Nivîsa Rûta Pîrika Dawidê Padîşah 4:11 - Kurmanji Încîl

¹¹ Hemû xelkê li ber dergehê bajêr û rîspiyan got: “Erê, em şahid in. Xudan wê jina ku tê mala te, bike wekî Rahêl û Lêaya ku Mala Îsraêl ava kirin. Tu li nav binemala Efrat dewlemend bî û li Bêtlehemê navdar bî.

Nivîsa Rûta Pîrika Dawidê Padîşah 4:11 ပူးပေါင်းရင်းမြစ်များ

Destpêk 23:10

Efronê Hîtîtî di nav gelê xwe de rûniştibû. Wî bi dengekî bilind gazî li Hîtîtiyan kir ku li ber dergehê bajêr kom bûne, got:

Destpêk 24:60

Wan Rebeqa pîroz kir û jê re got: “Ya xwişka me, Bibe diya hezar hezaran. Bila ziriyeta te dergehên dijminên xwe Ji xwe re bike milk.”

Destpêk 29:16

Du keçên Lavan hebûn. Ya mezin Lêa, ya biçûk jî Rahêl bû.

Destpêk 29:25

Çaxê bû sibe, Aqûb dît ku Lêa ye! Wî ji Lavan re got: “Ev çi bû ku te bi min kir? Ez ji bo Rahêlê li ba te xebitîbûm. Çima te ez xapandim?”

Destpêk 29:32

Lêa bi zaro ma û kurek anî. Wê navê wî Rûbên danî Lêayê got: “Xudan xemgîniya min dît. Bêguman êdî wê mêrê min ji min hez bike.”

Destpêk 35:23

Kurên ji Lêayê: Rûbênê nixuriyê Aqûb, Şimûn, Lêwî, Cihûda, Îssexar û Zevûlon.

Destpêk 35:24

Kurên ji Rahêlê: Ûsiv û Binyamîn.

Padîşah I, 21:8

Bi navê Ahav name nivîsandi, bi mora wî mor kirin û ji rîspî û pêşengên bajarê Navot re şandin.

Dîrok I, 2:51

Salmayê avakarê Bêtlehemê û Harêfê avakarê Bêtgadêrê.

Zebûr 132:6

Me bihîst ku Sindoqa Peymanê li Efratayê ye, Me ew li zeviya Yaerê dît.

Methelokên 14:1

Jina şehreza mala xwe ava dike, Lê jina ehmeq wê bi destê xwe xera dike.

Methelokên 31:23

Mêrê wê li dergehên bajêr tê naskirin Û li wir bi rîspiyên welêt re rûdine.

Yêremya 32:10

Min nivîsa kirînê nivîsand, ew mor kir, bi şahidan da îmzekirin û zîv li ser mêzînê kişand.

Mîxa 5:2

“Lê tu, Bêtlehema Efrata! Tu di nav binemalên Cihûda de biçûk î, Lê ji bo min wê serwerê gelê Îsraêl ji nav te derkeve. Koka wî ji demên berê û rojên qedîm ve ye.”

Metta 2:6

‹Û tu, ey Beytlehma li welatê Cihûda! Tu di nav serwerên Cihûda de bi tu awayî ne ya herî kêm î. Çimkî ew serdarê ku şivantiya gelê min ê Îsraêl bike wê ji te rabe!› »

Dubarekirina Şerîetê 25:7

Lê heke zilam nexwaze bi jina birayê xwe ya bî re bizewice, wê jina birayê wî here dergehê bajêr, pêşberî rîspiyan û bêje: ‘Tiyê min naxwaze li gelê Îsraêl navê birayê wî berdewam bike. Ew naxwaze wezîfeya xwe ya tiyîtiyê ji bo min pêk bîne.’

Dubarekirina Şerîetê 25:9

wê gavê wê li pêşberî rîspiyan jina birayê wî were ba wî, ji lingê wî çaroxa wî derîne, tifî rûyê wî bike û bêje: ‘Li zilamê ku naxwaze mala birayê xwe ava bike wiha tê kirin.’

Nivîsa Rûta Pîrika Dawidê Padîşah 1:2

Navê wî Elîmelek bû, navê jina wî Naomî bû, navên kurên wî jî Mahlon û Kîlyon bûn. Ew ji Bêtlehema Cihûdayê, ji binemala Efrat bûn û çûbûn ku li welatê Moavê bijîn.