Methelokên 17:17 - Kurmanji Încîl

¹⁷ Heval herdem hez dike, Bira jî, ji bo tengasiyê çêbûye.

Methelokên Hezretê Silêman 1947

¹⁷ Hevalê qenc her hejî hevalê xwe dike û di tengasiyê de weke brayek e.

Methelokên 17:17 ပူးပေါင်းရင်းမြစ်များ

Samûêl II, 1:26

Ji bo te xemgîn im, birayê min Yonatan. Tu ji bo min pir hêja bûyî. Hezkirina te ji hezkirina jinê bêtir bû.

Samûêl II, 15:21

Lê Îttay wiha got: “Xweyê min padîşah, bi navê Xudanê Jîndar û bi serê xweyê xwe padîşah sond dixwim, sax an mirî, tu li ku bî ez xulamê te jî, ezê li wir bim.”

Ester 4:14

Heke tu niha bêdeng bimînî, wê alîkarî û rizgariya Cihûyan ji cihekî din bê. Lê tu û mala bavê te, hûnê bi tevahî helak bibin. Dibe ku tu ji bo rojeke wisa bûyî şahbanû.”

Methelokên 16:28

Zilamê tevlihev dike, pevçûnê dertîne, Buxtanbêj dostên nêzîk ji hev vediqetîne.

Methelokên 18:24

Heval hene dibin helakê, Lê dost hene ji bira jî nêzîktir in.

Methelokên 19:13

Kurê bêaqil bela serê bavê xwe ye, Jina şerûd dilopa berdewam e.

Methelokên 19:7

Heke birayên kesê feqîr jê nefretê bikin, Helbet wê dostên wî jî jê dûr bikevin. Çiqas jî li pey wan lava dike, Lê belê ew çûne.

Îbranî 2:11

Çimkî yê ku pîroz dike û yên ku tên pîrozkirin, hemû ji Yekî ne. Ji ber vê yekê Îsa şerm nake ku ji wan re bêje ‹bira›

Nivîsa Rûta Pîrika Dawidê Padîşah 1:16

Lê Rûtê got: “Zorê li min neke ku ez dev ji te berdim û li pey te neyêm. Çimkî tu herî ku derê, ezê bêm wê derê. Tu li ku derê bimînî, ezê jî li wê derê bimînim. Wê gelê te bibe gelê min, wê Xwedayê te bibe Xwedayê min.

Samûêl I, 18:3

Ji ber ku Yonatan bi dil û can, wekî nefsa xwe jê hez dikir, soz û peymana biratiyê dane hev.

Samûêl I, 19:2

Loma Yonatan ji Dawid re got: “Bavê min Şawûl dixwaze te bikuje. Ez ji te lava dikim, sibê hay ji xwe hebe û xwe li cihekî bi ewle veşêre.

Samûêl I, 19:3

Ezê jî herim ba bavê xwe, zeviya ku tu lê yî. Ezê li wir derbarê te de bi bavê xwe re bipeyivim. Heke ez tiştekî bizanibim ezê ji te re bêjim.”

Samûêl I, 20:17

Yonatan ji ber hezkirina Dawid, careke din ew da sondê. Çimkî bi dil û can, wekî nefsa xwe jê hez dikir.

Samûêl I, 23:16

Di vê navberê de Yonatanê kurê Şawûl rabû çû Horeşê ba Dawid û bi navê Xwedê hêz da wî.