Peyxam 19:12 - Kurmanji Încîl

¹² Çavên wî wek pêta êgir in û li ser serê wî gelek tac hene. Navekî wî yê nivîsî heye ku ji wî pê ve tu kes nizane.

Peymana Nû (Încîl)

¹² Çʼeʼvêd Wî mîna alava êgir bûn û gelek tʼac li serê Wî bûn. Navek ser Wî nivîsar bû, ku pêştirî Wî tʼu kesî nizanibû.

Пәймана Ну (Инщил)

¹² Чʼәʼвед Ԝи мина алава егьр бун у гәләк тʼащ ль сәре Ԝи бун. Навәк сәр Ԝи ньвисар бу, кӧ пештьри Ԝи тʼӧ кәси ньзаньбу.

کتاب مقدس به زبان کردی شیکاکی

¹² چاوه وی بینا گُریه آگِری نَ و سَر سَره وی گَلَک تاج هَنَ و ناوَگ سَر وی هاتیَ نِویسین گو چه کَس خِنجی وی اَوه فام ناگَت.

Peyxam 19:12 ပူးပေါင်းရင်းမြစ်များ

Destpêk 32:29

Aqûb jê re got: “Ji kerema xwe navê xwe ji min re bêje.” Wî got: “Tu çima li navê min dipirsî?” Rabû Aqûb li wir pîroz kir.

Zebûr 8:5

Te ew piçekê ji xwe kêmtir afirand, Bi taca berzî û rûmetê xemiland.

Derketin 23:21

Bila bala te li ser wî be û guhê xwe bide dengê wî. Tê li dijî wî dernekevî. Wê serhildana te nebexişîne, çimkî navê min li ser wî ye.

Methelokên 30:4

Kî çû ezmanan û dîsa berjêr hat? Kê bayê di kulma xwe de civand? Kê av bi xiftanekî pêça? Kê tevahiya binê dinyayê danî? Navê wî çi ye? Navê kurê wî çi ye? Gelo tu zanî?

Helbesta Helbestan 3:11

Ya keçên Siyonê, derkevin! Silêmanê padîşah bi taca wî bibînin! Ew taca ku di roja daweta wî de, Di roja şahiya dilê wî de Diya wî, danî serê wî.

Îşaya 62:3

Tê di destê Xudan de bibî taca xweş, Di destê Xwedayê te de bibî tacegula padîşahiyê.

Îşaya 9:6

Çimkî wê zarokek ji me re çêbe, Wê kurek ji me re bê dayîn. Wê serwerî li ser milê wî be. Wê navê wî Şêwirmendê Nûwazekar, Xwedayê Karîndar, Bavê Herheyiyê, Mîrê Aştiyê be.

Daniyêl 10:6

Bedena wî wekî fîrûze bû. Rûyê wî wekî brûskê dibiriqî û çavên wî wekî xetîreyên bi pêt bûn. Milên wî û lingên wî wekî tûncê celandî dibiriqîn, dengvedana dengê wî wekî dengvedana dengê komekê bû.

Zekeriya 9:16

Wê rojê, wê Xwedayê wan Xudan Wekî pêz gelê xwe rizgar bike. Wekî kevirên tacekê, Wê li ser welatê wî bibiriqin.

Metta 11:27

«Her tişt ji aliyê Bavê min ve ji min re hat dayîn. Ji bilî Bav tu kes Kur nas nake û ji bilî Kur û yên ku Kur dixwaze Bav bi wan bide eşkerekirin, tu kes jî Bav nas nake.

Metta 21:5

«Ji keç û kurên Siyonê re bêjin: ‹Va ye, Padîşahê te Bi nefsbiçûkî li kerê siwarbûyî, Li dehşikê, yanî li dehşikê kerê siwarbûyî tê ba te.› »

Metta 28:18

Hingê Îsa nêzîkî wan bû û ji wan re got: «Li erdê û li ezmên hemû desthilatî ji min re hatiye dayîn.

Lûqa 10:22

Her tişt ji aliyê Bavê min ve ji min re hatiye dayîn. Ji Bav pê ve kesek nizane Kur kî ye û ji bilî Kur û yê ku Kur bixwaze bi wî bide eşkerekirin, kesek nizane, Bav kî ye.»

Yûhenna 17:11

Êdî ez ne li dinyayê me, lê ew li dinyayê ne; niha ez têm ba te. Ya Bavê Pîroz! Bi navê xwe yê ku te da min, wan biparêze, da ku ew jî wek me bibin yek.

Yûhenna 17:12

Dema ku ez bi wan re bûm, bi navê te yê ku te dabû min, ez li wan bûm xweyî. Min ew parastin û tu kes ji wan winda nebû, ji bilî kurê helakê, da ku Nivîsara Pîroz bê cih.

Efesî 1:21

Xwedê, Mesîh ne tenê di vê dinyayê de, lê di dinya ku bê de jî derxist ser her serwerî, desthilatî, hêz û xudantiyê û derxist ser her navê ku tê bîranîn.

Îbranî 2:9

Lê em Îsayê ku ji ber cefayê mirinê taca rûmet û siyanetê wergirtiye, dibînin. Ew ji bo demekê ji milyaketan hat nizimtir kirin, da ku bi kerema Xwedê ji bo her kesî mirinê tam bike.

Peyxam 1:14

Porê serê wî spî bû, wek livaya spî, mîna berfê bû. Û çavên wî wek pêta êgir bûn.

Peyxam 12:3

Nîşaneke din jî li ezmên xuya bû. Va ye, ejderekî sor ê mezin ku heft serî û deh strûhên wî hebûn û li ser serên wî heft tac hebûn.

Peyxam 13:1

Piştre min cenawirekî ku ji deryayê derdiket dît. Deh strûhên wî û heft serên wî hebûn û li ser strûhên wî deh tac û li ser serên wî navên çêran hebûn.

Peyxam 19:16

Li ser cilê wî û li ser kemaxa wî navekî nivîsî heye: PADÎŞAHÊ PADÎŞAHAN Û XUDANÊ XUDANAN.

Peyxam 3:12

Ewê ku bi ser dikeve ezê wî di Perestgeha Xwedayê xwe de bikim stûn û ew êdî tu caran dernakeve derve. Ezê navê Xwedayê xwe, navê bajarê Xwedayê xwe, navê Orşelîma nû ya ku ji Xwedayê min, ji ezmên tê xwarê û navê xwe yê nû li ser wî binivîsim.

Peyxam 6:2

Û min dît, va ye, hespekî boz xuya bû û di destê siwarê wî de kevanek hebû. Tacek ji wî re hat dayîn û ew bi serketin derket, da ku bi ser keve.

Dadger 13:18

Lê milyaketê Xudan got: “Ji bo çi tu li navê min dipirsî? Navê min pir balaberz e.”