Methelokên 4:23 - Kurmanji Încîl

²³ Ji her tiştî bêtir, dilê xwe biparêze, Çimkî kaniyên jiyanê jê diherikin.

Methelokên Hezretê Silêman 1947

²³ Ji her tiştî bêtir guh bide dilê xwe, ji ber ko kaniyên jiyînê jê tên.

Methelokên 4:23 ပူးပေါင်းရင်းမြစ်များ

Padîşah II, 10:31

Lê Yêhû li Şerîeta Xwedayê Îsraêl Xudan miqate nebû, ji dil û can nemeşiya. Ji gunehên Yarovam ku bi gelê Îsraêl dabû kirin, xwe neda alî.

Methelokên 11:16

Jina keremdar digihîje rûmetê, Lê zordar tenê digihîje dewlemendiyê.

Methelokên 13:3

Kesê devê xwe digire, canê xwe diparêze, Lê kesê devê xwe nagire, helak dibe.

Methelokên 16:17

Riya dilrastan ji xerabiyê dûr e, Kesê hay ji riya xwe heye, canê xwe diparêze.

Methelokên 22:5

Li ser riya kesê dilxerab dirî û dafik hene, Kesê canê xwe diparêze, xwe ji wan dûr dixe.

Methelokên 23:19

Lawo, bibihîze û şehreza be, Dilê xwe bide ser riya rast.

Methelokên 28:26

Kesê bi xwe ewle ye bêaqil e, Lê kesê dide ser riya şehrezayiyê rizgar dibe.

Methelokên 3:21

Lawo, bila ev ji ber çavê te nerevin, Tu şîret û feraset bernede.

Methelokên 4:7

Destpêka şehrezayiyê ev e: Şehrezayiyê bi dest bixe! Her tiştê te jî here, fêmdariyê bi dest bixe.

Waiz 5:13

Min li ser rûyê erdê belayeke xerab dît: Dewlemendiya ku ji xweyê xwe re bêxêr e tê civandin.

Yêremya 17:9

Dil ji her tiştî xapînoktir e, Çare jê re tuneye. Kî dikare jê fêm bike?

Metta 15:18

Lê tiştên ku ji dev derdikevin, ji dil tên û ew mirov murdar dikin.

Metta 15:19

Çimkî fikrên xerab, kuştin, zîna, fuhûşî, dizî, şahidiya derewîn û çêr ji dil dertên.

Marqos 14:38

Hişyar bimînin û dua bikin, da ku hûn nekevin ceribandinê. Erê, ruh bi daxwaz e, lê beden lewaz e.»

Lûqa 6:45

Mirovê qenc ji xezîna dilê xwe ya qenc tiştê qenc derdixe û yê xerab ji xezîna dilê xwe ya xerab tiştê xerab derdixe, çimkî dev ji tijebûna dil dibêje.

Dubarekirina Şerîetê 4:9

“Lê hay ji xwe, hay ji canê xwe baş hebin ku tiştên we bi çavê xwe dîtin ji bîr nekin û di hemû rojên jiyana xwe de ji dilê xwe dernexin. Van bi zarok û neviyên xwe bidin zanîn.

Îbranî 12:15

Hay ji xwe hebin, bila tu kes ji kerema Xwedê nemîne. Bila di nav we de tu rayê tehl ê ku we aciz bike û gelek pê murdar bibin, dernekeve.