Nehemya 6:14 - Kurmanji Încîl

¹⁴ “Ya Xwedayê min! Toviya, Sanballat, Noedyaya Pêxember û pêxemberên din ên dixwazin min bitirsînin, li gorî van karên wan bi bîr bîne.”

Nehemya 6:14 ပူးပေါင်းရင်းမြစ်များ

Nehemya 13:29

Ya Xwedayê min wan bi bîr bîne. Wan kahintî tevî peymana kahin û Lêwiyiyan mirdar kirin.

Nehemya 5:19

Ya Xwedayê min! Her tiştê min di riya vî gelî de kiriye, ji bo min bi qencî bi bîr bîne.

Zebûr 137:7

Ya Xudan, li hember kurên Edom, Tu roja Orşelîmê bibîr bîne, ku digotin, «Hilweşînin, wê derê heta bingeha wê hilweşînin!»

Zebûr 22:1

Xwedayê min, Xwedayê min, te çima ez berdam? Çima tu dûr î, Ji rizgarkirina min, ji nalînên gotina min?

Zebûr 63:1

Ey Xwedê, tu yî Xwedayê min, Ez li te digerim, Canê min tiyî te bûye, Li diyarekî çol, westa û bêav, Bedena min bêriya te dike.

Derketin 15:20

Xwişka Harûn, Mîryama Pêxember def da destê xwe û hemû jin bi reqs û bi defan li pey wê çûn.

Yêremya 14:15

Loma Xudan li ser pêxemberên ku bi navê wî diaxivin lê wî ew neşandine, wiha dibêje: “Ew dibêjin: ‘Wê li vî welatî şûr û xela tunebe.’ Lê wê bi şûr û xelayê tune bibin.

Yêremya 14:18

Ez herim zeviyê, ezê kesên bi şûr hatine kuştin, Ez herim bajêr, ezê kesên ji ber xelayê nexweş in bibînim. Çimkî pêxember jî, kahin jî, Li seranserê welêt digerin lê tiştekî nizanin.’”

Yêremya 28:1

Wê salê, di destpêka padîşahiya Sîdqiyayê Padîşahê Cihûdayê de, di meha pêncan a sala çaran de, Hananyayê Pêxember ê kurê Ezzûrê Gîvonî, li Mala Xudan, li ber kahin û tevahiya gel ji min re got:

Yêremya 28:10

Li ser vê yekê Hananyayê Pêxember nîr ji stûyê Yêremyayê Pêxember derxist û şikand.

Yêremya 28:15

Yêremyayê Pêxember ji Hananyayê Pêxember re got: “Hananyayo, guh bide min! Xudan tu neşandî û te kir ku ev gel xwe bispêre derewan.

Metta 24:11

Û gelek pêxemberên derewîn wê derkevin û gelekan bixapînin.

Metta 24:24

Çimkî mesîhên derewîn û pêxemberên derewîn wê derkevin, wê nîşan û karên mezin çêkin, wisa ku eger bibe, ewê bijartiyan jî bixapînin.

Metta 7:15

«Hay ji pêxemberên derewîn hebin. Ew di postê miyan de tên ba we, lê di hundir de ew gurên har in.

Tîmotʼêyo II 3:8

Çawa Yanîs û Yambrîs li ber Mûsa rabûn, wisa jî ev mirov li dijî rastiyê radiwestin. Fikrên van mirovên ha xera bûne û di baweriyê de hatine redkirin.

یوحنا 1 5:16

Eger yek bibîne ku birayê wî gunehekî ku mirinê nayne dike, bila ji Xwedê bixwaze û ewê jiyanê bide wî yê ku gunehê ku mirinê nayne kiriye. Gunehê ku mirinê tîne heye; ez nabêjim bila ji bo gunehekî weha dua bike.

Peyxam 19:20

Û cenawir û pêxemberê derewîn bi wî re, bi hêsîrtî hatin girtin. Pêxemberê derewîn ew bû ku li ber cenawir nîşanên mezin dikirin û bi wan nîşanan ew ên ku deqa cenawir distandin û ji sûretê wî re diçûn ser çokan, dixapandin. Ev herduyên ha sax hatin avêtin nav gola êgir a ku bi kewkurtê dişewite.