Samûêl I, 6:3 - Kurmanji Încîl

³ Wan got: “Sindoqa Xwedayê Îsraêl vala neşînin. Divê hûn pêşkêşiyeke berdêlê bidin. Wî çaxî hûnê baş bibin û bizanibin Xwedê çima we ceza dike.”

Samûêl I, 6:3 ပူးပေါင်းရင်းမြစ်များ

Eyûb 10:2

Ezê ji Xwedê re bêjim: ‘Min sûcdar dernexe, Eşkere bike tu çima li dijî min î?

Derketin 23:15

Tê Cejna Nanê Şikeva pîroz bikî. Çawa ku min li te emir kiriye, di rojên kifşkirî yên meha Avîvê de heft rojan nanê şikeva bixwe. Çimkî tu di wê mehê de ji Misrê derketî. “Bila tu kes destvala neyê pêşberî min.

Derketin 34:20

Tê ji bo dehşikê pêşî pezekî fîdyeyê bidî. Heke tu fîdyeyê nedî, tê stûyê dehşikê bişikênî. Divê tu ji bo hemû nixuriyên xwe fîdyeyê bidî. “Bila tu kes destvala neyê hizûra min.

Derketin 8:15

Lê gava Firewn rihetî dît, çawa ku Xudan gotibû wî dilê xwe hişk kir û dîsa guhdariya wan nekir.

Lêwiyî 5:6

Wê wekî pêşkêşiya berdêlê, pêşkêşiya paqijiyê pêşkêşî Xudan bike. Wê ev ji pêz, mî yan bizina mê be. Wê kahin ji bo gunehê wî kefaretê bide.

Lêwiyî 6:6

Wê ji bo Xudan, wekî pêşkêşiya berdêlê beranekî bêqisûr ê ku hêja ye bîne û bide kahin.

Dubarekirina Şerîetê 16:16

“Salê sê caran, di Cejna Nanê Şikeva, di Cejna Hefteyan û di Cejna Holikan de, wê hemû mêrên we li hizûra Xwedayê we Xudan, li dera ku wê hilbijêre xuya bibin. Wê tu kes destvala neyê hizûra Xudan.

Samûêl I, 5:11

Tevahiya begên Filîstiyan berhev kirin û gotin: “Sindoqa Xwedayê Îsraêl ji vir dûr bixin û bişînin cihê wê. Ji bo ku me û gelê me helak neke.” Çimkî tirsa mirinê ketibû her derê bajêr. Cezayê Xwedê pir giran bû.

Samûêl I, 5:7

Aşdodiyan li ser vê yekê wiha got: “Sindoqa Xwedayê Îsraêl divê li ba me nemîne, ji ber ku wê em jî, îlahê me Dagon jî bi awayekî giran ceza kir.”

Samûêl I, 5:9

Piştî ku Sindoq birin Gatê, Xudan ew bajar jî ceza kir. Tirseke mezin ket nav bajêr. Xudan ji biçûkan bigire heta mezinan xelkê bajêr bi kunêran ceza kir.

Samûêl I, 6:8

Sindoqa Xudan deynin nav erebeyê û taximên zêrîn ku hûnê jê re bikin pêşkêşiya berdêlê bixin nava qutiyekê û deynin kêleka wê. Paşê bila erebe here.

Samûêl I, 6:9

Lê bila çavê we li ser be. Heke ew bi riya Bêtşemeşê re derbasî welatê xwe bibe, naxwe Xwedê ev belaya mezin bi ser me de şandiye. Heke na emê bizanibin ku ev bela ne ji wî ye lê bi xwe çêbûye.”