Nehemya 4:14 - Kurmanji Încîl

¹⁴ Piştre min li van tiştan nihêrî, rabûm û min ji pêşeng, peywirdar û gel re got: “Ji wan netirsin! Rebê mezin û biheybet bi bîr bînin û ji bo bira, kur, keç, jin û malên xwe şer bikin.”

Nehemya 4:14 ပူးပေါင်းရင်းမြစ်များ

Samûêl II, 10:12

Hêzdar bin! Ji bo xatirê bajarên gelê xwe û Xwedayê xwe, divê em wêrek bin! Bila Xudan bi ya xwe bike.”

Nehemya 1:5

Min digot: “Ya Xwedayê Ezmanan Xudan! Ya Xwedayê mezin û biheybet ê ku tu bi kesên ji te hez dikin û emrên te pêk tînin re bi dilsozî peymanê pêk tînî.

Eyûb 37:22

Biriqîna zêr ji bakur tê, Rewnaqiya bi heybet li ser Xwedê ye.

Zebûr 143:5

Ez rojên borî bibîr tînim, Bi kûrî li ser hemû karên te difikirim, Ez li karên destê te difikirim û ji xwe diçim.

Zebûr 20:7

Hin bi erebên xwe yên şer, Hin bi hespên xwe pesnê xwe didin. Belê em navê Xudan Xwedayê xwe hildidin.

Zebûr 27:1

Ronahî û rizgariya min e Xudan, Ez natirsim ji tu kesan. Hêza jiyana min e Xudan, Bo çi ezê bitirsim ji hinan?

Zebûr 46:11

Xudanê ordiyan bi me re ye, Xwedayê Aqûb birca me ye.

Zebûr 65:5

Ey tu, Xwedayê rizgariya me, Di dadperweriyê de, Bi karên tirsdar didî bersîva me. Ey tu, yê li çaraliyên dinyayê, Hêviya wan ên dûr ên li ser deryayê;

Zebûr 66:3

Ji Xwedê re bêjin, «Karên te çiqas mezin in! Ji ber hêzdarî û mezinbûna te, Wê serî li ber te deynin, dijminên te.

Zebûr 66:5

Werin, karên Xwedê bibînin! Çi karên mezin kir li nav mirovan.

Derketin 14:14

Wê Xudan ji bo we şer bike, xema nexwin.”

Derketin 14:25

Wî tekelên erebeyan deranîn ku wan bi zehmetî ew ajotin. Misriyan got: “Em ji ber gelê Îsraêl birevin, çimkî Xudan ji bo wan li dijî me şer dike.”

Waiz 12:1

Hê ku rojên xerab nehatine Û salên ku tê bêjî: “Ez ji wan zewqê nastînim” nêzîk nebûne,

Daniyêl 11:32

Wê Padîşahê Bakur, kesên ku peyman xera kirine bi şelafî û hîlekarî bikişîne aliyê xwe, lê gelê ku Xwedayê xwe nas dike wê bi mêrxasî li dijî wî derkeve.

Zekeriya 14:3

Paşê wê Xudan, çawa ku di roja şer de dikir, wê rabe li dijî van miletan şer bike.

Hejmartin 14:9

Tenê li dijî Xudan ranebin û ji gelê welêt netirsin. Çimkî emê wan wekî pariyek nan bixwin û biqedînin. Siya ku wan xwe spartiye rabûye û Xudan bi me re ye. Ji wan netirsin.”

Metta 10:28

Ji wan ên ku bedenê dikujin, lê nikarin can bikujin netirsin. Hê bêtir ji wî bitirsin ê ku dikare hem can û hem bedenê di dojehê de helak bike.

Dubarekirina Şerîetê 1:21

Va ye Xwedayê we Xudan welat da we. De rabin! Çawa ku Xwedayê bavkalên we Xudan ji we re gotiye, wî ji xwe re bikin milk. Netirsin û neşikên.’

Dubarekirina Şerîetê 10:17

Çimkî Xwedayê we Xudan, Xwedayê Herî Mezin, Rebê Reban, Xwedayê mezin, hêzdar û biheybet e. Ew meyla kesî nagire, bertîlê nastîne,

Îbranî 13:6

Wisa ku em bi ewlehî bêjin: «Xudan alîkarê min e, Ez natirsim. Mirov wê çi bi min bike?»

Yêşû 1:9

Ma min ji te re negot hêzdar û wêrek be? Netirse û neşikê. Çimkî li her dera ku tu bimeşî, Xwedayê te Xudan bi te re ye.”

Dadger 3:27

Çaxê hat, li herêma çiyayî ya Efrayîmê li boriyê xist. Gelê Îsraêl pê re ji herêma çiyayî daket, Êhûd jî da pêşiya wan.