Samûêl I, 15:8 - Kurmanji Încîl

⁸ Wî tevahiya gel da ber şûran. Lê belê Padîşahê Emalêqiyan Agag dil girt.

Samûêl I, 15:8 ပူးပေါင်းရင်းမြစ်များ

Samûêl II, 8:12

Çimkî wî Aramî, Moavî, Emmonî, Filîstî û Emalêqî û Hadadezerê kurê Rehovê Padîşahê Sovayê talan kirin.

Padîşah I, 20:30

Yên mayî reviyan nava Afêqê. Sûrên bajêr bi ser bîst û heft hezar kesên mayî ve hilweşiya. Ben-Hadad reviya, li bajêr ket odeya malekê.

Dîrok I, 4:43

Wan kesên ji Emalêqiyan sax filitîne û reviyane, girtin kuştin. Heta niha jî ew li wir dimînin.

Ester 3:1

Piştî van tiştan Ahaşwêroşê Padîşah, Hamanê kurê Hammedatayê Agagî anî ser karekî bilind û bi vî awayî ew rûmetdar kir. Wî ew ji tevahiya serekan mezintir kir.

Lêwiyî 27:29

Wê tu berdêla kesê ku ji Xudan re hatiye veqetandin neyê dayîn. Wê esse bê kuştin.

Hejmartin 24:7

Wê ji satilên wî av biherike, Tovê wî bi ava zêde bê avdan. Wê padîşahê wî ji Agag bilindtir be Û padîşahiya wî bê berzkirin.

Yêşû 10:39

Wî bajar, padîşahê wê û hemû gundên wê desteser kirin. Wî kesên tê de dan ber şûran û bi tevahî tune kirin. Wî tu kesî sax nehiştin. Ya ku anîbû serê Hevronê, Lîvnayê û padîşahê wê, anî serê Devîrê û padîşahê wê jî.

Yêşû 11:12

Çawa ku Mûsayê xulamê Xudan lê emir kiribû, Yêşû tevahiya wan padîşahan û bajarên wan desteser kirin, dan ber şûran û bi tevahî tune kirin.

Yêşû 8:23

Lê wan Padîşahê Ayê sax girt û anî ba Yêşû.

Samûêl I, 15:20

Şawûl ji Samûêl re got: “Lê min guhdariya dengê Xudan kir! Min da ser riya wî! Min Agagê Padîşahê Emalêqî anî û kit ji Emalêqiyan nehişt.

Samûêl I, 15:3

Rabe here li Emalêq bixe û her tiştê wan bi tevahî tune bike. Li ber wan nekeve. Ji mêr, jin û zarokan bigire heta zarokên berşîr, ga, pez, deve heta bi kerên wan hemûyan bikuje.’”

Samûêl I, 22:19

Doêg Nova bajarê kahinan da ber şûran. Wî jin û mêr, zarok û berşîr, ker, pez û dewar kuştin.

Samûêl I, 30:1

Dawid û zilamên xwe roja sisêyan gihîştin bajarê Zîqlagê. Di vê navberê de Emalêqiyan êrîşî herêma Negev û Zîqlagê kiribû. Wan Zîqlag şewitandibûn.