Samûêl I, 10:6 - Kurmanji Încîl

⁶ Wê Ruhê Xudan bi hêzeke mezin were ser te. Tê jî bi wan re pêxemberiyê bikî û tê bêyî guhertin.

Samûêl I, 10:6 ပူးပေါင်းရင်းမြစ်များ

Hejmartin 11:17

Ezê werim xwarê û li wir bi te re bipeyivim. Ezê ji ruhanîtiya li ser te hilînim û bidim wan. Ji bo ku tu tenê hilnegirî, wê gel vî barî bi te re hilgire.

Hejmartin 11:25

Xudan ji nav ewran berjêr bû û pê re peyivî. Ji ruhanîtiya ku li ser Mûsa ye hilda û da heftê rîspiyên li wir. Gava Ruh hat ser wan, wan pêxemberî kir. Lê piştre careke din nekir.

Hejmartin 11:26

Li artêşgehê du zilam mabûn, navê yekî Êldad û yê din Mêdad bû. Ew di nav heftê kesên bijartî de bûn, lê neçûbûn ber kon. Gava Ruh hat ser wan, wan jî li artêşgehê pêxemberî kir.

Hejmartin 11:29

Mûsa li ser vê yekê got: “Ma tu li ber min dikevî? Xwezî tevahiya gelê Xudan pêxember bûya û Xudan Ruhê xwe daniya ser wan.”

Metta 7:22

Wê rojê gelek wê ji min re bêjin: ‹Ya Xudan, ya Xudan! Ma bi navê te me pêxemberîtî nekir? Bi navê te me cin dernexistin? Ma bi navê te me gelek keramet nekirin?›

Dadger 14:6

Ruhê Xudan bi hêzeke mezin hat ser Şîmşon û wekî karikekî, wî şêr bi destan kir du perçe. Lê wî, ya ku kiriye ji dê û bavê xwe re negot.

Dadger 15:14

Gava Şîmşon nêzîkî Lehiyê bû, Filîstî qîriyan û ber bi wî ve çûn. Ruhê Xudan bi hêzeke mezin hat ser Şîmşon û werîsên li ser milên wî wekî kitanê ser êgir ji hev belav bûn û girêkên li ser destê wî ketin.

Dadger 3:10

Ruhê Xudan hat ser wî û wî serweriya gelê Îsraêl kir. Otniyêl çû şer û Xudan Padîşahê Aram-Naharayîmê, Kûşan-Rîşatayîm da destê wî. Ew li dijî Kûşan-Rîşatayîm bi ser ket.

Samûêl I, 10:10

Gava gihîşt Gîvayê, komeke pêxemberan pêşwaziya Şawûl kir. Ruhê Xwedê bi hêzeke mezin hat ser wî û wî bi wan re pêxemberî kir.

Samûêl I, 10:9

Gava Şawûl pişta xwe da Samûêl û çû, Xwedê dilekî nû da wî. Wê rojê hemû nîşan pêk hatin.

Samûêl I, 11:6

Şawûl gava ev gotin bihîstin, Ruhê Xwedê bi hêzeke mezin hat ser wî. Hêrsa Şawûl rabû.

Samûêl I, 16:13

Samûêl qiloçê zeytê hilda, li ber birayên wî ew rûn kir. Ji wê rojê û pê ve, Ruhê Xudan bi hêzeke mezin hat ser Dawid. Samûêl jî çû Ramayê.

Samûêl I, 19:20

Rabû kes şandin ku Dawid bigirin û bînin. Dema dîtin ku komeke pêxemberan, pêxemberiyê dikin û Samûêl jî wekî serek li ser wan e, Ruhê Xwedê bi ser qasidên Şawûl ve jî hat û wan jî pêxemberî kir.