Nahûm 1:7 - Kurmanji Încîl

⁷ Xudan qenc e, Di roja teng de sitargeh e, Kesên xwe dispêrinê, diparêze.

Nahûm 1:7 ပူးပေါင်းရင်းမြစ်များ

Dîrok I, 16:34

Şikir bikin ji Xudan re çimkî ew qenc e. Dilovaniya wî her û her e.

Dîrok I, 5:20

Gava şer dikir, alîkarî dît. Xwedê Hacerî û hemû kesên bi wan re dan destê wan. Ji ber ku bi Xwedê ewle bûn, di dema şer de ji Xwedê re hewar kir û wî bersiv da.

Ezra 3:11

Paşê wan bi dorê ev strana pesin û şikirdariyê ji bo Xudan got: “Çimkî ew qenc e, Dilovaniya wî her û her e.” Gava wan pesnê Xudan da, herkes qîriya. Çimkî hîmê Mala Xudan dihat avêtin.

Zebûr 1:6

Çimkî Xudan riya qencan dizane, Belê riya xeraban neman e.

Zebûr 100:5

Çimkî qenc e Xudan, Heskirina wî her û her e. Dilsoziya wî herdem dajo.

Zebûr 20:1

Di roja teng de, bila Xudan bide bersîva te Bila navê Xwedayê Aqûb te bilind bike.

Zebûr 25:8

Rast û qenc e Xudan, Ji ber vê yekê rê nîşan dide li ber gunehkaran.

Zebûr 27:5

Çimkî di roja şer de ewê min veşêre li holika xwe, Wê bi nixamtina konê xwe min veşêre, Û min bilind bike li ser zinar.

Zebûr 37:39

Xelasiya rastan tê ji Xudan, Ew birca wan e dema tengahiyan.

Zebûr 37:40

Xudan ji wan re dibe alîkar, rizgariya wan tîne, Ji destê xeraban xelas dike, azadiya wan tîne, Çimkî wan xwe li wî spartine.

Zebûr 46:2

Ji ber vê yekê, dinya serobino bibe, Çiya biqelibin himêza deryayan,

Zebûr 50:15

Di roja xwe ya teng de gazî min bike, Ezê te rizgar bikim, tê rûmetê bidî min.

Zebûr 59:16

Herçî ez im, ezê ji hêza te re lavijan bêjim, Serê siban, kerema te bînim ziman. Çimkî tu yî birca min a bilind, Di roja teng de bûyî stara min.

Zebûr 71:3

Tu bibe zinarê min ê starê, Da ku ez hergav bêm te; Te emir da ji bo rizgarkirina min, Çimkî tu yî zinar û kela min.

Zebûr 86:7

Di roja teng de ez bangî te dikim, Çimkî, tu didî bersîva min.

Zebûr 9:10

Yên bi te dizanin ji te ewle ne, Çimkî yên ku berê xwe dan te, te neterikand ya Xudan.

Zebûr 91:15

Ewê bangî min bike, ezê wî bibersivînim, Di tengahiyê de li ba wî bimînim, Ezê wî azad kim, berziyê jê re bînim.

Methelokên 18:10

Navê Xudan birceke hêzdar e, Kesê rast dibeze navê û jê re sitar e.

Îşaya 25:4

Çimkî tu bûyî keleha belengazan, Keleha hejarên tengasiyê dikişîne. Gava hilma zilamên zordar Wekî taviya li dîwar dixe rabû, Tu li dijî taviyê bûyî sitargeh, Li dijî germê bûyî sî.

Îşaya 32:2

Wê her yekî ji wan Wekî dereke mirov xwe ji bayê vedişêre, Wekî sitara taviyê, Wekî coyên avê yên dera ziwa, Wekî siya zinarê bilind Li dera westayiyan be.

Îşaya 50:10

Kî di nav we de ji Xudan ditirse Û guhdariya dengê xulamê wî dike? Kesê ku di tariyê de diçe û ronahiya wî tuneye, Bila bi navê Xudan ewle be û xwe bispêre Xudan.

Yêremya 16:19

“Ya Xudan! Tu hêz û keleha min î, Di roja teng de cihê reva min î! Wê milet ji binê dinyayê, Werin ba te û bêjin: ‘Bav û kalên me tenê derew, tiştên pûç, Pûtên bi kêrî wan nehatin, mîras standin.’

Yêremya 17:17

Ji min re nebe saw, Di roja belayê de sitargeha min tu yî.

Yêremya 24:5

“Xwedayê Îsraêl Xudan wiha dibêje: ‘Wekî van hejîrên baş, ezê sirgûniyên Cihûdayî yên ku min ji vir şandine welatê Kildaniyan baş bihesibînim.

Yêremya 33:11

wê dengê kêf û şahiyê, dengê bûk û zavê were. “‘Ji Xudanê Karîndar re şikir bikin, Çimkî Xudan qenc e. Dilovaniya wî her û her e. Çimkî ezê welêt vegerînim firehiya berê’” dibêje Xudan.

Lavijên Şînê 3:25

Xudan ji bo hêvîdarên xwe Ji canên lê digerin re qenc e.

Daniyêl 3:28

Li ser vê yekê Nebûxadnessar got: “Pesin ji Xwedayê Şadrak, Mêşak û Eved-Nego re! Wî milyaketê xwe şand û xulamên xwe yên ku pê ewle ne rizgar kir. Ew li dijî emrê min rabûn û canê xwe avêt xeterê ku ji Xwedayê xwe pê ve xulamiya îlahekî nekin û neperizin.

Daniyêl 6:23

Padîşah gelek şa bû û emir kir ku Daniyêl ji çala şêran derînin. Daniyêl ji çalê derxistin, tu birînek di canê wî de tunebû. Çimkî wî xwe spartibû Xwedayê xwe.

Yoêl 3:16

Wê Xudan ji Siyonê bike himîn. Wê dengê wî ji Orşelîmê gazî bike Û erd û ezman bihejin. Lê wê Xudan ji bo gelê xwe, sitargeh, Ji bo Îsraêliyan bibe keleh.

Sefanya 3:12

Lê ezê di nav te de Gelekî belengaz û nefsbiçûk bihêlim Û wê xwe bispêrin navê Xudan.

Metta 27:43

Ew xwe dispêre Xwedê. Eger Xwedê ji wî hez bike, bila niha wî xilas bike. Çimkî wî got: ‹Ez Kurê Xwedê me.›»

Metta 7:23

Hingê ezê bi eşkereyî ji wan re bêjim: ‹Min hûn qet nas nekirin! Ji min dûr kevin, hûn ên ku neheqiyê dikin!›

Yûhenna 10:14

Ez şivanê qenc im. Ez ên xwe nas dikim û yên min jî min nas dikin,

Yûhenna 10:27

Miyên min dengê min dibihîzin, ez jî wan nas dikim û ew li pey min tên.

Romayî 11:22

Îcar bala xwe bide qencî û hişkiya Xwedê. Ew li hember ên ketî hişk e; lê ji te re qenc e – eger tu di qenciya wî de bimînî. An na tu jî, tê bêyî birrîn.

Galatî 4:9

Lê niha piştî ku we Xwedê naskir, hê zêdetir: Hûn ji aliyê Xwedê ve hatin naskirin, êdî çawa dîsa hûn li wan hêzên ruhî yên bêhêz û reben vedigerin? Ma hûn dîsa dixwazin xulamtiyê ji wan re bikin?

Tîmotʼêyo II 2:19

Lê belê bingeha ku Xwedê danî, saxlem disekine û ev mor li ser e: «Xudan, yên xwe nas dike» û «Her kesê ku navê Xudan eşkere dike, bila ew xwe ji neheqiyê dûr bixe».