Nehemya 13:25 - Kurmanji Încîl

²⁵ Min bi qirika wan girt û naletê li wan anî. Min li hinekan xist û porê wan anî xwarê. Li ser heqê Xwedê min sond bi wan da xwarin û ji wan re got: “Hûnê keçên xwe nedin kurên wan. Ji kurên xwe û ji xwe re keçên wan jî neyînin.

Nehemya 13:25 ပူးပေါင်းရင်းမြစ်များ

Padîşah II, 2:24

Êlîşa li paş xwe zivirî, wî ew dîtin û bi navê Xudan nifir li wan kir. Li ser vê yekê du hirçên mê ji daristanê derketin û ji wan çil û du kes dirandin.

Ezra 10:5

Ezra rabû û serekên kahinan ên Lêwiyî û tevahiya Îsraêl da sondê ku li gorî vê yekê bikin. Wan jî sond xwar.

Ezra 7:26

Divê her kesê Şerîeta Xwedayê te û fermanên padîşah bêqisûr pêk neyîne, çi mirin be, çi sirgûnkirin be, çi standina mal be, çi jî girtin be, bê kirin.”

Nehemya 13:11

Min bi qirika peywirdaran girt û got: “Çima dev ji Mala Xwedê hatiye berdan?” Min careke din ew dan hev û danîn cihê wan.

Nehemya 13:17

Ez ketim qirika pêşengên Cihûdayê û min got: “Ev karê we yê xerab çi ye ku we Roja Septê mirdar kir?

Nehemya 13:24

Nîvê zarokên wan bi zimanê Aşdodiyan dipeyivî. Wan zimanê Cihûdayiyan nizanibû lê bi zimanê gelên din diaxivîn.

Nehemya 5:13

Min dawa xwe weşand û got: “Her kesê ku vê sozê neyîne cih, bila Xwedê wî jî wisa daweşîne û bavêje, mal û milkê wî jî, ji destê wî bistîne.” Tevahiya civakê got: “Amîn” û pesnê Xudan da. Bi vî awayî gel li gorî vê sozê kir.

Nehemya 5:6

Gava min ev hewar û gazin bihîstin, ez gelek hêrs bûm.

Zebûr 119:53

Ji ber yên ku dev ji şerîeta te berdan, Hêrsê ez girtime.

Zebûr 15:4

Ew ku, zilamên rezîl kêm dibînin, Belê yên ku ji Xudan ditirsin dihesibînin. Bi xesara xwe sond xwaribe jî, venagere ji sondê.

Derketin 34:16

Tê keçên wan ji kurên xwe re neyînî. Çimkî gava keçên wan biperizin pûtên xwe, wê bikin ku kurên te bêbextî bikin û bi wan re biperizin pûtên wan.

Methelokên 28:4

Kesên dev ji şerîetê berdidin, pesnê mirovên xerab didin, Lê kesên şerîetê pêk tînin, li dijî wan derdikevin.

Îşaya 50:6

Min pişta xwe da kesên ku li min xistin. Min rûçikê xwe da ber kesên ku rih kişandin, Min rûyê xwe ji şermê û tûkirinê veneşart.

Dubarekirina Şerîetê 6:13

“Hûnê ji Xwedayê xwe Xudan bitirsin, tenê xulamiya wî bikin û tenê bi navê wî sond bixwin.

Dubarekirina Şerîetê 7:3

Hûnê bi wan re merivatiyê jî nekin. Keçên xwe nedin kurên wan û keçên wan ji kurên xwe re neyînin.

Yêşû 23:12

Heke hûn pişta xwe bidin wî, bi van miletên di nav we de dimînin re bibin yek, bi wan re merivatiyê bikin, ew tev li we bibin û hûn tev li wan bibin,