-Êlê û bilindciyên ji aliyê Yarovamê kurê Nevat ve hatibû çêkirin ku guneh bi gelê Îsraêl dabû kirin, hilweşandin. Wî bilindcî şewitandin û perçiqandin, kirin xwelî. Pûtekî Aşêrayê jî şewitand.

Hoşêya 14:3

Aşûr nikare me rizgar bike. Emê li hespan siwar nebin, Êdî emê ji keda destê xwe re nebêjin: ‘Xwedayê me!’ Çimkî sêwî bi te re rehmê dibîne.

Hoşêya 14:8

Ya Efrayîm, çi karê min bi pûtan re heye? Ezê bersivê bidim û ezê hay ji te hebim. Ez mîna dara çama şîn im, Fêkiyê te ji min e.”

Dadger 2:11

Gelê Îsraêl tiştên di çavê Xudan de xerab in, kirin. Wan xulamiya Baalan kir.

Dadger 2:13

Wan dev ji Xudan berda û xulamiya Baal û Eştoretan kir.

Samûêl I, 7:3

Samûêl ji Mala Îsraêl re wiha got: “Heke hûn bi hemû dilê xwe û bi hemû canê xwe vegerin Xudan, îlahên xerîb û pûtên Eştoretê ji nav xwe rakin. Xwe bispêrin Xudan û bi tenê xulamiya wî bikin. Wê Xudan jî we ji destê Filîstiyan rizgar bike.”

Samûêl I, 7:5

Samûêl got: “Tevahiya gelê Îsraêl li Mîspayê kom bikin, ezê jî, ji bo we lavayî Xudan bikim.”