Samûêl I, 2:2 - Kurmanji Încîl

² Di pîroziyê de yekî mîna Xudan tuneye, Ya Xudan, yê wekî te tuneye, Zinarekî wekî Xwedayê me tuneye.

Samûêl I, 2:2 ပူးပေါင်းရင်းမြစ်များ

Samûêl II, 22:3

Xwedayê min, zinarê min ê xwespartinê, Mertalê min, rizgarkarê min ê hêzdar, Sitargeha min û cihê reva min ew e! Xilaskarê min, ji zordestiyê tu min rizgar dikî.

Samûêl II, 22:32

Ma ji xeynî Xudan, xwedê heye? Gelo ji xeynî Xwedayê me, zinar heye?

Samûêl II, 7:22

“Tu mezin î, ya Reb Xudan! Yekî wekî te tuneye. Ji xeynî te Xwedê tuneye! Me ev hemû bi guhên xwe bihîstine.

Padîşah I, 8:23

Wî got: “Ya Xwedayê Îsraêl Xudan, ne li jor li ezmanan ne jî li jêr li erdê Xwedayê wekî te heye. Tu bi dilsozî bi peymanê ve girêdayî dimînî ku te bi xulamên xwe yên bi tevahiya dilê xwe bi te re dimeşin re çêkir.

Zebûr 111:9

Wî rizgariya gelê xwe şand, Peymana xwe ji bo her û her fermand. Navê wî pîroz û tirsdar e.

Zebûr 18:2

Xudan e zinarê min, kanî û rizgarkarê min. Xwedayê min, zinarê min ê xwe spartinê ye. Mertalê min, hêza min a rizgarkirinê, birca min a bilind e!

Zebûr 18:31

Ma heye ji xeynî Xudan Xwedê? Ji Xwedê pê ve zinarê ku mirov pişta xwe bidê?

Zebûr 71:19

Ey Xwedê, rastdariya te digîhije ezman, Tu ku, te karên mezin kir, Ma kî dimîne te, ey Xwedê?

Zebûr 71:3

Tu bibe zinarê min ê starê, Da ku ez hergav bêm te; Te emir da ji bo rizgarkirina min, Çimkî tu yî zinar û kela min.

Zebûr 73:25

Li ezmanan kiyî min heye? Xên ji te, ez kesî din naxwazim li ser rûyê erdê.

Zebûr 86:8

Ya Reb, di nav îlahan de tunin yên mîna te, Ne jî karên wek karên te.

Zebûr 89:6

Ma li ezman, kî ji Xudan re heval tê nîşandan? Di nav yên ezmanî de, kî heye wekî Xudan?

Zebûr 89:8

Ya Xudan, Xwedayê ordiyan, Ma kî bi qasî te hêzdar e ya Xudan? Dilsoziya te, te dipêçe.

Zebûr 99:3

Bila her kes pesnê navê te yê mezin û bi bizdan bide! Ew pîroz e.

Zebûr 99:5

Xudanê me, Xwedê berz bikin, Li ber pêpelûka lingê wî biperizin! Ew pîroz e.

Zebûr 99:9

Xwedayê me Xudan berz bikin, Li çiyayê wî yê pîroz herin ser çokan, Çimkî Xwedayê me Xudan pîroz e.

Derketin 15:11

Ma di nav îlahan de, Yekî wekî te heye ya Xudan? Di pîroziyê de rewnaq, Bi heybeta xwe hêjayî pesindanê. Ma kes heye wekî te kerametan dike?

Îşaya 40:18

Hûn Xwedê dişibînin kê? Hûn wî dişibînin çi?

Îşaya 44:6

Xudan, Padîşah û Rizgarkarê Îsraêlê, Xudanê Karîndar wiha dibêje: “Yê pêşî û paşî ez im. Ji xeynî min Xwedê tuneye.

Îşaya 44:8

Nebizdin û netirsin! Ma min ji demên berê ve ji we re neda bihîstin? Ma min xeber neda? Hûn şahidên min in. Ma ji xeynî min Xwedê heye? Zinarê din tuneye, Ez yekî din nizanim.”

Îşaya 57:15

Çimkî Yê berz û bilind, yê ku her û her heye û navê wî pîroz e, wiha dibêje: “Ez hem li dera bilind û pîroz rûdinim Û hem jî bi kesên şikestî û nefsbiçûk re me. Ez ruhê nefsbiçûkan Û dilşikestiyan nû bikim.

Îşaya 6:3

Yekî gazî yê din dikir û digot: “Pîroz e, pîroz e, pîroz e Xudanê Karîndar. Rûmeta wî tevahiya dinyayê dadigire.”

Yêremya 10:6

Ya Xudan! Yekî wekî te tuneye. Tu mezin î û navê te bi hêzê mezin e.

Lêwiyî 11:44

Çimkî Xwedayê we Xudan ez im. Xwe pîroz bikin û pîroz bibin. Çimkî ez pîroz im. Xwe bi tu heywanekî biçûk ên li ser rûyê erdê qirêj nekin.

Lêwiyî 11:45

Çimkî ji bo ez bibim Xwedayê we, Xudanê ku hûn ji welatê Misrê deranî ez im. Pîroz bin, çimkî ez pîroz im.

Lêwiyî 19:2

“Bi tevahiya civaka Îsraêl re bipeyive û ji wan re bêje: ‘Pîroz bin, çimkî ez Xwedayê we Xudan pîroz im.

Romayî 15:4

Îcar ji berê ve her çi hatibe nivîsîn, ji bo perwerdebûna me hatiye nivîsîn, da ku bi sebir û bi handana Nivîsarên Pîroz hêviya me hebe.

Romayî 4:8

Xwezî bi wî mirovê ku Xudan ji wî re guneh hesab nake!»

Dubarekirina Şerîetê 3:24

‘Ya Reb Xudan, te tenê destpê kir, mezinahiya xwe û destê xwe yê hêzdar nîşanî min da. Li erd û ezmanan, Xwedayekî wekî te heye ku karên te yên mezin bike?

Dubarekirina Şerîetê 32:20

Wî got: ‘Ezê rûyê xwe ji wan veşêrim, Ezê bibînim, ka wê çawa be dawiya wan, Çimkî ew nifşekî jirêderketî ne, Zarokên ne dilsoz in.’

Dubarekirina Şerîetê 32:39

“‘Bibînin ku ez, ez ew im, Ji xeynî min Xwedê tuneye! Ez dikujim, ez vedijînim, Ez birîndar dikim, ez sax dikim Û kesê ji destê min rizgar bike tuneye.

Dubarekirina Şerîetê 32:4

Ew zinar e, karê wî kamil e, Hemû riyên wî adil in. Ew Xwedayê dilsoziyê ye, neheqiyê nake, Ew rast û dirust e.

Dubarekirina Şerîetê 4:35

“Ev tiştên hanê bi we hatin nîşandan ku hûn bizanibin Xudan, Xwedê ye û ji xeynî wî yekî din tuneye.

Dubarekirina Şerîetê 4:39

“Loma îro bizanibin û bixin dilê xwe ku Xudan, Xwedayê li jor, li ezmanan û li jêr, li erdê ye û ji xeynî wî yekî din tuneye.

Petrûs I 1:16

Ji ber ku hatiye nivîsîn: «Pîroz bin, çimkî ez pîroz im.»