Methelokên 19:2 - Kurmanji Încîl

² Hewesa bêzanebûn ne qenc e Û kesê lingên lezgîn riya xwe şaş dike.

Methelokên Hezretê Silêman 1947

² Tunebûna zanînê ji bona tu kesî ne rind e; û yê ko peyên xwe dilezîne li gunehan dikeve.

Methelokên 19:2 ပူးပေါင်းရင်းမြစ်များ

Padîşah II, 4:39

Yek ji wan ji bo ku giya berhev bike, çû derve. Wî giyayekî bejî dît, jê dawekê kundirê bejî berhev kir û ew anî, hûr kir nava sîtila şorbê. Kesek nizanibû ew çi ye.

Eyûb 31:5

“Heke ez bi derewkarî meşiyabim Û lingê min li pey hîleyê lezandibe,

Methelokên 1:16

Çimkî lingên wan ber bi xerabiyê ve dibezin Û ji bo rijandina xwînê dilezînin.

Methelokên 10:21

Lêvên rastan gelek mirovan têr dikin, Lê ehmeq ji kêmahiya aqilê dimirin.

Methelokên 14:29

Kesê zû hêrs nabe gelek fêmdar e, Lê kesê hêrsok ehmeqiyê birûmet dike.

Methelokên 21:5

Pîlanên kesê zîrek esse qezencê tîne, Lê her kesê dilezîne esse digihîje xizaniyê.

Methelokên 25:8

Bi lez serî li dîwanê nede, Dibe ku di dawiyê de, cîranê te, te bide şermê Wî çaxî tê çi bikî?

Methelokên 28:20

Bereketa kesê dilsoz gelek e, Lê kesê ji bo serwetê dilezîne, bêceza namîne.

Methelokên 28:22

Mirovê çikûs li pey serwetê dibeze, Lê nizane xizanî bi ser wî de tê.

Methelokên 29:20

Kesekî di gotina xwe de dilezîne nas dikî? Hêviya bêaqilan jî, ji hêviya wî zêdetir e.

Waiz 12:9

Mamoste şehreza bû û wî ya ku dizanibû hînî gel dikir. Wî guh da, lê kola û gelek meselok kirin rêz û pergalê.

Waiz 7:9

Zû hêrs nebe, Çimkî hêrs di dilê bêaqilan de disitire.

Îşaya 27:11

Gava guliyên wê hişk bibin, Wê bên jêkirin. Wê jin werin û wan bişewitînin. Çimkî ev gel fêm nake. Loma wê afirandarê wan Li ber wan nekeve, Yê ku şikil daye wan, Wê rehmê li wan neke.

Îşaya 28:16

Loma Reb Xudan wiha dibêje: “Va ye ez li Siyonê kevirekî bingehîn, Kevirekî ceribandî, Kevirekî hêja yê riknê yê ewle datînim. Kesê bawer dike wê telaşê neke.

Hoşêya 4:6

“Gelê min ji nebûna zanînê tune bû. Ji ber ku te zanîn red kir, Ezê te ji kahintiya xwe red bikim. Te Şerîeta Xwedayê xwe ji bîr kir. Ezê jî zarokên te ji bîr bikim.

Yûhenna 16:3

Wê van bikin, çimkî wan ne Bav nas kir û ne jî ez.

Romayî 10:2

Ez ji bo wan şahidiyê dikim ku xîreta wan ji bo Xwedê heye, lê belê xîreta wan ne bi zanîn e.

Filîpî 1:9

Dua min ev e ku hezkirina we bi zanîn û hemû têgihîştina di her tiştî de hê û hê zêdetir bibe,