Methelokên 6:17 - Kurmanji Încîl

¹⁷ Çavê pozbilindiyê, zimanê derewîn, Destê xwîna bêsûc dirijîne,

Methelokên Hezretê Silêman 1947

¹⁷ Çavên bel, zimanê derewîn, destê ko xwîna bêçareyan direjîne,

Methelokên 6:17 ပူးပေါင်းရင်းမြစ်များ

Padîşah II, 21:16

Minaşşe ne bi tenê bi Cihûdayê tiştên di çavê Xudan de xerab in da kirin, wî herwiha ewqas xwîna bêsûcan rijand ku Orşelîmê ji seriyekî heta seriyê din tije kir.

Padîşah II, 24:4

û xwîna bêsûcan ku wî rijand, ev hat serê wî. Çimkî wî Orşelîmê bi xwîna bêsûcan dagirt. Loma Xudan nexwest wî bibexişîne.

Zebûr 10:4

Bi pozbilindiya xwe, yê xerab nagere li Xudan, Hergav dibê «Xwedê tune» ev e ya wî, hemû raman.

Zebûr 101:5

Ezê tune bikim, yê ku fesadiya dostê xwe dike, Ez ranagirim yê ku ji jor de dinêre, dilqure ye.

Zebûr 131:1

Ya Xudan, di dilê min de quretî tune, Û çavê min ne li jor e. Ez bi karên mezin re, Bi karên ku min derbas dikin re, bilî nebûm.

Zebûr 18:27

Tu yî rizgarkarê nefsbiçûkan, Dadixî jêr bozbilindan.

Zebûr 31:18

Ew lêvên derewîn bila bên girtin; Ew ku, bi quretî û bi neheqî Li hember yê rast, Bi bêarî dipeyivin.

Zebûr 5:6

Tu derewkaran dikî tune, Ji zilamê xwîndar û hîlekar, Ya Xudan, tu çiqas aciz î, hawar!

Zebûr 5:7

Belê ezê, bi wê kerema te ya mezin, Di hundirê mala te kevim, Bi tirs serî li ber perestgeha te ya pîroz deynim.

Methelokên 1:11

Heke ew bêjin: “Bi me re were, Em ji bo kuştina mirovan kemînê deynin, Bêsedem, kesên bêsûc bixin dafikê.

Methelokên 1:16

Çimkî lingên wan ber bi xerabiyê ve dibezin Û ji bo rijandina xwînê dilezînin.

Methelokên 12:22

Lêvên derewîn ji bo Xudan kirêt in, Lê ew ji kesên dilsoz razî ye.

Methelokên 14:5

Şahidê ewledar derewan nabêje, Lê şahidê derewîn bi nefesa xwe derewan dike.

Methelokên 16:5

Her kesê dilqure li ber Xudan kirêt e, Bawer bin bêceza namîne.

Methelokên 17:7

Çawa ku gotinên çê li ser lêvên ehmeqan çênabe, Lêvên derewîn jî qet li mîran nayê.

Methelokên 21:4

Dilquretî û pozbilindî Qendîla xeraban e û guneh e.

Methelokên 26:28

Zimanê derewkar ji wan mirovan nefret dike ku wan diperçiqîne, Devê hîlekar jî hildiweşîne.

Methelokên 28:17

Mirovê xwîna yekî ketiye stûyê wî, Wê heta gorê bireve. Bila tu kes pişta wî negire.

Methelokên 30:13

Nifş hene çavê wan ewqas li jor e Ku qelpaxên wan jî bi quretiyê bilind dibin.

Methelokên 6:16

Şeş tiştên Xudan jê nefret dike hene, Heta heft tiştên li ber wî kirêt in hene.

Îşaya 1:15

“Gava hûn destên xwe vekin, Ezê çavê xwe ji we bidim alî. Hûn çiqas jî dua bikin, Ezê guhdarî nekim. Hûn destbixwîn in.

Îşaya 2:11

Wê çavên bilind bên nizimkirin, Pozbilindiya mirovan bê şikandin. Wê rojê wê tenê Xudan bê berzkirin.

Îşaya 3:16

Xudan got: “Madem keçên Siyonê pozbilind in, stûyê xwe dirêj dikin, çav dişikênin û diçin, xirxalên lingên wan dikin şingînî, xwe dihejînin û rêve diçin,

Îşaya 3:9

Reng û rûyê wan Li dijî wan şahidiyê dike. Gunehên xwe wek Sodomê Bi eşkereyî dibêjin, qet venaşêrin. Wey li wan! Çimkî wan xerabî anî serê xwe.

Yêremya 26:15

Lê baş bizanibin, heke hûn min bikujin, hûnê xwîna bêsûcekî bixin ser xwe û ser vî bajarî û şêniyên wî. Çimkî bi rastî jî, ji bo ez tevahiya van gotinan ji we re bêjim, Xudan ez şandim ba we.”

Yûhenna 8:44

Hûn ji bavê xwe Îblîs in û hûn dixwazin xwestekên bavê xwe bi cih bînin. Ew ji destpêkê ve mêrkuj bû û tu caran li ser rastiyê nemaye, çimkî rastî li ba wî tune. Çaxê ku ew derewan dike, ji tiştên xwe bi xwe dibêje; çimkî ew derewkar e û bavê derewan e.

Dubarekirina Şerîetê 19:10

Bi vî awayî xwîna kesê bêsûc li welatê ku Xwedayê we Xudan bi milkî dide we, nayê rijandin û xwîna wî nakeve stûyê we.

Dubarekirina Şerîetê 27:25

“‘Nalet li wî kesî ku ji bo kuştina kesekî bêsûc bertîlê distîne.’ Bila hemû gel bêje: ‘Amîn!’

Petrûs I 5:5

Xortno, bi vî awayî bi ya rihspiyan bikin û hemû li hember hev nefsbiçûk bin. Çimkî: «Xwedê li hember pozbilindan disekine Lê keremê li nefsbiçûkan dike.»

Peyxam 22:15

Yên wek kûçikan, yên sêrbaz, yên zînakar û yên mêrkuj, yên pûtperest û her kesê ku ji derewan hez dike û derewan dike, ew li derve ne.