Nehemya 9:13 - Kurmanji Încîl

¹³ “Tu daketî ser Çiyayê Sînayê û bi wan re ji ezmanan peyivî. Te rê û rêbazên dirust û Şerîeta rast, qanûn û emrên qenc dane wan.

Nehemya 9:13 ပူးပေါင်းရင်းမြစ်များ

Padîşah II, 17:37

Hûnê herdem li qanûn, rêbaz, şerîet û emrên ku ji bo we nivîsandiye miqate bin ku wan pêk bînin. Hûnê neperizin îlahan.

Ezra 7:6

Ev Ezra ji Babîlê çû. Ezra, nivîsendeyekî ku Şerîeta Mûsa ya Xwedayê Îsraêl Xudan dabû, baş zanibû. Ji ber ku destê Xwedayê wî Xudan li ser wî bû, padîşah her tiştê ku wî xwest da wî.

Zebûr 119:137

Tu dadperwer î, ya Xudan, Û dadbariyên te rast in.

Zebûr 119:160

Bingeha peyvên te rastî ne, Her dadbariya te ya dadperwer, dimîne her û her.

Zebûr 119:4

Şertên ku te danîn, Divê serî li ber wan bê danîn.

Derketin 16:23

Mûsa ji wan re got: “Ya ku Xudan emir dike ev e: ‘Sibê roja bêhnvedanê ye. Roja Septê ji bo Xudan pîroz e. Ya ku hûnê bipêjin, bipêjin, ya ku hûnê bikelînin, bikelînin. Ya mayî deynin aliyekî, bila bimîne sibê.’”

Derketin 19:11

Bila ew ji bo roja sisêyan amade bin. Çimkî ezê wê rojê li ber çavê hemûyan dakevim Çiyayê Sînayê.

Derketin 20:1

Xwedê tevahiya van tiştan got:

Derketin 20:22

Xudan ji Mûsa re got: “Tê ji gelê Îsraêl re wiha bibêjî: ‘We dît ku ez ji ezmanan bi we re peyivîm.

Îşaya 64:1

Xwezî te ezmanan biqelaşta û tu berjêrî xwarê bibûyayî, Xwezî çiya li ber hizûra te bileriziyana!

Îşaya 64:3

Gava te karên tirsehêz kirin ku em ne li bendê bûn, Gava tu berjêr bûyî, çiya li ber hizûra te lerizîn.

Habaqûq 3:3

Xwedê ji Têmanê, Xwedayê Pîroz ji Çiyayê Paranê hat. Sela Rewnaqiya wî ezmanan rapêçaye, Erd bi pesindana wî tije bû.

Romayî 7:16

Lê eger tiştê ku ez naxwazim ez dikim, ez erê dikim ku Şerîet qenc e.

Dubarekirina Şerîetê 33:2

û got: “Xudan ji Çiyayê Sînayê hat, Ji Çiyayê Seîrê li ser gelê xwe hilat. Ew li Çiyayê Paranê biriqî, Ew bi deh hezar pîrozan re hat, Di destê wî yê rastê de pêtên êgir hebûn.

Dubarekirina Şerîetê 4:33

Ma tu miletekî wekî we heye ku dengê Xwedê ji nav êgir bihîstiye û dijî?

Dubarekirina Şerîetê 4:36

Wî ji ezmanan dengê xwe bi we da bihîstin ku we terbiye bike. Wî li rûyê erdê agirê xwe yê mezin nîşanî we da û we ji nav êgir peyvên wî bihîstin.

Dubarekirina Şerîetê 4:8

Qanûn û rêbazên kîjan miletê mezin hene ku wekî vê şerîeta ez îro datînim ber we?

Dubarekirina Şerîetê 5:4

Xudan li çiyê ji nav êgir rû bi rû bi we re peyivî.