Nehemya 1:11 - Kurmanji Încîl

¹¹ Ya Reb! Guhdariya duaya xulamê xwe û duaya xulamên xwe yên ku ji tirsa navê te dilşa dibin, bike. Îro karê xulamê xwe bi ser bixe û bike ku padîşah pêşniyara min qebûl bike.” Wê çaxî ez meygerê padîşah bûm.

Nehemya 1:11 ပူးပေါင်းရင်းမြစ်များ

Destpêk 24:42

“Îro gava ez hatim ser bîrê min got: ‘Ya Xudan, Xwedayê malxweyê min Îbrahîm, ez lava dikim ku tu riya min li ber min vekî.

Destpêk 32:11

Ji kerema xwe min ji destê birayê min Esaw biparêze. Çimkî ditirsim ew were û êrîşî min, zarokan û dayikên wan bike.

Destpêk 32:28

Zilêm got: “Êdî wê ji te re Aqûb neyê gotin, lê wê Îsraêl bê gotin. Çimkî te bi Xwedê û bi mirovan re rikeberî kir û tu bi ser ketî.”

Destpêk 40:1

Piştî demekê meyger û nanpêjê Padîşahê Misrê li dijî malxweyê xwe şaşî kir.

Destpêk 40:2

Firewn li herdu peywirdarên xwe hêrs bû ku ew sermeyger û sernanpêjê wî bûn.

Destpêk 40:21

Sermeyger vegeriya ser karê xwe. Careke din wî tas da destê Firewn.

Destpêk 40:23

Lê sermeyger Ûsiv neanî bîra xwe û ew ji bîr kir.

Destpêk 41:9

Sermeyger ji Firewn re got: “Îro sûcê min tê bîra min.

Destpêk 43:14

Bila Xwedayê Karîndar li pêş wî mirovî li we were rehmê û ew zilam birayê we yê din û Binyamîn bide we. Herçî ez im, bê zarok bimînim jî ne xem e.”

Ezra 1:1

Di yeksaliya padîşahiya Koreşê Padîşahê Parsê de ji bo peyva xwe ya bi riya Yêremya gotiye bi cih bîne, Xudan ruhê Koreşê Padîşahê Parsê hişyar kir. Koreş ji tevahiya gelên di bin desthilatdariya wî de ne, ev nivîs daye xwendin:

Ezra 7:6

Ev Ezra ji Babîlê çû. Ezra, nivîsendeyekî ku Şerîeta Mûsa ya Xwedayê Îsraêl Xudan dabû, baş zanibû. Ji ber ku destê Xwedayê wî Xudan li ser wî bû, padîşah her tiştê ku wî xwest da wî.

Nehemya 1:6

Guhdar be! Çavê xwe veke! Duaya vî xulamê xwe bibihîze ku ez îro, bi şev û roj li hizûra te ji bo Îsraêliyên xulamên te dikim. Ez li gunehên gelê Îsraêl, li gunehên ku me li dijî te kirine mikur hatim. Min jî, bav û kalên min jî guneh kiriye.

Nehemya 2:1

Di meha Nîsanê de ku bîst saliya Artahşastayê Padîşah e, her gava şerab li pêş wî bû, min şerab hilda û da padîşah. Li hizûra wî qet xemgîn nebûm.

Nehemya 2:8

Herwiha bila nameyek ji Asafê nobedarê daristana padîşah re jî bê nivîsandin. Bila ew daran bidin min ku kêranên ji bo dergehên birca li ba Malê, sûrên bajêr û xaniyê ku ezê lê bimînim bên çêkirin.” Ji bo ku destê Xwedayê min ê qenc li ser min bû, padîşah daxwaza min qebûl kir.

Zebûr 106:46

Wî kir ku, yên ew dîl girtine, Dilovan bin li hember wan.

Zebûr 130:2

Tu dengê min bibihîze, ya Reb! Tu baş goh bide hawara min!

Zebûr 61:5

Ey Xwedê, te sozdanên min bihîst, Mîrasa yên ku ji navê te ditirsin, te da min.

Zebûr 86:6

Goh bide dua min ya Xudan, Bibihîze lavakirina min!

Methelokên 1:29

Çimkî wan ji zanînê nefret kir Û tirsa Xudan hilnebijart.

Methelokên 21:1

Dilê padîşah coya avê ye ku di destê Xudan de ye, Bi ku ve bixwaze, dişîne wê derê.

Yêremya 42:12

Ezê li we bêm rehmê ku ew li we bê rehmê û we vegerîne ser axa we.’

Melaxî 3:16

Li ser vê yekê kesên ji Xudan ditirsiyan bi hev re axivîn. Xudan bihîst û guhdarî kir. Ji bo kesên ji Xudan ditirsin û qedrê navê wî digirin, li ber wî nivîseke bîranînê hate nivîsandin.

Îbranî 13:18

Ji bo me dua bikin. Em piştrast in ku wijdana me paqij e û em dixwazin di her tiştî de bi awayekî rast rêve herin.