Samûêl I, 2:25 - Kurmanji Încîl

²⁵ Heke mirovek li dijî mirovekî din gunehekî bike, Xwedê dibe navbeynkarê wan. Lê heke mirov li dijî Xudan guneh bike, wê kî wî biparêze?” Lê wan guh nedida dengê bavê xwe. Loma jî Xudan biryar dabû ku wan bikuje.

Samûêl I, 2:25 ပူးပေါင်းရင်းမြစ်များ

Destpêk 38:10

Ya ku wî kir di çavê Xudan de xerab bû. Loma Xudan ew jî kuşt.

Destpêk 38:7

Lê Êrê nixuriyê Cihûda di çavê Xudan de xerab bû û Xudan ruhê wî stand.

Padîşah I, 8:31

“Heke kesek li dijî cîranê xwe gunehekî bike, ji bo sondxwarinê mecbûr bibe were vê Malê û li ber gorîgeha te sond bixwe,

Padîşah I, 8:32

wê gavê li ezmanan bibihîze, tevbigere û xulamên xwe dadbar bike. Gunehê kesê sûcdar çi heq kiribe bidê, kesê rast jî li gorî rastiya wî mafdar derîne.

Eyûb 9:33

Di navbera me de dadgerek tuneye Ku destê xwe deyne ser me herduyan.

Zebûr 51:16

Çimkî tu hez nakî ji qurbanê, Razî nabî bi şewitandina gorîdanê, An na, minê ji te re pêşkiş bikira.

Zebûr 51:4

Li hember te, tenê min li ber te sûc kir, Min ya ku, li pêş çavê te xerab bû kir. Îcar tu, di gotinê de mafdar, Di dadbarkirinê de rastdar î.

Methelokên 13:1

Kurê şehreza guh dide terbiyeya bavê xwe, Lê tinazkar guhdariya erzşikandinê nake.

Methelokên 15:10

Terbiyeya zor ji kesê averê re ye, Lê kesê ji erzşikandinê nefret dike, wê bimire.

Methelokên 29:1

Mirovê gelek caran tê erzşikandin Û dîsa serhişkiyê dike, Wê jinişkave bişikê û şifayê nebîne.

Waiz 3:3

Dema kuştinê û dema saxkirinê, Dema xerakirinê û dema avakirinê,

Hejmartin 15:30

“‘Dixwazî welatî, dixwazî xerîb be, kesê bi zanîn guneh kiriye û çêrê Xudan kiriye wê ji nav gel bê avêtin.

Dubarekirina Şerîetê 1:17

Di dadbarkirinê de meyla kesî nekin. Li dozên biçûk û mezinan binêrin. Ji tu kesî netirsin, çimkî dadbarî ji Xwedê ye. Heke meseleyek ji bo we giran be, bînin ba min, ezê çareser bikim.’

Dubarekirina Şerîetê 2:30

Lê Sîhonê Padîşahê Heşbonê nexwest em di welatê wî re derbas bibin. Çimkî Xwedayê we Xudan canê wî hişk kir û dilê wî şidand ku wekî îro wî bide destê we.

Tîmotʼêyo I 2:5

Çimkî tenê Xwedayek heye û di nav Xwedê û mirovan de jî bi tenê navberkarek heye, ew jî Mesîh Îsayê mirov e,

Îbranî 10:26

Çimkî, piştî ku em gihîştin zanîna rastiyê, eger em bi zanîn guneh bikin, êdî ji bo gunehan tu gorî namîne,

Îbranî 10:27

lê tenê libendêmayîneke tirsehêz ya dîwanê û agirê kelegerm ê ku dijminan dixwe û tune dike, dimîne.

Îbranî 7:25

Ji ber vê yekê ew dikare wan ên ku bi destê wî nêzîkî Xwedê dibin, bi tevahî xilas bike. Çimkî ew herdem dijî, da ku ji bo wan mehderê bike.

Yêşû 11:20

Çimkî Xudan dilê wan hişk kiribû ku ew li dijî gelê Îsraêl şer bikin û bên tunekirin. Çawa Xudan li Mûsa emir kiribû, ew li ber wan neketin û tune kirin.

Samûêl I, 3:14

Ji ber vê yekê min sond xwar û got: ‘Wê gunehê Mala Elî bi tu awayî ne bi qurban, ne jî bi pêşkêşiyê were bexişandin.’”