Mîxa 7:11 - Kurmanji Încîl

¹¹ Roj tê ku wê sûrên te bên avakirin, Wê rojê wê sînorên te gelek berfireh bibin.

Mîxa 7:11 ပူးပေါင်းရင်းမြစ်များ

Nehemya 2:17

Min ji wan re got: “Hûn rewşa xerab a ku em tê de ne dibînin. Orşelîm wêran e û dergehên wê hatine şewitandin. Werin, em sûrên Orşelîmê ji nû ve ava bikin û ji nava vê riswatiyê derkevin.”

Nehemya 2:8

Herwiha bila nameyek ji Asafê nobedarê daristana padîşah re jî bê nivîsandin. Bila ew daran bidin min ku kêranên ji bo dergehên birca li ba Malê, sûrên bajêr û xaniyê ku ezê lê bimînim bên çêkirin.” Ji bo ku destê Xwedayê min ê qenc li ser min bû, padîşah daxwaza min qebûl kir.

Nehemya 4:3

Toviyayê Emmonî li ba wî bû û got: “Ka li dîwarokê wan ê kevir binêre! Roviyek jî here ser, wê hilweşe!”

Nehemya 4:6

Paşê me lêkirina sûran berdewam kir. Heta nîvê bilindahiya wan, me tevahiya sûran lê kir. Çimkî gel ji bo xebatê dilxwaz bû.

Îşaya 54:11

Bindesto! Bajarê ku bi ber bahozê ketiye Û teselî nedîtiye! Ezê bi xerca rengxweş kevirên te bi cih bikim, Ezê bi kevirên lapîs bingehên te deynim.

Îşaya 54:2

“Cihê konê xwe fireh bike, Bila perdeyên konên te bên ragirtin. Xwe nede paş. Qeytanên xwe dirêj bike, Singên xwe qewîn bike.

Îşaya 58:12

“Wê kesê ji te, wêraneyên kevin ava bike, Tê li ser bingeha nifşan bilind bikî. Wê ji bo te: ‘Dagirtiyê qelîştokên dîwêr, Avakarê kuçeyên ku niştecih tê de rûnin’ bê gotin.

Îşaya 61:4

Wê xirbeyên qedîm ava bikin, Wêraneyên salên berê dîsa çêkin. Wê bajarên ku xera bûne, Wêraneyên nifş bi nifş mane nû bikin.

Daniyêl 9:25

“Îcar bizanibe û fêm bike. Ji dema emrê jinûveavakirina Orşelîmê derketiye, heta ku serwerê kifşkirî bê, wê heft car heft dem derbas bibin. Wê di nav şêst û du heft deman de, Orşelîm ji nû ve bi kuçe û xendekên xwe ve bê avakirin. Lê wê ev di dema tengasiyê de çêbe.