Methelokên 31:9 - Kurmanji Încîl

⁹ Devê xwe veke! Dadgeriya bi edaletê bike, Mafê bindest û hejaran biparêze.”

Methelokên Hezretê Silêman 1947

⁹ Devê xwe veke û bi edaletê hikim bike û heqê bêçare û belengazan (ji erdê rake û) bide wan.

Methelokên 31:9 ပူးပေါင်းရင်းမြစ်များ

Samûêl II, 8:15

Dawid li ser tevahiya gelê Îsraêl padîşahî kir. Wî rastî û edalet da gelê xwe.

Eyûb 29:12

Çimkî min, bindestê dikir hewar Û sêwiyê bêpişt, rizgar dikir.

Zebûr 82:3

Li doza yê lewaz û sêwiyan binêrin, Mafê bindest û feqîran biparêzin.

Methelokên 16:12

Xerabî ji bo padîşahan kirêt e, Çimkî text bi edaletê ava dibe.

Methelokên 20:8

Padîşahê li ser textê dadbarkirinê rûdine, Her xerabiyê bi çavên xwe ji hev diqetîne.

Methelokên 29:7

Rast heqê belengazan dizane, Lê xerab vê yekê fêm nake.

Îşaya 1:17

Hînî qenciyê bibin, Li heqiyê bigerin, Bînin rê zordestan. Biparêzin mafê sêwiyan, Binêrin li doza jinebiyan.”

Îşaya 1:23

Serekên te serhildêr, Bûne hevparên dizan. Tev ji bertîlê hez dikin, Dane pey diyariyan. Mafê sêwiyan nadin, Nakin doza jinebiyan.

Îşaya 11:4

Wê bi edaletê belengazan dadbar bike, Ji bo bindestên welêt bi wekhevî biryarê bide. Wê bi gopalê devê xwe li dinyayê bixe, Bi hilma lêvên xwe xeraban bikuje.

Yêremya 21:12

Ya Mala Dawid, Xudan wiha dibêje: “‘Her sibe edaletê pêk bînin, Kesê hatiye şelandin ji destê zordaran rizgar bikin. Yan na, ji ber xerabiya karên we Wê xezeba min wekî êgir rabe û bişewitîne. Wê kesê bitefîne tunebe.

Yêremya 22:3

Xudan wiha dibêje: Bi edalet û rastiyê tevbigerin. Kesê hatiye şelandin ji destê zordar rizgar bikin. Li xerîb, sêwî û jinebiyan neheqî û zordariyê nekin. Li vê derê xwîna bêsûcan nerijînin.

Yêremya 23:5

“Va ye, roj tên Ku ezê ji bo Dawid guliyekî rast rakim.” Ev e gotina Xudan. “Wê wekî padîşahekî serweriyê bike. Wê bi şehrezayî tevbigere Û li welêt rastî û edaletê pêk bîne.

Yêremya 5:28

Qelew bûn û bez girê dan, Di karên xerab de sînor derbas kirin. Ew li doza sêwiyan nanêrin Ku karê wan bimeşe. Ew heqê hejaran naparêzin.”

Daniyêl 4:27

Padîşahê min, bila şîreta min ji bo te xweş be: Bi kirinên rast, gunehên xwe û bi alîkariya ketiyan, xerabiyên xwe bişikêne û dev ji wan berde. Bi vî awayî belkî rihetiya te bê dirêjkirin.”

Lêwiyî 19:15

“‘Di dadbarkirinê de tê neheqiyê nekî. Tê ferq û meyliya belengaz û hêzdaran nekî. Tê ji cîranê xwe re rast bî.

Zekeriya 7:9

“Xudanê Karîndar wiha dibêje: ‘Bi hikmên rast dîwanê bikin. Rehm û dilsozî nîşanî hev bidin.

Zekeriya 9:9

Ya Siyona keç, gelek şa be! Ya Orşelîma keç, biqîre! Va ye padîşahê te ber bi te ve tê! Ew rast e û rizgar dike. Ew nefsbiçûk e û li kerê, Belê li dehşikê, li dehşikê kerê siwar dibe.

Yûhenna 7:24

Li gor dîtinê dadbar nekin, lê li gor rastiyê dadbar bikin.»

Dubarekirina Şerîetê 1:16

Min emir da dadgerên we û got: ‘Guh bidin meseleyên navbera birayên xwe. Di dozên wan de, çi Îsraêlî çi xerîb, bi edaletê dadgeriyê bikin.

Îbranî 1:9

Te ji rastiyê hez kir û ji neheqiyê nefret kir, Ji ber vê yekê Xwedê, Xwedayê te, Tu bi rûnê şahiyê ji hevalên te bêtir bilind kirî.»

Peyxam 19:11

Hingê min ezman vebûyî dît. Va ye, hespekî boz. Ji siwarê wî re Yê Dilsoz û Rast tê gotin; ew di şer û dîwankirinê de dadperwer e.

Samûêl I, 19:4

Yonatan li ser Dawid ji Şawûlê bavê xwe re tiştên baş gotin: “Bila padîşah xerabiyê li Dawidê xulamê xwe neke. Çimkî wî tu xerabî li te nekiriye. Hemû karên wî ji bo te gelekî baş bûne.

Samûêl I, 20:32

Yonatan li ser vê gotinê wiha got: “Çima bimire? Wî çi kiriye?”