Nehemya 2:17 - Kurmanji Încîl

¹⁷ Min ji wan re got: “Hûn rewşa xerab a ku em tê de ne dibînin. Orşelîm wêran e û dergehên wê hatine şewitandin. Werin, em sûrên Orşelîmê ji nû ve ava bikin û ji nava vê riswatiyê derkevin.”

Nehemya 2:17 ပူးပေါင်းရင်းမြစ်များ

Ezra 9:9

Çimkî em kole ne, lê Xwedayê me em di koletiya me de nehiştin. Li ber padîşahên Parsê wî dilovaniya xwe bi me kir. Wî debara me kir ku em Mala Xwedayê me ava bikin. Wî wêraneyên wê ji nû ve çêkirin û li Cihûda û Orşelîmê dîwarekî da me.

Nehemya 1:3

Ji min re got: “Rewşa kesên li vê herêmê ku ji sirgûnê sax mane, pir xerab e û di nava riswatiyê de ne. Sûrên Orşelîmê hatine hilweşandin û dergehên wê jî hatine şewitandin.”

Nehemya 2:13

Bi şev di Dergehê Newalê re, ber bi Kaniya Ejderhayê û Dergehê Zibil re çûm. Min çavdêriya sûrên Orşelîmê yên hilweşiyayî û dergehên şewitî kir.

Nehemya 2:16

Peywirdar nizanibûn ez çûme ku derê û ez çi dikim. Min ji Cihû, kahin, pêşeng, serek û kesên din ên kar dikin re behsa tiştekî nekiribû.

Nehemya 3:15

Şallûnê kurê Kol-Hozeyê serekê bajarê Mîspayê, Dergehê Kaniyê ji nû ve ava kir. Serê wî nixumand û bask, zirze û destikên deriyan pê ve kirin. Herwiha wî dîwarê Hewza Şelahê ya li ber bexçeyê padîşah, heta bi derenceyên ku xwe ji Bajarê Dawid berdidin, ji nû ve ava kir.

Zebûr 102:15

Netew ji navê Xudan, Hemû padîşahên dinê ji rewnaqiya te ditirsin.

Zebûr 44:13

Te em kirin rûreşên cîranan, Tinaz û pêkeniya, yên der û dora me.

Zebûr 44:14

Te em kirin zimanê miletan, Xelq dikenin bi halê me tevan.

Zebûr 79:12

Tu tinazkirina cîranên me yên ku bi te tinaz kirin, Heft qat li wan vegerîne ya Reb!

Zebûr 79:4

Li pêş cîranên xwe em rûreş bûn, Em bûn pêkenî û şahiya yên der û dora xwe.

Yêremya 24:9

Ezê wan di çavê hemû padîşahiyên dinyayê de bikim mijara saw û şermê. Wê li her cihê ku min ew sirgûn kirin, bibin mijar û meseloka tinazkirinê û naletkirinê.

Lavijên Şînê 2:2

Reb hemû warên Aqûb daqurtandin Û li ber wan neket. Wî kelehên keça Cihûdayê bi xezeba xwe hilweşandin. Wî hem padîşahiyê hem jî serekên wê Daxistin jêr û kirêt kirin.

Lavijên Şînê 3:51

Ji ber rewşa hemû keçên bajarê min, Jana çavê min avêt canê min.

Mîxa 7:11

Roj tê ku wê sûrên te bên avakirin, Wê rojê wê sînorên te gelek berfireh bibin.

Samûêl I, 11:2

Nahaşê Emmonî got: “Ezê bi şertekî bi we re peymana çêkim. Ji bo ku tevahiya gelê Îsraêl nizim bikim, ezê çavê we yê rastê derxim.”