Methelokên 3:7 - Kurmanji Încîl

⁷ Xwe di çavê xwe de şehreza nebîne. Ji Xudan bitirse, ji xerabiyê xwe bide alî.

Methelokên Hezretê Silêman 1947

⁷ Di pêşiya çavê xwe de, xwe bi eqilmendiya xwe me nepixîne; ji Xwedê bitirse û dev ji xirabiyê berde.

Methelokên 3:7 ပူးပေါင်းရင်းမြစ်များ

Samûêl II, 12:20

Li ser vê yekê Dawid ji erdê rabû. Xwe şûşt, bêhnên xweş li xwe kir û cilên xwe guhertin. Çû Mala Xudan û perizî wî. Paşê zivirî mala xwe û xwarin xwest û xwar.

Nehemya 5:15

Waliyên beriya min li ser gel bûn bar û ji wan, ji bilî nan û şerabê, 40 şekel zîv jî distandin. Xulamên wan jî bûbûn bela serê gel. Lê ji tirsa Xwedê, min wisa nekir.

Eyûb 1:1

Li welatê Ûsê zilamekî bi navê Eyûb hebû. Ew mirovekî kamil û dilrast bû. Ji Xwedê ditirsiya û xwe ji xerabiyê dûr dixist.

Eyûb 28:28

Wî ji mirov re got: “Va ye, tirsa Reb! Ev e şehrezayî! Fêmdarî jî, xwedûrxistina ji xerabiyê ye.”

Derketin 20:20

Mûsa ji wan re got: “Netirsin, çimkî Xwedê ji bo we biceribîne hat ku tirsa wî di dilê we de hebe û hûn gunehan nekin.”

Methelokên 14:16

Şehreza bi tedbîr e û dev ji xerabiyê berdide, Lê bêaqil qure ye û bi xwe ewle ye.

Methelokên 14:27

Tirsa Xudan kaniya jiyanê ye, Mirovan ji dafikên mirinê dûr dixe.

Methelokên 16:6

Bi dilsozî û dilovanî xerabî tê nixamtin Û bi tirsa Xudan, mirov ji xerabiyê dûr dibin.

Methelokên 23:4

Xwe newestîne ku dewlemend bibî, Dev ji vê fikrê berde.

Methelokên 26:12

Tu kesekî xwe di çavê xwe de şehreza dibîne, nas dikî? Hêviya bêaqilan jî, ji hêviya wî zêdetir e.

Methelokên 26:5

Tu li gorî ehmeqiya wî bersivê bide kesê bêaqil, Ya na, wê xwe di çavê xwe de şehreza bibîne.

Methelokên 28:11

Dewlemend di çavê xwe de şehreza ye, Lê belengazê fêmdar dilê wî dixwîne.

Methelokên 28:26

Kesê bi xwe ewle ye bêaqil e, Lê kesê dide ser riya şehrezayiyê rizgar dibe.

Methelokên 8:13

Tirsa Xudan, nefreta ji xerabiyê ye. Loma ez ji quretî û pozbilindiyê, Ji riya xerab û gotinên şaş nefret dikim.

Waiz 12:13

Her tişt hat bihîstin, encam ev e: Ji Xwedê bitirse û emrên wî bigire, Wezîfeya hemû mirovan ev e.

Îşaya 5:21

Wey li wan kesan ku xwe Di çavê xwe de şehreza dibînin û fêmdar dihesibînin.

Romayî 11:25

Birano, ez naxwazim ku hûn ji vê sirê bêhay bin, da ku hûn xwe zana nebînin. Sir ev e ku dilê pareke gelê Îsraêlê hişk bû, heta ku hejmara miletên ku wê xilas bibin temam bibe.

Romayî 12:16

Li hember hev hemfikir bin. Ne pozbilind bin, lê bi yên ku kêm tên dîtin re, hevaltiyê bikin; xwe zana nebînin.