Mîxa 7:8 - Kurmanji Încîl

⁸ Ya dijminê min! Gava bikevim şa nebe, ezê dîsa rabim! Çaxê ez li taristanê jî rûnim, Wê Xudan bibe ronahiya min.

Mîxa 7:8 ပူးပေါင်းရင်းမြစ်များ

Eyûb 31:29

“Heke ez bi ketina kesê ji min nefret dike şa bûbim An gava xerabî hat serê wî, ez kelecanî bûbim,

Zebûr 112:4

Ji bo rastan di tariyê de ronahî dertê: Ew dilovan, keremdar û rastdar e.

Zebûr 143:3

Dijmin daye pey min, Jiyana min li bin gohê erdê xist. Min li tariyê daye rûniştin. Wek yên ku ji zû ve mirin.

Zebûr 20:8

Ew xwar bûn, dikevin; Em rabûn, ripîrast in.

Zebûr 27:1

Ronahî û rizgariya min e Xudan, Ez natirsim ji tu kesan. Hêza jiyana min e Xudan, Bo çi ezê bitirsim ji hinan?

Zebûr 35:19

Bila şa nebin yên ku bêsedem bûne dijminên min, Yên ku bêsedem ji min nefret dikin, Bila ji hev re çav nekin.

Zebûr 37:21

Yê xerab bi deyn distîne, venagerîne; Yê rast bi comerdî dide.

Zebûr 37:24

Bikeve jî dirêj nabe ew li erdan, Çimkî bi destê wî digire Xudan.

Zebûr 38:16

Çimkî min got, «Bila bi halê min nebin kêfxweş, Pozbilindiyê nekin bi şemitîna lingê min!»

Zebûr 84:11

Çimkî Xudan Xwedê roj û mertal e. Kerem û berziyê dide; Ji her kesê ku bi durustî dimeşe, tu qenciyê nadirixîne.

Zebûr 97:11

Ji bo rastan ronahî, Ji bo dilpakan şahî tê çandin.

Îşaya 2:5

Ya Mala Aqûb, werin em di ronahiya Xudan de rêve herin.

Îşaya 49:9

Tê ji êsîran re bêjî: ‘Derkevin!’ Tê ji kesên di tariyê de ne re bêjî: ‘Xwe nîşan bidin.’ Wê li kêleka riyan biçêrin, Li her girê rût mêrgên wan hebin.

Îşaya 50:10

Kî di nav we de ji Xudan ditirse Û guhdariya dengê xulamê wî dike? Kesê ku di tariyê de diçe û ronahiya wî tuneye, Bila bi navê Xudan ewle be û xwe bispêre Xudan.

Îşaya 9:2

Gelê ku di tariyê de diçe, Wê ronahiyeke mezin bibîne. Li ser şêniyên welatê tariya kur, Wê bibe ronahî.

Yêremya 48:27

Moavîno! Ma Îsraêl di çavê te de pêkenok bû?! Gelo ma di nav dizan de hatiye girtin, Gava behsa wî dikin, hûn serê xwe dihejînin?!

Yêremya 50:11

“Ya talankarên mîrasa min! Tevî ku hûn şa û dilgeş dibin, Tevî ku hûn wekî çêlekeke li mêrgê dipengizin Û wekî hespan dihîrin,

Yêremya 8:4

“Ji wan re bêje: Xudan wiha dibêje: “‘Ma mirovê ketiye, ranabe? Kesê ji rê derketiye, venagere?

Amos 9:11

“Wê rojê ezê holika Dawid a ketî ji nû ve çêkim. Ezê cihên wê yên qelişî dagirim Û wêraneyên wê ji nû ve rakim. Ezê wê wekî rojên berê ava bikim.

Ovadya 1:12

Di wê roja xerab a birayê xwe de, Divê te bi şahî lê mêze nekira. Di wê roja wan a helakbûnê de, Divê tu li ser Cihûdayiyan şa nebûyayî. Di wê roja teng de, Divê te oxweşikê xwe nekira.

Mîxa 4:10

Ya Siyona keç! Wekî jina zarok tîne, êş û janê bikişîne! Çimkî tê niha ji bajêr derkevî û li çolan kon vedî. Tê herî Babîlê û li wê derê bêyî azadkirin. Li wir, wê Xudan te ji destê dijminên te rizgar bike.

Mîxa 7:10

Wê gavê wê dijmin min bibîne, Wê ew kesê ku ji min re gotiye: “Ka Xwedayê te Xudan li ku ye?!” şerm bike. Ezê ketina wan bi çavê xwe bibînim, Wê wekî heriya kuçeyan biperçiqin.

Zekeriya 12:8

Wê rojê wê Xudan şêniyên Orşelîmê biparêze. Wê rojê wê kesê di nav wan de herî sist, wekî Dawid be. Mala Dawid jî wekî Xwedê be, wekî milyaketê Xudan be ku li pêşiya wan be.

Melaxî 4:2

Hûn kesên ku ji navê min ditirsin! Wê tava rastiyê li ser we derkeve ku bi tîrêjên xwe şifayê tîne. Çawa ku golikê ji axurê dipengizin, hûnê rabin herin.

Metta 4:16

Ew gelê ku di tariyê de rûdine, Ronahiyeke mezin dît. Û li ser wan ên ku li welatê di bin siya mirinê de rûdinin Ronahî derket.»

Yûhenna 16:20

Bi rastî, bi rastî ez ji we re dibêjim, hûnê bigirîn û li xwe bixin, lê dinya wê şa bibe. Hûnê xemgîniyê bikişînin, lê xemgîniya we wê bibe şahî.

Yûhenna 8:12

Îsa dîsa bi wan re peyivî û got: «Ez ronahiya dinyayê me; yê ku li pey min bê, tu caran di tariyê de rêve naçe, lê wê bibe xweyî ronahiya jiyanê.»

شُله رسولا 26:18

da ku tu çavên wan vekî û wan ji tariyê bizivirînî ronahiyê û ji hukumdariya Îblîs vegerînî Xwedê, ku ew lêbihûrtina gunehan bistînin û di nav wan ên ku bi baweriya navê min hatine pîrozkirin de, xweyî mîras bin.›

Korîntî II, 4:6

Çimkî, Xwedayê ku got: «Bila ji tariyê ronahî bibiriqe», di dilê me de jî biriqî, da ku ronahiya zanîna rûmeta Xwedê ya li ser rûyê Îsa Mesîh, bide me.

Korîntî II, 4:9

Tengahiyê didin me, lê dev ji me nehatiye berdan; em li erdê hatine xistin, lê em ne helakbûyî ne.

Peyxam 21:23

Ne hewce ye ku roj û heyv bajêr ronahî bikin, çimkî rûmeta Xwedê wî ronahî dike û Berx çira wî ye.

Peyxam 22:5

Û êdî nabe şev û hewcedariya wan bi ronahiya çirayê û bi ronahiya rojê namîne, çimkî Xudan Xwedê wê ronahiyê bide wan û wê her û her padîşahiyê bikin.