Peyxam 19:6 - Kurmanji Încîl

⁶ Piştre min dengek wek dengê elaleteke mezin, dengê gelek avê û dengê xurexura ewrên hêzdar bihîst ku digot: «Helêlûya! Çimkî Xudan Xwedayê me, Karîndarê her tiştî, hukumdariyê dike.

Peymana Nû (Încîl)

⁶ Hingê min deng bihîst, çawa dengê eʼlaleteke giran, mîna dengê xule-xula gelek ava û mîna dengê gurʼînîya eʼwraye qayîm ku digotin: «Halêlûya! Çimkî Xudan Xwedêyê meyî Hʼemû Zorayîyê dest bi pʼadşatîyê kir.

Пәймана Ну (Инщил)

⁶ Һьнге мьн дәнг бьһист, чаԝа дәнге әʼлаләтәкә гьран, мина дәнге хӧлә-хӧла гәләк ава у мина дәнге гӧрʼинийа әʼԝрайә ԛайим кӧ дьготьн: «Һалелуйа! Чьмки Хӧдан Хԝәдейе мәйи Һʼәму Зорайийе дәст бь пʼадшатийе кьр.

کتاب مقدس به زبان کردی شیکاکی

⁶ هِنگه مِن دَنگَک بیهیست گو بینا دَنگا جَماعَتَگه مَزِن بو، بینا دَنگا گَلَک آوا، بینا گُرَگُرا بروسگَکه قاوَت، گو دِگُت: «هَلِلویاه! چون گو خاده خدایه مَ، اَو قادره مطلق، سَلطَنَته دِگَت.

Peyxam 19:6 ပူးပေါင်းရင်းမြစ်များ

Eyûb 40:9

Zendê te wekî zendê Xwedê ye? Dengê te dikare wekî dengê wî bike gurmîn?

Zebûr 47:2

Çimkî Xudan, Yê Herî Berz e, tirsdar e, Li ser tevahiya erdê, padîşahê mezin e.

Zebûr 47:7

Çimkî Xwedê padîşahê hemû dinê ye, Bi têgihîştin, bidin pesin!

Zebûr 77:18

Di babelîskê de gurmîna te hat bihîstin, Brûskê dinyayê ronahî kir, Erd lerizî û hejiya.

Zebûr 93:1

Xudan serweriyê dajo, bi rewnaqî rapêçandî, Hêzê li xwe kiriye, bi hêzê rapêçandî. Dinya zexim hatiye avakirin, naleqe.

Zebûr 97:1

Serweriya Xwedê dajo, bila erd şa be, Bila hemû keviyên deryayan şa bin!

Zebûr 97:12

Ey yên rast, bi Xudan şa bin, Pîroziya wî bibîr bînin û spas bikin!

Zebûr 99:1

Xudan serweriya xwe dajo, bila bilerizin gel! Ew li ser Kerûbiyan li text e, Bila bilerize erd.

Îşaya 52:7

Lingên mizgînvanê serê çiyê çiqas xweşik in Ku peyva aştiyê dide bihîstin, Mizgîniya qenciyê tîne Rizgariyê dide bihîstin Û ji Siyonê re dibêje: “Xwedayê te serweriyê dike!”

Yêremya 51:48

Wê gavê wê erd, ezman û her tiştê tê de Li ser Babîlê ji kêfê biqîrin. Çimkî wê xerabkar ji bakur bi ser wê de werin.” Ev e gotina Xudan.

Metta 6:13

Û me nebe ceribandinê, Lê me ji Yê Xerab xilas bike. Çimkî padîşahî, karîn û rûmet her û her ên te ne! Amîn.

Peyxam 1:15

Lingên wî wek wî tûncê xas ê ku di firnê de hatiye sorkirin dibiriqî û dengê wî wek dengê xuşîna aveke boş bû.

Peyxam 1:8

Xudan Xwedê, Yê ku Heye, Yê ku Hebû û Yê ku Wê Bê, Karîndarê her tiştî, dibêje: «Alfa û Omêga Ez im.»

Peyxam 12:10

Hingê min li ezmên dengekî bilind bihîst ku got: «Êdî wextê xilasî, hêz û Padîşahiya Xwedayê me Û desthilatiya Mesîhê wî hat. Çimkî sûcdarkerê birayên me, Yê ku şev û roj wan li ber Xwedayê me sûcdar dike, Hat avêtin xwarê.

Peyxam 14:2

Û min ji ezmên dengekî wek dengê aveke boş û wek dengekî bilind yê xurexura ewran bihîst. Dengê ku min bihîstibû, wek dengê muzîkvanên ku li çengên xwe dixin bû.

Peyxam 19:1

Piştî van tiştan, min li ezmên dengekî bilind bihîst, wek dengê elaleteke mezin bû û digot: «Helêlûya! Xilasî, rûmet û hêz, yên Xwedayê me ne!

Peyxam 19:4

Bîst û çar rihspî û çar afirîdên jîndar deverû çûn ser çokan û perizîn Xwedayê ku li ser text rûniştiye û gotin: «Amîn, Helêlûya.»

Peyxam 21:22

Min di bajêr de Perestgeh nedît; çimkî Xudan Xwedayê karîndarê her tiştî û Berx Perestgeha wî ne.

Peyxam 4:5

Û ji text birûsk, deng û xurexurên ewran derdiketin. Û li ber text heft xetîrên êgir yên pêketî hebûn, ew heft ruhên Xwedê ne.

Peyxam 6:1

Hingê min dît ku Berx yek ji heft moran vekir û min bihîst ku yek ji çar afirîdên jîndar, bi dengekî wek xurexura ewran got: «Were!»

Peyxam 8:5

Piştre milyaket rahişt bixûrdankê û ew ji agirê Gorîgehê dagirt û avêt ser erdê. Xurexura ewran, deng, birûsk û erdhejîn çêbûn.