Nehemya 9:27 - Kurmanji Încîl

²⁷ Loma te ew dan destê dijminên wan, wan ew tengezar kirin. Di dema tengasiyên xwe de ji te re kir hewar, te ji ezmanan bihîst. Li gorî rehma xwe ya mezin, te xilaskar dan wan, wan jî ew ji destên dijminên wan rizgar kirin.

Nehemya 9:27 ပူးပေါင်းရင်းမြစ်များ

Padîşah II, 13:5

Xudan rizgarkarek da Îsraêlê. Ew ji bin destê Aramê derket û kurên Îsraêliyan wekî berê di konên xwe de rûniştin.

Padîşah II, 14:27

Xudan nexwest navê Îsraêlê ji ser rûyê erdê rake. Wî ew bi destê Yarovamê kurê Yehoaş rizgar kir.

Padîşah II, 17:20

Xudan tevahiya ziriyeta Îsraêl red kir. Heta ku ji hizûra xwe bavêje, ew ceza kir û da destê talankaran.

Padîşah II, 17:39

Tenê biperizin Xwedayê xwe Xudan. Wê we ji destê tevahiya dijminan rizgar bike.”

Nehemya 9:19

te bi rehma xwe ya mezin ew li beriyê nehiştin. Stûna ewran a ku bi rojê rê dida û stûna êgir ya ku bi şevê riya wan ronî dikir, ew bi tenê nehiştin.

Zebûr 136:24

Û me ji dijminên me rizgar dike; Kerema wî her û her e!

Lêwiyî 26:17

Ezê bi hêrs berê xwe bidim we ku dijminên we, we têk bibin. Kesên ku ji we nefret dikin wê li ser serê we bibin serwer. Kesek li pey we nekeve jî hûnê birevin.

Ovadya 1:21

Wê rizgarkarên gel herin Çiyayê Siyonê Ku serweriya çiyayên Esaw bikin Û padîşahî bibe ya Xudan.

Dadger 2:18

Gava Xudan ji bo wan dadgerek derdixist, Xudan pê re bû û wî dadgerî di hemû rojên xwe de ew ji destê dijminê wan rizgar dikir. Çimkî Xudan ji ber nalîna wan a ku zordaran tengasî dida wan, li ber wan diket.