Methelokên 3:3 - Kurmanji Încîl

³ Nehêle ku dilsozî û dilovanî te berdin, Wan bixe stûyê xwe, Li ser textê dilê xwe binivîse.

Methelokên Hezretê Silêman 1947

³ Bila, qencî û dilrastî dûrî te me kevin, tu wan bi stoyê xwe ve girêbide, wan li ser depê dilê te binivisîne.

Methelokên 3:3 ပူးပေါင်းရင်းမြစ်များ

Samûêl II, 15:20

Tu hê nû hatî. Ez bixwe nizanim ezê îro bi ku ve herim, ezê çawa te bi xwe re bigerînim? Bi birayên xwe re vegere. Bila dilsozî û dilovaniya Xwedê li ser te be!”

Zebûr 119:11

Da ku ez guneh nekim li hember te, Min di dilê xwe de veşart gotina te.

Zebûr 25:10

Ji bo yên ku peyman û şahidiya wî digirin, Hemû riyên Xudan kerem û rastî ne.

Zebûr 85:10

Wê hezkirin û kerem bigihîjin hev, Aştî û rastdarî, ramûsin hev.

Derketin 13:9

Ev, wê li ser destê we wekî nîşanekê, li ser eniya we wekî nîşaneke bîranînê bimîne ku Şerîeta Xudan li ser zimanê we be. Çimkî Xudan bi destê xwe yê hêzdar hûn ji Misrê deranîn.

Derketin 34:6

Xudan di ber wî re derbas bû û got: “Ez Xudan im, Xwedayê dilrehm û keremdar, zû hêrs nabe, dilsozî û dilovaniya wî zêde ye.

Methelokên 1:9

Çimkî ew ji bo serê te tacegulên xweşik in, Ji bo stûyê te gerdenî ne.

Methelokên 14:22

Ma kesên xerabiyê saz dikin riya xwe şaş nakin? Lê ji kesên qenciyê saz dikin re dilsozî û dilovanî heye.

Methelokên 16:6

Bi dilsozî û dilovanî xerabî tê nixamtin Û bi tirsa Xudan, mirov ji xerabiyê dûr dibin.

Methelokên 20:28

Dilsozî û dilovanî padîşah diparêzin, Erê, textê wî bi dilsoziyê tê xurtkirin.

Methelokên 6:21

Hergav wan li ser dilê xwe girê bide, Wan bixe stûyê xwe.

Methelokên 7:3

Wan bike gustîl û bixe tiliya xwe, Li ser textê dilê xwe binivîse.

Yêremya 17:1

“Gunehê gelê Cihûda bi pênûsa hesin hat nivîsandin. Bi serikê wê yê ji elmas li ser textê dilê wan, Li ser qiloçên gorîgehan hate kolandin.

Hoşêya 4:1

Ya gelê Îsraêl, guh bidin gotina Xudan, Ji ber ku doza Xudan bi şêniyên welêt re heye: “Li welêt dilsozî, dilovanî û zanîna Xwedê tuneye.

Melaxî 2:6

Hînkirina rastiyê di devê wî de bû. Li ser lêvên wî neheqî nehat dîtin. Bi min re bi aştî û dirustiyê meşiya. Wî gelek kes ji riya neheqiyê vegerandin.

Metta 23:23

«Wey li we hûn Şerîetzan û Fêrisîno! Hey hûn durûno! Hûn dehyeka pûng, rizyan û kîmyona xwe didin, lê hûn tiştên Şerîetê yên hê girîngtir, dadperwerî, rehm û baweriyê dihêlin. Diviya ku we ev bikirana û dev ji yên din jî bernedana.

Korîntî II, 3:3

Diyar e ku hûn nameyeke Mesîh in, ku bi xizmeta me hatiye amadekirin. Ew ne bi hibrê, lê bi Ruhê Xwedayê jîndar, ne li ser nivîsdekên kevirîn, lê li ser nivîsdekên dil ên ji goşt hatiye nivîsîn.

Efesî 5:9

ji ber ku berê ronahiyê di her qencî, rastî û rastdariyê de ye.

Dubarekirina Şerîetê 6:8

Wekî nîşanekê wan bi destê xwe ve girê bidin, wekî berenîkekê li ser eniya xwe bixin.

Îbranî 10:16

«Xudan dibêje: ‹Piştî wan rojan Peymana ku ezê bi wan re girê bidim ev e: Ezê qanûnên xwe bixim dilê wan Û ezê wan li ser hişê wan binivîsim.