Methelokên 5:21 - Kurmanji Încîl

²¹ Hemû riyên mirovan li ber çavê Xudan in, Ew hay ji hemû riyên wan heye.

Methelokên Hezretê Silêman 1947

²¹ Reyên ko mirov didin ser, di pêşiya çavên Xwedê de ne û Xwedê li wan miqate dibe.

Methelokên 5:21 ပူးပေါင်းရင်းမြစ်များ

Eyûb 14:16

Tê gavên min bihejmarta Û li gunehên min mêze nekira.

Eyûb 24:23

Gava ew ewlehiyê dide wan, ew tên piştgirîkirin, Çavê wî li ser riyên wan e.

Eyûb 31:4

Ma ew riyên min nabîne Û hemû gavên min najmêre?

Eyûb 34:21

“Çimkî çavê wî li ser riyên mirovan e Û hemû gavên wan dibîne.

Zebûr 11:4

Li perestgeha pîroz e Xudan, Textê wî li ezmanan, Ew her kesî dibîne, Hemû mirovan diceribîne.

Zebûr 119:168

Ez şîret û şertên te digirim, Çimkî hemû riyên min li ber te ne.

Zebûr 17:3

Te ceriband dilê min, Bi şev ez sehitandim, Bi îmtihankirina min, Te xerabiyek nedît; Min niyet kir, ya xerab dernakeve ji devê min.

Methelokên 15:3

Çavê Xudan li her derê ye, Ew qenc û xeraban dibîne.

Methelokên 4:26

Riya lingê xwe rast bike Ku hemû riyên te ewle bin.

Methelokên 5:6

Ew di riya jiyanê de rast naçe, Rêçikên wê xerab in Û ew bi xwe jî pê nizane.

Yêremya 16:17

Çimkî ez hemû riyên wan dibînim. Tu karê wan ji min ne veşartiye. Neheqiyên wan jî li ber çavê min in.

Yêremya 17:10

“Ez Xudan dilan dikolim û ramanan diceribînim Ku li gorî rê û berê karê wan bidim.”

Yêremya 23:24

Gelo kesek dikare xwe li dera dizî veşêre Ku ez wî nebînim?” Ev e gotina Xudan. “Ma erd û ezmanan ne ez dadigirim?” Ev e gotina Xudan.

Yêremya 29:23

Çimkî wan li welatê Îsraêl kirêtî kir. Wan bi jinên cîranên xwe re zinayê kir! Wan bi navê min peyvên derewîn gotin ku min li wan emir nekiribûn. Yê ku dizane û şahid e, ez im.” Ev e gotina Xudan.

Yêremya 32:19

Tu di şêwir de mezin û di karan de hêzdar î. Çavê te li ser hemû kirinên mirovan e. Tu li gorî rê û berê kirinên her kesî didî wan.

Hoşêya 7:2

Lê ew nafikirin, Ez tevahiya xerabiyên wan tînim bîra xwe. Gunehên wan ew dorpêç kirine, Va ye li ber çavê min in.

Îbranî 4:13

Tu afirîn tune ku ji wî veşartî ye. Lê her tişt li ber çavê yê ku divê em hesab bidinê tazî û vekirî ye.

Peyxam 2:18

«Ji milyaketê civîna bawermendên Tiyatîrayê re binivîse: ‹Kurê Xwedê yê ku çavên wî wek pêta êgir in û lingên wî mîna wî tûncê xas ê ku dibiriqe, van tiştan dibêje:

Peyxam 2:23

Û ezê li zarokên wê bixim û bikujim û hemû civîn wê bizanin ku yê li dil û daxwazan dikole ez im û ezê li gor kirinên her yekî ji we bidim we.