Methelokên 3:6 - Kurmanji Încîl

⁶ Di hemû riyên te de bila ew di bîra te de be Ku rêçikên te rast bike.

Methelokên Hezretê Silêman 1947

⁶ Her û her Xwedê bîne bîra xwe, ewê reya te firehtir bike.

Methelokên 3:6 ပူးပေါင်းရင်းမြစ်များ

Dîrok I, 28:9

“Silêmano! Ya kurê min! Xwedayê bavê xwe nas bike. Bi yek dilî û canê bibiryar xulamiya wî bike. Çimkî Xudan lêkolîna tevahiya dilan dike. Hemû niyet û fikran fêm dike. Heke tu lê bigerî, wê xwe bide dîtin. Lê heke tu dev ji wî berdî, wê heta hetayê te red bike.

Ezra 7:27

Bila Xwedayê bavkalên me Xudan pîroz be! Wî dilê padîşah kir ku Mala Xudan a li Orşelîmê birûmet dike.

Nehemya 1:11

Ya Reb! Guhdariya duaya xulamê xwe û duaya xulamên xwe yên ku ji tirsa navê te dilşa dibin, bike. Îro karê xulamê xwe bi ser bixe û bike ku padîşah pêşniyara min qebûl bike.” Wê çaxî ez meygerê padîşah bûm.

Nehemya 2:4

Padîşah ji min re got: “Tu çi dixwazî?” Min ji Xwedayê Ezmanan re dua kir

Nehemya 7:5

Xwedê xist dilê min ku ji bo li gorî nifşên xwe bên hejmartin civandina pêşeng û peywirdaran û berhevkirina gel pêk bînim. Min secereya kesên ku berê derketine peyda kir. Tê de wiha hatibû nivîsandin:

Zebûr 32:8

Ezê te perwerde bikim, riya ku diçîyê hînî te bikim, Şîret li te bikim, Çavê min li ser te ye.

Methelokên 11:5

Rastiya mirovê kamil riya wî rast dike, Lê kesê xerab bi xerabiya xwe dikeve.

Methelokên 16:3

Karên xwe bispêre Xudan Wê pîlanên te pêk werin.

Methelokên 16:9

Mirov di dilê xwe de riya xwe saz dike, Lê Xudan rêberiya gavên wî dike.

Methelokên 23:17

Bila dilê te hesûdiya gunehkaran neke, Lê herdem bi tirsa Xudan bijî.

Îşaya 26:7

Riya rastan rastî ye, Ya Yê Rast, riya rastan rast dikî.

Îşaya 30:21

Gava tu ber bi aliyê rastê An bi aliyê çepê ve averê dibî, Wê guhên te ji paş ve, Vê gotinê bibihîzin: ‘Rê ev e, di vê riyê re herin!’

Îşaya 45:13

Min Koreş bi edaletê hişyar kir, Ezê hemû riyên wî rast bikim. Bêyî ku berdêl û diyarî bistîne Wê bajarê min ava bike Û sirgûniyên min berde” Xudanê Karîndar dibêje.

Îşaya 48:17

Xudan, Pîrozê Îsraêl ê Rizgarkarê te wiha dibêje: “Xwedayê te Xudan ez im Ku ji bo te yê bikêr hînî te dike Û di riya tu diçiyê de te dimeşîne.”

Yêremya 10:23

Ya Xudan, ez dizanim riya mirovan Ne di destê wan de ye. Gava dimeşin, ew nikarin gavên xwe rasterast bavêjin.

Yêremya 42:3

Riya emê herinê û ya ku emê bikin, bila Xwedayê me Xudan nîşanî me bide.”

Hejmartin 9:20

Carna ewr ji bo çend rojan li ser meskên dima. Wî çaxî li ser fermana devê Xudan li cihê xwe diman û li ser fermana devê Xudan jî wan koç dikir.

Korîntî I, 10:31

Loma hûn her çi bixwin, her çi vexwin, her çi bikin, her tiştî ji bo rûmeta Xwedê bikin.

Korîntî II, 8:16

Îcar şikir ji Xwedê re yê ku ji bo we eynî xîret xist dilê Tîtos.

Filîpî 4:6

Ji bo tu tiştî xeman nexwin. Lê belê di her tiştî de bila daxwazên we bi dua û lavan û bi şikirkirinê ji Xwedê re bên gotin.

Kolosî 3:17

Her tiştê ku hûn dikin, bi gotinê be an bi kirinê be, bi navê Xudan Îsa bikin û bi saya wî ji Bav Xwedê re şikir bikin.

Kolosî 3:23

Hûn her çi bikin, wek ku hûn ne ji mirovan re, lê ji Xudan re dikin, bi dil û can bikin.

یعقوب 1:5

Eger şehrezayiya yekî ji we kêm be, bila ji Xwedayê ku bi camerî dide hemûyan û lê nahile, bixwaze û wê ji wî re bê dayîn.

Samûêl I, 30:8

Dawid bi Xudan şêwirî û got: “Ez bidim pey êrîşkarên siwarî, gelo ezê bigihîjim wan?” Xudan jê re got: “Bide pey wan tê bigihîjî wan û tê êsîran rizgar bikî.”