Samûêl I, 5:9 - Kurmanji Încîl

⁹ Piştî ku Sindoq birin Gatê, Xudan ew bajar jî ceza kir. Tirseke mezin ket nav bajêr. Xudan ji biçûkan bigire heta mezinan xelkê bajêr bi kunêran ceza kir.

Samûêl I, 5:9 ပူးပေါင်းရင်းမြစ်များ

Zebûr 78:66

Li dijminên xwe xist û belav kir, Wî rûreşiyeke herheyî da wan.

Amos 5:19

Wekî wî mirovî ye ku ji ber şêr direve Û hirç tê pêşiya wî, Mîna zilamê ku tê malê, dest dispêre dîwêr Û mar pê vedide.

Dubarekirina Şerîetê 2:15

Bi rastî destê Xudan li dijî wan bû û hemû şervanên gel mirin.

Samûêl I, 12:15

Lê heke hûn guhdariya dengê Xudan nekin û li dijî fermana devê wî derkevin, wê gavê wê destê Xudan li dijî we û padîşahê we be.

Samûêl I, 5:10

Sindoqa Xwedê birin Eqronê. Lê gava hat Eqronê, gel kir hewar û got: “Ji bo ku me û gelê me tune bikin Sindoqa Xwedayê Îsraêl ji me re anîn!”

Samûêl I, 5:11

Tevahiya begên Filîstiyan berhev kirin û gotin: “Sindoqa Xwedayê Îsraêl ji vir dûr bixin û bişînin cihê wê. Ji bo ku me û gelê me helak neke.” Çimkî tirsa mirinê ketibû her derê bajêr. Cezayê Xwedê pir giran bû.

Samûêl I, 5:6

Xudan nexweşiyeke giran anî serê Aşdodiyan û gelên derdorê. Kunêr di laşê wan de derxistin û ew tengezar kirin.

Samûêl I, 6:11

Qutiya ku di nav de mişkên zêr û kunêrên zêr hene, bi Sindoqa Xudan re xistin erebeyê.

Samûêl I, 7:13

Filîstiyên ku şikestin, careke din sînorê gelê Îsraêl derbas nekirin. Heta Samûêl sax bû, Xudan rê li ber êrîşên Filîstiyan girt.